KʼUTUNEM 16

Utz chomanik

Job 16:5

RESUMEN: Chatchʼaw chrij ri rajawaxik kbʼanik rech ksukʼumataj ri kʼax, xuqujeʼ chayaʼ kubʼsal kʼuʼx chke ri kattatabʼenik.

Chkʼol utz achomanik chkij ri kattatabʼenik. Chakubʼsaj akʼuʼx che ri e qachalal kkaj kkibʼan ri kqaj chuwach ri Jehová. Are chiʼ kapixbʼej jun winaq chakojoʼ achuqʼabʼ rech kabʼij rukʼ utz taq tzij ri utz che tajin kubʼano, we kuya kabʼano.

Chnaʼtaj chawe che are ri loqʼoqʼebʼal kbʼanowik che katchʼawik. Chattzeʼnoq rech qas kubʼan utz ri atzijonem kukʼ ri kattatabʼenik.
Kʼi ta tzij kakojo are chiʼ kattzijon chrij ri kʼax bʼantajinaq. We rajawaxik katchʼaw chrij ri jujun kʼax are chiʼ kaya ri tijonik, xa kebʼ oxibʼ kabʼij. Qas rajawaxik che katchʼaw chrij ri utzalaj taq tzij.
Utz chabʼanaʼ che ukojik ri Utzij ri Dios. Chakʼutuʼ ronojel ri ubʼanom ri Jehová, ri tajin kubʼano xuqujeʼ ri kubʼan na pa kiwiʼ ri e winaq. Chayaʼ keyebʼal xuqujeʼ ukowil kikʼuʼx ri kattatabʼenik.