Xaq mabʼan jastaq che e itzel (1 Corintios 6:9, 10)

We kqaloqʼoqʼej ri Jehová, kqabʼan ta jastaq che itzel krilo.

Jehová kraj täj che kojelaqʼik, kojqʼabʼarik xuqujeʼ che kqatij drogas.

Jehová itzel kril ri kamisanik xuqujeʼ chiʼ kkamisax jun akʼal che majaʼ kalaxik. Xuqujeʼ che jun achi kubʼan rixoqil che jun achi chik, areʼ kraj täj che kqarayij ri jastaq rech jun chik xuqujeʼ che kqabʼan chʼoj.

Xaq maqabʼan ri kichak ajqʼij xuqujeʼ maqayaʼ kiqʼij täq tyox.

Pa ri kotzʼiʼjalaj uwach Ulew che petinaq kekʼejeʼ ta ri kkibʼan itzelal.

Chqabʼanaʼ ri utz täq jastaq (Mateo 7:12)

Rech kqakikotemaj ri Ajawaxel, rajawaxik kqabʼan qe junam rukʼ kubʼan areʼ.

Chqakʼutuʼ ri qaloqʼoqʼenik chike nikʼaj chik chiʼ kqabʼan ri utzilal xuqujeʼ chiʼ kojsipanik.

Chqabʼij ri qastzij xuqujeʼ mujelaqʼik.

Chqatoqʼobʼisaj kiwach nikʼaj chik xuqujeʼ chqasachaʼ kimak.

Chqabʼij chike nikʼaj chik chirij ri Jehová xuqujeʼ ri täq utaqonik (Isaías 43:10).

Chqabʼanaʼ ri kraj ri Ajawaxel (1 Pedro 5:6-9).

Xaq mabʼan jastaq che ri winaq e naqʼatal che ubʼanik che ri Loqʼalaj Pixabʼ kubʼij che utz täj. Rajawaxik kaxibʼij ta awibʼ rech kabʼan wariʼ.

Makoj awibʼ pa täq política, rumal che wariʼ kutoʼ ta ri Ajawbʼal rech ri Ajawaxel.

Chachaʼ ubʼanik ri utz: chanimaj ri Ajawaxel (Mateo 7:24, 25)

Cheʼawachilaj ri testigos rech Jehová e areʼ katkitoʼo rech katqebʼ rukʼ ri Ajawaxel.

Maya kan retaʼmaxik chirij ri Jehová xuqujeʼ chakojoʼ achoqʼabʼ che ubʼanik ri kraj areʼ.

Chiʼ nim chi ri akojonik, chajachaʼ ri akʼaslemal che ri Jehová xuqujeʼ chabʼanaʼ aqasanjaʼ (Mateo 28:19).

Chanimaj ri Ajawaxel. Chasikʼij uwach ri Loqʼalaj Pixabʼ xuqujeʼ chabʼij chike ri testigos rech Jehová che katkitoʼ che retaʼmaxik chirij. Tekʼuriʼ chabʼanaʼ ri kawetaʼmaj chupam. We kabʼano, katkunik kariq jun akʼaslemal che kʼot ukʼisik (Salmo 37:29).