¿La kopan na jun qʼij che ksachisax kiwach ri e qʼatal taq tzij che keʼelaqʼanik?

Ri qʼatal taq tzij pa ronojel ri uwach Ulew sibʼalaj keʼelaqʼanik y wariʼ uyaʼom kʼi taq kʼax chke ri winaq.a Jun kʼutbʼal, chi xumaj ri COVID-19, e kʼi winaq kkibʼij che ri e qʼatal taq tzij xeqʼinomar rumal ri pwaq che kkoj che kitoʼik ri winaq chuwach ri yabʼil. Rumal wariʼ e kʼi winaq xekamik rumal che kʼo ta chi pwaq che kikunaxik.

Ri elaqʼ che kkibʼan ri qʼatal taq tzij ubʼanom kʼax chke ri winaq pa ronojel ri uwach Ulew. Jun achi ubʼiʼ David Cameron, che nabʼe kanoq xchakun pa ri qʼatbʼal tzij pa ri tinamit Reino Unido, xubʼij wariʼ: «Ri elaqʼ che kkibʼan ri qʼatal taq tzij kjunamataj rukʼ ri usok am, rumal che pa ronojel taq ri tinamit kbʼan wi».

Are kʼu, qas qetaʼm che ksachisax na uwach ri elaqʼ che kbʼan pa ri e qʼatbʼal tzij. ¿Jasche qetaʼm wariʼ? Chqilaʼ pa ri Biblia ri kubʼan na ri Dios.

¿Jasche qas qetaʼm che ri Dios kusachisaj na uwach ri elaqʼ che kbʼan pa ri e qʼatbʼal tzij?

Ri Dios xuya ubʼixik wariʼ pa ri Biblia: «Ri Ajawaxel kuloqʼoj ri sukʼilal, kretzelaj kʼu uwach ri elaqʼanik xuqujeʼ ri kibʼanik il patan».b (Isaías 61:8). Ri Dios qas retaʼm chiʼ jun winaq kuriq kʼax rumal ri elaqʼ che kkibʼan ri e qʼatal taq tzij (Proverbios 14:31). Ri Dios kutzujuj wariʼ: «Ri […] kabʼan chke chi kkiriq kʼaxkʼolil. Rumal riʼ kimik kinwalijik, kimik keʼenyaʼ kʼu chke ri sibʼalaj kirayim uloq» (Salmo 12:5).

¿Jas kubʼan na ri Dios? Kusukʼumaj ta ri kiqʼatbʼal tzij ri winaq, xaneʼ are kukoj ri uQʼatbʼal tzij ri areʼ che ya kʼo chi pa ri kaj, che kbʼix «ri rajawbʼal ri Dios» che (Marcos 1:14, 15; Mateo 6:10). Ri Biblia kubʼij: «Ri Dios ri kʼo pa ri kaj kujeqeb’aʼ na jun ajawbʼal ri [...] keʼusachisaj na kiwach konojel taq ri nikʼaj ajawbʼal chik, kjeqiʼ kʼu na chbʼe qʼij saq» (Daniel 2:44). Rukʼ wariʼ, kqilo che ri Dios kusachisaj na kiwach ri e qʼatal taq tzij.

Jun qʼatal tzij che kuqʼat tzij rukʼ sukʼilal

¿Jasche qetaʼm che ri uQʼatbʼal tzij ri Dios kuqʼat na tzij rukʼ sukʼilal? Chachomaj wariʼ:

1. 1. Ri chuqʼabʼ. Are ri Dios ri kʼo ronojel ukunem kyaʼow uchuqʼabʼ ri kqʼatow tzij pa wajun Qʼatbʼal tzij riʼ (Apocalipsis 11:15).

   ¿Jasche nim ubʼanik wariʼ? Rech ri qʼatal taq tzij kekunik kkiqʼat tzij, kajwataj ri pwaq che kkiya ri winaq chke. Y rumal che kʼo pwaq kukʼ kʼax ta kkibʼan che relaqʼaxik y kkitoj winaq rech kʼo ta kkibʼij chrij ri kkibʼano. Are kʼu, ri uQʼatbʼal tzij ri Dios je ta wariʼ kubʼano xaneʼ amaqʼel kuya na ri kajwataj chke ri kkitoʼ uwiʼ (Salmo 145:16).

2. 2. Ri kqʼatow tzij. Ri Dios ukojom ri Jesús rech kuqʼat tzij pa ri uQʼatbʼal tzij (Daniel 7:13, 14).

   ¿Jasche nim ubʼanik wariʼ? Rumal che paneʼ e utz ri qʼatal taq tzij, are kʼu ketaqchix che ubʼanik itzel jastaq (Eclesiastés 7:20). Are kʼu, ri Jesús xukʼutu che je ta wariʼ xubʼano (Mateo 4:8-11). Rumal laʼ, ronojel ri kubʼano kubʼan rumal che keraj ri winaq y kraj che kkiriq utzilal (Salmo 72:12-14).

3. 3. Ri e taqanik. Ri taqanik che kuya ri uQʼatbʼal tzij ri Dios e tzʼaqat y kuya kikotemal chke ri kenimanik (Salmo 19:7, 8).

   ¿Jasche nim ubʼanik wariʼ? Ri kitaqanik ri winaq qas ta kchʼobʼtajik xuqujeʼ kʼax ubʼanik y wariʼ kubʼano che kʼo itzelal. Are kʼu ri utaqanik ri Dios kʼax ta uchʼobʼik y kuya utzilal chqe (Isaías 48:17, 18). Xuqujeʼ xaq xiw ta kqanimaj ri e taqanik xaneʼ rajawaxik kqetaʼmaj jasche kqanimaj (Mateo 22:37, 39). Y rumal che ri Dios qas retaʼm ri kʼo pa qanimaʼ, kubʼano che rukʼ loqʼoqʼebʼal kyaʼ ri utaqanik chqe (Jeremías 17:10).

Kqabʼij chawe che kawil ri kubʼij ri Biblia che kopan na jun qʼij che kʼo ta chi elaqʼ kbʼan pa ri uwach Ulew.

• Chasikʼij ri kʼutunem «El Reino de Dios, un gobierno sin corrupción» rech kawil oxibʼ rumal che qas kqakojo che ri uQʼatbʼal tzij ri Dios kʼo ta jumul che mat ne kukʼut sukʼilal.

• Chawilaʼ ri video ¿Jas riʼ ri Rajawbʼal ri Dios? Rech kawetaʼmaj más chrij ri uQʼatbʼal tzij ri Dios y ri kubʼan na pa ri uwach Ulew.

• Chawilaʼ jas ubʼanik wajun etaʼmanik riʼ xuqujeʼ chawilaʼ ri kubʼan che atoʼik ri e tzujunik che e kʼo pa ri Biblia.