Seis millones winaq e kaminaq rumal ri COVID | ¿Jas kubʼij ri Biblia chrij wariʼ?

Ri Organización Mundial de la Salud (OMS) xubʼij che pa ri 23 re mayo 2022 e 6,27 millones winaq e kaminaq rumal ri COVID-19. Are kʼu pa jun informe re prensa che xel lo pa ri 5 re mayo 2022, ri OMS xubʼij che weneʼ más e kʼi ri winaq e kaminaq. Xuqʼalajisaj che, pa ri 2020 kopan pa ri 2021, «weneʼ e kaminaq 14,9 millones winaq rumal ri COVID-19». ¿La kʼo kubʼij ri Biblia chrij wajun nimalaj kʼax riʼ?

Ri Biblia xubʼij che kepe na nimaʼq taq yabʼil

• Ri Jesús xubʼij che «pa ri kʼisbʼal taq qʼijol» kepe na nimaʼq taq yabʼil (Lucas 21:11; 2 Timoteo 3:1).

Qas tajin kkʼulmataj ri xuya kan ubʼixik ri Jesús. We kawaj kawetaʼmaj más chasikʼij ri kʼutunem ubʼiʼ: «¿Cuál es la señal de ‹los últimos días› o ‹los tiempos finales›?».

Ri Biblia kuya kubʼsal kʼuʼx chqe

• «Are Dios waʼ ri kukubʼsaj qakʼuʼx [...] pa konojel ri qakʼaxkʼolil» (2 Corintios 1:3, 4).

E kʼi winaq che e kaminaq kachalaxik kiriqom kubʼsal kʼuʼx pa ri Biblia. Chasikʼij ri e kʼutunem «Cómo sobrellevar el duelo: Sugerencias prácticas» y «La mejor ayuda para quienes están de duelo».

Ri Biblia kubʼij che ksach na uwach ri yabʼil chbʼe qʼij saq

• «Chpet ri ajawibʼal la. Chbʼan ri rayibʼal la cho ri uwach ulew, jachaʼ ri kbʼan chikaj» (Mateo 6:10).

Naj ta chi kraj «ri rajawbʼal ri Dios» kubʼano che ktzʼaqat waʼ taq tzij riʼ: «Man kʼo ta jun aj tinamit kubʼij ta na: ‹In yawabʼ›» (Marcos 1:14, 15; Isaías 33:24). Rech kawetaʼmaj más chrij ri uQʼatbʼal tzij ri Dios y ri kubʼan na chawilaʼ ri video ¿Jas riʼ ri Rajawbʼal ri Dios?

Kqabʼij chawe che ri at y ri afamilia kiwetaʼmaj más chrij ri Biblia rech kiriq ri utzilal kuya ri pixabʼ che kʼo chupam y kiwetaʼmaj ri kutzujuj ri Dios.