RI BIBLIA XUKʼEX RI KIKʼASLEMAL

Xkiriq «jun Perla sibʼalaj paqal rajil»

Ri Jesús xukʼutu che ri uQʼatbʼal tzij ri Dios kusukʼumaj na ronojel ri kʼax che kʼo cho ri uwach Ulew (Mateo 6:10). Pa Mateo 13:44-46, xchʼaw chrij kebʼ kʼutbʼal che kukʼutu che nim ubʼanik retaʼmaxik chrij ri uQʼatbʼal tzij ri Dios:

Jupuq wachbʼal: Ri kebʼ achijabʼ che xchʼaw ri Jesús chkij. 1. Jun achi tajin kubʼan jun jul y kumay ri kuriqo. 2. Jun chi achi rukʼam jun perla y kkikotik.

Jun achi tajin kchakunik y xaq kʼateʼ xuriq jun qʼinomal che kʼutal kan pa jun ulew.
Jun ajkʼay che kutzukuj perlas xuriq jun che sibʼalaj paqal rajil.

Ri e kebʼ achijabʼ riʼ rukʼ ronojel kanimaʼ xekikʼayij kan ri jastaq ke rech kkiloqʼ ri perla. Ri kebʼ achijabʼ riʼ kkikʼutunisaj ri e winaq che kiyaʼom kan jujun jastaq ke rumal che nim kkil wi ri uQʼatbʼal tzij ri Dios (Lucas 18:29, 30). Pa wajun video riʼ, kqil na ri xkikʼulmaj kebʼ winaq che kejunamataj kukʼ ri kebʼ achijabʼ che xubʼij ri Jesús.