KʼUTUNEM 7

Ukojik tzʼaqatalaj tzij xuqujeʼ kʼo uchuqʼabʼ

Lucas 1:3

RESUMEN: Chakojoʼ tzʼaqatalaj tzij che kitoʼik ri kattatabʼenik rech ksukʼumataj ri kichomanik.

Chanikʼoj e wuj che qas etaʼmatalik. Chawesaj ri kabʼij pa ri Utzij ri Dios xuqujeʼ amaqʼel chasikʼij uwach are chiʼ katkunik. We katchʼaw chrij jun tema científico, jun noticia, o jun bʼantajik o jun chik kʼulmatajinaq, qas chawilaʼ che ri kabʼij qas kʼulmatajinaq xuqujeʼ kʼateʼ xel loq.
Chabʼanaʼ utz ukojik che ri kawesaj wi ri kabʼij. Are chiʼ kaya ubʼixik ri kubʼij jun texto, rajawaxik che kawil ri contexto, ri qas kukʼut ri Biblia xuqujeʼ ri e wuj che kuya ri «jikalaj pataninel, utz uchomanik» (Mat. 24:45). We katchʼaw chrij jun jastaq che esam ta pa ri Biblia junam rukʼ ri kbʼix pa ri tijobʼal o pa ri radio utz kakʼex ta ri kyaʼ ubʼixik.

Kaya ta uwiʼ ri e bʼantajinaq. Makʼex tzij xuqujeʼ kabʼij taj che «kʼi chke ri winaq» we xa «e jujun winaq» o «amaqʼel» we xa «jujun mul» xuqujeʼ kabʼij ta «qastzij wi» pa ukʼexwach «weneʼ».
Cheʼatoʼ ri kattatabʼenik rech kechomanik. Are chiʼ asikʼim chi jun texto o jun chi wuj, chabʼanaʼ jun pregunta o chakojoʼ jun kʼutbʼal rech ri kattatabʼenik kux sukʼ ri kichomanik pa kitukel.