¿La sexo riʼ we jun winaq kukoj ri uchiʼ o uqʼabʼ che uchapik ri uxoʼl raʼ jun chik?

Junam rukʼ ri encuesta che xubʼan ri Centros para el Control y la Prevención de Enfermedades, re Estados Unidos, che e kʼi alabʼom alitomabʼ che kʼo 15 kopan 19 kijunabʼ xkibʼij che kibʼanom ri sexo oral.a Jun ixoq ubʼiʼ Sharlene Azam, che are xtzʼibʼan ri wuj Oral Sex Is the New Goodnight Kiss (Sexo oral: el nuevo beso de buenas noches), kubʼij: «We kataʼ che jun ala o jun ali we ukojom ri uchiʼ che uchapik ri uxoʼl raʼ jun chik, kubʼij riʼ chawe che wariʼ kʼo ta kubʼano», xuqujeʼ ri wuj kubʼij wariʼ: «Ri alabʼom alitomabʼ kkichomaj che wariʼ sexo taj».

• ¿Jas kachomaj at?

• ¿Jas riʼ ri qastzij?

• ¿La nim ubʼanik?

¿Jas kachomaj at?

Chabʼij we jeʼ o no.

1. ¿La kkanaj yawabʼ winaq jun ali we jun chik kukoj ri uchiʼ che uchapik ri uxoʼl raʼ?

   1. Jeʼ

   2. No

2. ¿La kuriq yabʼil ri winaq we kukoj ri uchiʼ che uchapik ri uxoʼl raʼ jun chik?

   1. Jeʼ

   2. No

3. ¿La sexo riʼ we jun winaq kukoj ri uchiʼ che uchapik ri uxoʼl raʼ jun chik?

   1. Jeʼ

   2. No

¿Jas riʼ ri qastzij?

Chawilaʼ we junam ri xaya ubʼixik rukʼ ri kʼo ikim.

1. ¿La kkanaj yawabʼ winaq jun ali we jun chik kukoj ri uchiʼ che uchapik ri uxoʼl raʼ?

   Respuesta: No. Xa rumal waʼ e kʼi kkichomaj che kʼo ta kubʼano che jun winaq kukoj ri uchiʼ che uchapik ri uxoʼl raʼ jun chik.

2. La kuriq yabʼil ri winaq we kukoj ri uchiʼ che uchapik ri uxoʼl raʼ jun chik?

   Respuesta: Jeʼ. Ri winaq che kukoj ri uchiʼ che uchapik ri uxoʼl raʼ jun chik weneʼ kuriq hepatitis A o B, verrugas genitales, gonorrea, herpes, sida o sífilis.

3. ¿La sexo riʼ we jun winaq kukoj ri uchiʼ che uchapik ri uxoʼl raʼ jun chik?

   Respuesta: Jeʼ. Ronojel uwach jastaq che kkibʼan ri winaq che uchapik uxoʼl raʼ jun chi winaq are sexo, junam rukʼ ri relaciones sexuales, chiʼ jun winaq kukoj ri uchiʼ che uchapik ri uxoʼl raʼ jun chik xuqujeʼ chiʼ jun winaq kukoj ri uqʼabʼ che uchapik ri uxoʼl raʼ jun chi winaq o masturbación.

¿La nim ubʼanik?

Chqilaʼ ri kubʼij ri Biblia chrij wariʼ.

Ri Biblia kubʼij: «Are waʼ karaj ri Dios, chi kixux tastalik taq winaq, chi man kibʼan ta makunik kukʼ ixoqibʼ achijabʼ» (1 Tesalonicenses 4:3).

Ri tzij che kkoj che «makunik kukʼ ixoqibʼ achijabʼ» are kchʼaw chrij ronojel uwach jastaq che kkibʼan ri winaq chiʼ keʼok rukʼ jun chik, keqʼoyiʼ rukʼ jun winaq che are ta ri kikʼulaj, chiʼ jun winaq kukoj ri uchiʼ che uchapik ri uxoʼl raʼ jun chik xuqujeʼ chiʼ jun winaq kuchap jun chik o kubʼan masturbar. Apachin ri kbʼanow wariʼ kuriq kʼax pa ukʼaslemal y más na kuriq kʼax ri rachilanik rukʼ ri Dios (1 Pedro 3:12).

Ri Biblia kubʼij: «Apachin kʼut ri kumakuj kukʼ ixoqibʼ achijabʼ, kunaq ri qas ucuerpo che makaj» (1 Corintios 6:18).

Are chiʼ jun winaq kukoj ri uchiʼ che uchapik ri uxoʼl raʼ jun chik wariʼ kubʼano che ri winaq kuriq kʼax pa ri ucuerpo y pa ri ukojonik. Xuqujeʼ kubʼan kʼax che pa ri uchomanik. Ri wuj Como hablar de sexo con los adolecentes para que te escuchen kubʼij: «Ri bʼis y ri kʼax xaq xiw ta jun ali kariqowik. Ronojel ri bʼis kkʼutunik are chiʼ kbʼan ri relaciones sexuales. Xuqujeʼ kkʼulmataj wariʼ are chiʼ kbʼan ronojel uwach jastaq che uchapik uxoʼl raʼ jun chi winaq. Ri sexo are sexo».

Ri Biblia kubʼij: «In ri Ajawaxel ri aDios ri kinkʼut chawach jachike ri utz chawe» (Isaías 48:17).

¿La kuya utzilal chawe ri pixabʼ che kchʼaw chrij ri sexo? ¿O xa tajin katuqʼatej che ubʼanik ri kawaj kabʼano? Chachomaj che at bʼenaq pa jun nimalaj bʼe ri e kʼo wi kʼi señales re tránsito che kubʼij chawe che aninaq taj katbʼek xuqujeʼ jawchiʼ utz katakʼabʼa wi ri acarro. ¿La kabʼij che wa taq señales riʼ xa tajin katuqʼatej che ubʼanik ri kawaj kabʼano, o xa tajin katuchajij? ¿Jas kkʼulmataj riʼ we man kanimaj taj?

Xaq junam kkʼulmataj rukʼ ri utaqanik ri Dios. We kanimaj taj, kariq na kʼax pa ri akʼaslemal (Gálatas 6:7). «Are chiʼ kanimaj ta ri utaqanik ri Dios y are kabʼan ri jastaq che utz taj, tajin kakʼutu che nim ta kawil wi awibʼ», kchaʼ ri wuj Sex Smart (Sexo inteligente). Rumal laʼ, we kabʼan ri ktaqan wi ri Dios, tajin kakʼutu che kʼo utzalaj taq abʼantajik. Y ri más utz na are che kkʼojiʼ jun utzalaj retaʼmabʼal akʼuʼx (1 Pedro 3:16).