Kamisanik rukʼ qʼaqʼ pa taq ri escuelas | ¿Jas kubʼij ri Biblia chrij wariʼ?

Pa ri 24 re mayo 2022, xxajtaj jun nimalaj kʼax pa ri alaj tinamit Uvalde, Texas, Estados Unidos. Junam rukʼ ri xubʼij ri wuj The New York Times, «jun achi xeʼukamisaj e 19 akʼalabʼ y e kebʼ ajtijabʼ rukʼ qʼaqʼ [...] pa ri Escuela Primaria Robb».

Sibʼalaj bʼisobʼal, rumal che ri e kʼax riʼ amaqʼel kkʼulmatajik. Junam rukʼ ri xubʼij ri wuj USA Today xaq xiw pa Estados Unidos «junabʼir 249 mul xbʼan kamisanik pa taq ri escuelas rukʼ qʼaqʼ, más kʼo na chuwach nikʼaj chi junabʼ che umajim lo pa ri 1970».

¿Jasche kekʼulmataj ri nimaʼq taq kʼax riʼ? ¿Jas kqabʼano rech kqachʼij ri bʼis kuya wariʼ? ¿La kʼo rumal kqachomaj che kkʼis na kiwach ri e kʼaxkʼolil? Ri Biblia kuya ubʼixik chrij wariʼ.

¿Jasche xa más tajin knimataj ri itzelal?

• Ri Biblia kubʼij che oj kʼo pa ri «kʼisbʼal taq qʼijol», jun tiempo che ri e winaq «man kʼo ta loqʼoqʼebʼal kikʼuʼx» y «e kʼanalaj taq winaq» rumal che kkibʼan xibʼibʼal xuqujeʼ itzelalaj taq jastaq. Ri e itzel taq winaq riʼ xa «kenimataj na» más (2 Timoteo 3:1-5, 13). We kawaj kawetaʼmaj más, chasikʼij uwach ri kʼutunem «¿Predijo la Biblia cómo sería la gente en nuestros días?».

E kʼi winaq kkichomaj: «¿Jasche ri Dios kuqʼatej ta uwach ri kamisanik kbʼan pa taq ri escuelas?». Rech kawetaʼmaj más ri kubʼij ri Biblia chrij wariʼ, chasikʼij uwach ri kʼutunem «¿Por qué le pasan cosas malas a la gente buena?».

¿Jas kqabʼano rech keqachʼij ri kʼax che kuya ri itzel taq jastaq?

• «Konojel kʼu ri jastaq ri xetzʼibʼax uloq, xetzʼibʼax che qatijoxik, che ukubʼisaxik qakʼuʼx. Rech jeriʼ kqachʼij ri kʼax, kkubʼiʼ qakʼuʼx chrij ri Dios» (Romanos 15:4).

Ri e chomanik che kʼo pa ri Biblia katutoʼo rech katkunik kachʼij ri itzelal kʼo pa wajun uwach Ulew. We kawaj kawetaʼmaj más, chasikʼij uwach ri wuj ¡Despertad! «¿Acabará algún día la violencia?».

Jujun taq mul pa taq ri noticias, ri akʼalabʼ kkita o kkil itzel taq jastaq che kekʼulmatajik, y kuya xibʼin ibʼ chke. We e kʼo awalkʼwal y kawaj kawetaʼmaj jas kabʼan che kitoʼik, chasikʼij uwach ri kʼutunem «El efecto de las noticias en los niños».

¿La kʼo jun qʼij kkʼis na uwach ri itzelal?

• «Keresaj pa ri latzʼ xuqujeʼ pa ri riqoj kʼax» (Salmo 72:14).

• «Ri e areʼ kekibʼan na bʼanbʼal tajibʼal chke taq ri kichʼichʼ re chʼoj, ri e areʼ taq kʼut ri e kitzʼimaj chʼichʼ kekibʼan taq jos chke. Man kʼo ta jun tinamit keʼumajij ta chi na ri e chʼojibʼal che ubʼanik chʼoj rukʼ jun chik mawi kukʼam ta chi na tijonik che ubʼanik chʼoj» (Miqueas 4:3).

Ri Dios kubʼan na jastaq che ri e winaq kekun ta che ubʼanik. Ri uQʼatbʼal tzij che kʼo pa ri kaj kusach na uwach ronojel taq ri qʼaqʼ re kamisabʼal y ri itzelal. We kawaj kawetaʼmaj más chrij ri kubʼan na ri uQʼatbʼal tzij ri Dios, chasikʼij uwach ri kʼutunem «El Reino de Dios traerá ‹paz en abundancia›».