Referencias rech ri wuj Qachak xuqujeʼ Qakʼaslemal ri oj Cristianos
© 2024 Watch Tower Bible and Tract Society of Pennsylvania
4-10 RE NOVIEMBRE
QʼINOMAL RE RI UTZIJ RI DIOS SALMO 105
«Man ksach ta pa ujolom ri ubʼim chik»
w23.04 28 párrs. 11, 12
¿Jas rajawaxik kqabʼano rech qas kqakojo che ksukʼumax na ri uwach Ulew?
11 Chqilampeʼ jujun tzujunik xubʼan ri Jehová chke ri upatanelabʼ ojer che weneʼ xkikoj taj. Jun kʼutbʼal, xubʼij chke ri Abrahán y ri Sara che kkʼojiʼ jun kalkʼwal paneʼ e rijabʼ chik (Gén. 17:15-17). Xuqujeʼ xubʼij che ri Abrahán che kuya na ri ulew re Canaán chke ri e ralkʼwal. Are kʼu are chiʼ ri israelitas, ri e rachalaxik ri Abrahán, kʼi tiempo xekʼojiʼ pa Egipto weneʼ xkichomaj che ri xutzujuj ri Jehová chke kbʼantaj taj. Are kʼu, qas xbʼantaj ri xutzujuj ri Jehová. Are chiʼ qʼaxinaq chi kʼi junabʼ ri Jehová xubʼij che ri Elisabet che kkʼojiʼ jun ral paneʼ nim chi ujunabʼ. Xuqujeʼ xubʼij che ri María che kkʼojiʼ jun ral paneʼ kʼulan taj. Rukʼ wariʼ ktzʼaqat ri tzujunik che xubʼan kan ri Jehová pa ri kotzʼiʼjalaj Edén (Gén. 3:15).
12 Kqil ri nimalaj uchuqʼabʼ ri Jehová are chiʼ kojchoman chrij ronojel ri utzujunik y ri xubʼan che utzʼaqatisaxik. Rumal laʼ kqakojo che kubʼan na kotzʼiʼj che ri uwach Ulew (chasikʼij uwach Josué 23:14; Isaías 55:10, 11). Jeriʼ kojkunik keqatoʼ e nikʼaj chik rech kekojon chrij ri kʼakʼ uwach Ulew. Are chiʼ ri Jehová xchʼaw chrij ri kʼakʼ kaj y ri kʼakʼ Ulew xubʼij wariʼ: «E jik xuqujeʼ qastzij we tzij riʼ» (Apoc. 21:1, 5).
it-2-S 581 párr. 2
Ri Tzij
Ronojel ri ubʼanom ri Dios, kʼo chuxeʼ ri utaqanik ri Utzij, rumal laʼ kkunik keʼukojo rech ktzʼaqat ri urayibʼal (Sl 103:20; 148:8). Ri Dios qas kubʼan ri kubʼij, rumal laʼ kuya kkubʼsax kʼuʼx chrij ri Utzij (Dt 9:5; Sl 105:42-45). Ri areʼ kubʼij che ri Utzij «man kkʼextaj ta xaq je wi amaqʼel»; ktzalij ta rukʼ we man utzʼaqatisam ri kubʼij (Isa 40:8; 55:10, 11; 1Pe 1:25).
Jeʼlalaj taq pixabʼ
w86-S 1/11 19 párr. 15
Alabʼom alitomabʼ che ketobʼanik rech kʼo kikotemal pa ri familia
15 «Xesok ri raqan kumal tiqom taq chʼichʼ [ri e raqan ri José]; ¡chʼichʼ xyutubʼex rech! Xtijtobʼex ri José rumal ri utzij ri Ajawaxel, Kʼa xtzʼaqat na ri uyoʼm ubʼixik ri José» (Salmo 105:17-19). 13 junabʼ xuriq kʼax ri José are chiʼ xux esclavo y xtzʼapix pa cárcel kʼa xtzʼaqat na ri ubʼim ri Jehová. Rukʼ ri xukʼulmaj xutoʼo rech xux más jun utz winaq. Paneʼ are ta ri Jehová xyaʼow ri kʼax che, are kʼu kʼo jun rumal che xuyaʼo che xuriq ri kʼax. ¿La kukubʼsaj ukʼuʼx ri José chrij ri Utzij ri Jehová paneʼ tajin kuriq kʼi kʼax? ¿La kuyaʼ bʼe che kenimar más ri utz taq ubʼantajik, junam rukʼ ri paciencia, ri machʼachʼem, ri ukojonik y la kubʼan riʼ ri kubʼij ri Jehová paneʼ kʼax ubʼanik? Jeʼ, ri José xkʼojiʼ utz taq ubʼantajik junam rukʼ ri jeʼlalaj oro che kel lo pa ri qʼaqʼ, sibʼalaj xqaj chuwach ri Dios, rumal laʼ are chiʼ xqʼax ri tiempo ri Dios xuya nikʼaj chi eqeleʼn che (Génesis 41:14, 38-41, 46; 42:6, 9).
11-17 RE NOVIEMBRE
QʼINOMAL RE RI UTZIJ RI DIOS SALMO 106
«Xsach pa kijolom che ri Dios are ri toʼl ke»
w18.07-S 20 párr. 13
«Jachin taq ri kiyoʼm kitzij che uterenexik ri» Jehová
13 Ri israelitas xkixiʼj kibʼ are chiʼ xkil ri nimaʼq taq sutzʼ, ri kaqulja y ri nikʼaj chik che xkikʼut ri uchuqʼabʼ ri Dios. Rumal laʼ xkitaq ri Moisés rech kchʼaw rukʼ ri Jehová (Éx. 20:18-21). Rumal laʼ ri Moisés xbʼe pa ri juyubʼ Sinaí, y kʼi qʼij xkʼojiʼ chilaʼ. Rumal che kʼo ta chi ri Moisés kukʼ, ¿la xaq kitukel e kʼo kan pa ri desierto? Más xkikubʼsaj kikʼuʼx chrij ri Moisés. Rumal laʼ xkeyej ta rukʼ paciencia y xkibʼij che ri Aarón: «Chatwalijoq, cheʼabʼanaʼ qadiosibʼ ri kkʼamow qabʼe, ri Moisés ri xujesan uloq pa Egipto, man qetaʼm taj jas ri xukʼulmaj» (Éx. 32:1, 2).
Jeʼlalaj taq pixabʼ
w06-S 15/7 13 párr. 9
Pixabʼ nim kibʼanik keʼesax pa ri wuj tercero y cuarto de los Salmos
106:36, 37. Ri versículos riʼ kukʼutu che ri kiqʼijilaxik ri e tyox kʼo ubʼanik kukʼ ri demonios. Rumal laʼ ri winaq che keqʼijilan chke ri e tyox e kʼo pa kiqʼabʼ ri demonios. Ri Biblia kubʼij wariʼ che kqachajij qibʼ o kqaya ta kiqʼij ri e tyox (1 Juan 5:21).
18-24 RE NOVIEMBRE
QʼINOMAL RE RI UTZIJ RI DIOS SALMOS 107, 108
«Chiyaʼ maltyoxinik che ri Ajawaxel utz kʼut ri areʼ»
w07-S 15/4 20 párr. 2
Chqayaʼ uqʼij ri Jehová pa ri congregación
2 Ri congregación are ta jun lugar jawiʼ kkimulij kibʼ winaq che xaq kkiqʼaxej ri kitiempo chilaʼ, kkibʼan etzʼanem o nikʼaj chik. Ri kbʼan chilaʼ are kyaʼ uqʼij ri Jehová Dios, amaqʼel are laʼ ri kbʼan chilaʼ y are waʼ kuya ubʼixik ri wuj re Salmos. «Kinyaʼ maltiʼoxinik che la chuwach ri tinamit la ri man kʼo ta kajilabʼal; ¡kinyaʼ qʼij la chkiwach ri kʼiʼalaj winaq!», kchaʼ Salmo 35:18. Y ri Salmo 107:31, 32 kubʼij: «Chiyaʼ maltyoxinik che ri Ajawaxel rumal ri uloqʼoqʼebʼal kʼuʼx, ¡rumal ri kubʼan che kitoʼik ri winaq! ¡Chitzʼonoj toqʼobʼ che are taq kumulij ribʼ ri tinamit!».
w15-S 15/1 9 párr. 4
Chojmaltyoxin che ri Jehová
4 Rech kojmaltyoxin che ri Jehová rajawaxik kojchoman chrij ronojel ri uyaʼom chqe. Y kojchoman chrij ri kubʼan che ukʼutik ri uloqʼoqʼebʼal rukʼ ronojel ri uyaʼom chqe. Are chiʼ ri salmista xuchomaj rij ronojel ri uyaʼom ri Jehová che, sibʼalaj xumayo (chasikʼij Salmo 40:5 y 107:43).
Jeʼlalaj taq pixabʼ
it-2-S 409 párr. 6
Moab
Are chiʼ ri David tajin kuqʼat tzij, ri Israel xchʼojin rukʼ Moab. Ri David xtaqan pa kiwiʼ ri moabitas y xeʼutaqchiʼj rech xkiya pwaq che. Are chiʼ xchʼakanik xeʼukamisaj kʼi chke ri ajchʼojabʼ re Moab. Ri David xubʼano che kakilememej kibʼ o kakikotzʼ bʼa kibʼ cho ri ulew y xeretaj rukʼ jun etabʼal kʼaʼm, ri xekanaj chupam ri kakabʼ kʼaʼm kekamisaxik y ri xekanaj chupam jujun kʼaʼm kekʼasiʼ kanoq (2Sa 8:2, 11, 12; 1Cr 18:2, 11). Weneʼ pa wajun chʼoj riʼ ri Benaya, ri ukʼojol ri Jehoiadá, xeʼukamisaj «ri kebʼ ukʼojol ri Ariel ri kel pa Moab» (2Sa 23:20; 1Cr 11:22). Are chiʼ ri David xchʼakan pa kiwiʼ ri moabitas xtzʼaqat ri profecía che ubʼim ri Balaam más che cuatrocientos junabʼ kanoq: «Jun chʼimil ri keʼel che ri Jacob, jun ajawinel ri kwalij pa Israel. Kuxaqʼalej na ri ujolom ri Moab, keʼuxaqʼalej na ri e rijaʼlil ri Set» (Nú 24:17). Are chiʼ ri salmista xubʼij che ri Moab che are ri «kʼolbʼal» jawiʼ ri Dios kuchʼaj wi ribʼ weneʼ are rumal che e kʼi chke ri rajchʼojabʼ xekamisax rumal ri David (Sl 60:8; 108:9).
25 RE NOVIEMBRE KOPAN 1 RE DICIEMBRE
QʼINOMAL RE RI UTZIJ RI DIOS SALMOS 109-112
Chqayaʼ ri qatobʼanik che ri Qʼatal tzij Jesús
w06-S 1/9 13 párr. 6
Pixabʼ nim kibʼanik keʼesax pa ri wuj quinto de los Salmos
110:1, 2. ¿Jas xubʼan ri Jesucristo are chiʼ xkubʼiʼ chuxukut ri Dios? Are chiʼ ri Jesús xwalajisax pa ri kamikal, xbʼe pa ri kaj y xreyeʼj na kʼa xopan 1914 rech kumaj uqʼatik tzij. Pa ri tiempo che xreyeʼj, xeʼutijoj ri e chaʼom che kebʼe pa ri kaj rech kkiqʼat tzij rukʼ y xukʼam kibʼe che utzijoxik ri utzij ri Dios (Mateo 24:14; 28:18-20; Lucas 22:28-30).
w00-S 1/4 18 párr. 3
Ri kechʼojin rukʼ ri Dios kechʼakan taj
3 Umajim lo pa ri siglo XX ri utinamit ri Jehová tajin kbʼan kʼax che. Pa kʼi taq tinamit, ri winaq che e kʼo pa uqʼabʼ ri Satanás kkaj kkiqʼatej uwach ri utzijoxik ri utzij ri Dios, che kusutij kij ri upatanelabʼ ri Jehová «je jas jun koj kuraq uchiʼ kutzukuj jachin kubʼiqʼo» (1 Pedro 5:8). Are chiʼ «kʼa ketzʼaqatisax na ri kiqʼij ri man aj judeyibʼ taj» pa 1914, ri Dios xubʼan Qʼatal tzij che ri Jesús puwiʼ ri uwach Ulew y xubʼij che ktaqan pa kiwiʼ ri kibʼanom kikʼulel che (Lucas 21:24; Salmo 110:2). Ri Jesús xukoj ri taqanik che xyaʼ che rumal ri Jehová rech xukʼaq lo ri Satanás pa ri uwach Ulew. Ri Satanás retaʼm che naj ta chik kʼaslik, rumal laʼ xresaj ri royowal chkij ri e chaʼom y ri nikʼaj chi cristianos (Apocalipsis 12:9, 17). ¿Jas kiriqom ri upatanelabʼ ri Jehová rumal ri kʼax che ubʼanom ri Satanás chke?
be-S 76 párr. 3
Kaya ta kan unimarisaxik ri akojonik
Chakojoʼ achuqʼabʼ rech kabʼan ri katkun che ubʼanik. ¿La kabʼij chke nikʼaj chik rech kebʼe awukʼ rech kitzijoj ri utzij ri Dios? ¿La katkunik keʼatoʼ ri kʼateʼ xkimajij upatanexik ri Dios, ri alabʼom alitomabʼ o ri e yawabʼ che e kʼo pa ri congregación? ¿La kattobʼan che uchʼajchʼobʼisaxik ri Ja rech Ajawbʼal o pa taq ri nim riqbʼal ibʼ? ¿La katkunik kabʼan ri precursorado auxiliar jujun taq ikʼ? ¿La katkunik kabʼan ri precursorado regular o katbʼe jawiʼ kajwataj wi más tobʼanik? We at jun qachalal achi, ¿la tajin kakoj achuqʼabʼ rech kabʼan tobʼanel o kʼamal bʼe pa ri congregación? Kakʼutu che tajin knimar ri akojonik are chiʼ kaya ri atobʼanik (Sal. 110:3).
Jeʼlalaj taq pixabʼ
it-2-S 575 párr. 2
Pacto
Jun pacto rech kok na che sacerdote junam rukʼ ri Melquisedec. Ri Salmo 110:4 kchʼaw chrij wajun pacto riʼ y ri xtzʼibʼan ri wuj re Hebreos xubʼij ri e tzij riʼ chrij ri Jesús pa Hebreos 7:1-3, 15-17. Are jun pacto che ri Jehová xaq xiw rukʼ ri Jesús kubʼan wi. Weneʼ are waʼ ri pacto che xubʼan ri Jesús kukʼ ri utijoxelabʼ (Lu 22:29). Rukʼ ri pacto che xubʼan ri Jehová, ri Ukʼojol kok na che sacerdote junam rukʼ ri Melquisedec. Ri Melquisedec xkoj rumal ri Dios che qʼatal tzij y sacerdote cho ri uwach Ulew; ri Jesucristo kok ta che qʼatal tzij y sacerdote cho ri uwach Ulew, xaneʼ pa ri kaj (Heb 6:20; 7:26, 28; 8:1). Ri pacto kʼo ta ukʼisik, rumal che ri Jesús kʼo chuxeʼ ri utaqanik ri Jehová y kok na che qʼatal tzij y sacerdote chbʼe qʼij saq (Heb 7:3).
2-8 RE DICIEMBRE
QʼINOMAL RE RI UTZIJ RI DIOS SALMOS 113-118
¿Jas kqabʼan che utojik che ri Jehová ronojel ri uyaʼom chqe?
w01-S 1/1 11 párr. 13
Ri loqʼoqʼebʼal nim oj utoʼm wi
13 Ri Jesús kubʼij che rajawaxik kqaloqʼoqʼej ri Jehová. Are kʼu, rumal che kʼo ta wajun loqʼoqʼebʼal riʼ qukʼ are chiʼ kojalaxik, rajawaxik kqakoj na qachuqʼabʼ rech kkʼiyik. Ri nabʼe che xqetaʼmaj chrij ri Dios, xubʼano che xqaj xqapatanij. Nojimal xqetaʼmaj chrij ri xubʼan che ubʼanik ri uwach Ulew (Génesis 2:5-23) y xojutoʼ chuwach ri makaj che xkiya kan ri Adán y Eva (Génesis 3:1-5, 15). Xukʼut utzilal chke ri utz taq winaq y xuya ri Ukʼojol che utojik ri kimak (Juan 3:16, 36). Are chiʼ xqetaʼmaj más chrij ri Jehová, más xqaloqʼoqʼej (Isaías 25:1). Ri qʼatal tzij David xuloqʼoqʼej ri Jehová rumal che rukʼ loqʼoqʼebʼal xchajix rumal (Salmo 116:1-9). Kamik, ri Jehová kojuchajij, kukʼam qabʼe, kuya qachuqʼabʼ y kukubʼsaj qakʼuʼx. Are chiʼ kqetaʼmaj más chrij, más kqanaʼ loqʼoqʼebʼal che (Salmo 31:23; Sofonías 3:17; Romanos 8:28).
w09-S 15/7 29 párrs. 4, 5
Chqamaltyoxij ri kyaʼ chqe y chojsipan rukʼ ronojel qanimaʼ
Ri salmista kutaʼ chbʼil ribʼ: «¿Jas kinbʼan che utojik che ri Ajawaxel ronojel ri utzil ri ubʼanom wukʼ?» (Sal. 116:12). ¿Jas utzilal yaʼom che rumal ri Dios? Ri Jehová xutoʼo are chiʼ xbʼisonik y xuriq jalajoj kʼax pa ri ukʼaslemal. Xtoʼ rumal chuwach ri kamikal. Rumal laʼ xraj xutzalij ukʼaxel ri xbʼan che utoʼik. ¿Jas kubʼan che ubʼanik? Ri areʼ xubʼij: «Keʼentzʼaqatisaj na ri xinchiʼj che ri Ajawaxel» (Sal. 116:3, 4, 8, 10-14). Ri salmista xraj xutzʼaqatisaj ronojel ri xutzujuj che ri Jehová.
Oj xuqujeʼ kojkunik kqabʼan wariʼ. ¿Jas kqabʼan che ubʼanik? Kqanimaj ri taqanik y ri pixabʼ che kuya ri Jehová chqe. Rumal laʼ nabʼe kqaya upatanexik ri Jehová pa qakʼaslemal y kqaya bʼe che ri espíritu santo kojutoʼo rech utz ri kqachaʼ ubʼanik pa ri qakʼaslemal (Ecl. 12:13; Gál. 5:16-18). Kojkun taj kqatoj ronojel ri kubʼan ri Jehová che qatoʼik. Pero kqaya kikotemal che are chiʼ rukʼ ronojel qanimaʼ kqaj kqapatanij (Pro. 27:11). ¡Are jun nimalaj eqeleʼn che kʼo qukʼ!
w19.11 22, 23 párrs. 9-11
E kʼutunem che kqetaʼmaj pa ri wuj Levítico
9 Ukabʼ kʼutunem: kqapatanij ri Jehová rumal che kojmaltyoxin che. Chqanikʼoj chi jun jastaq nim ubʼanik che kbʼan che uqʼijilaxik ri Dios pa Israel: ri e sipanik re utzirisan ibʼ u ofrendas de paz. Pa ri wuj Levítico, kqetaʼmaj che ri israelitas kekunik kkitzujuj ri sipanik re utzirisan ibʼ che «uyaʼik maltyoxinik» (Lev. 7:11-13, 16-18). Kkiya ta ri e sipanik riʼ rumal che xa kbʼix chke. Wariʼ kukʼutu che are jun sipanik che qas kel lo pa kanimaʼ nojinaq che loqʼoqʼebʼal che ri Jehová, ri kiDios. Ri ufamilia ri winaq che kyaʼow ri sipanik xuqujeʼ ri e kojol tabʼal toqʼobʼ are ketijow ri utijal ri chikop che kyaʼ che tabʼal toqʼobʼ. Are kʼu, kʼo jujun chʼaqap re ri chikop che xaq xiw che ri Jehová kyaʼ wi. ¿Jachike riʼ?
10 Urox kʼutunem: kqaya ronojel ri utz taq jastaq che ri Jehová rumal che kqaloqʼoqʼej. Ri más utz kril ri Jehová che jun chikop are ri uxepoyil o grasa. Xuqujeʼ xubʼij che ri órganos vitales, junam rukʼ ri riñones sibʼalaj utz chuwach (chasikʼij uwach Levítico 3:6, 12, 14-16). Rumal laʼ Jehová sibʼalaj kkikotik we jun israelita kuya ri órganos vitales xuqujeʼ ri uxepoyil ri awaj che, che tabʼal toqʼobʼ. Ri israelita che kuya jun sipanik junam rukʼ wariʼ kukʼutu che qas kraj kuya ri más utz che ri Jehová. Junam rukʼ wariʼ, Jesús xuya ri más utz che ri Jehová are chiʼ xupatanij rukʼ ronojel ranimaʼ rumal ri nimalaj uloqʼoqʼebʼal che (Juan 14:31). Chuwach ri Jesús ri ubʼanik ri urayibʼal ri Dios xuqujeʼ ri unimaxik ri utaqanik sibʼalaj nim ubʼanik (Sal. 40:8). Qastzij riʼ che Jehová ¡sibʼalaj utz xril ri xubʼan ri uKʼojol!
11 Ri e sipanik re utzirisan ibʼ, are jun sipanik che kbʼan rukʼ ronojel animaʼ xuqujeʼ are jun kʼutbʼal re uloqʼoqʼexik ri Dios. Upatanixik ri Jehová kjunamataj rukʼ ri e sipanik riʼ, rumal che rukʼ ronojel qanimaʼ kqakʼut chuwach ri kqanaʼ che. Kqaya ri más utz che rumal che qas kqaloqʼoqʼej rukʼ ronojel qanimaʼ. Qastzij riʼ che areʼ kkikotik are chiʼ keril millones winaq kkipatanij rumal che sibʼalaj kkiloqʼoqʼej xuqujeʼ nim kkil ri e utaqanik. Kuya kubʼsal kʼuʼx chqe rumal che areʼ xaq xiw ta nim kril wi ri kqabʼano xaneʼ xuqujeʼ nim krilo jasche kqabʼan ri jastaq. Jun kʼutbʼal, we rumal che nim chi qajunabʼ kojkun ta chik kqabʼan ri kqaj, kojkunik kqachʼobʼo che Jehová xaq xiw ta kril ri kojkun ta che ubʼanik. Weneʼ kqachomaj che qas ta nim ri kojkun che uyaʼik che, are kʼu areʼ, are kril ri qachuqʼabʼ kqakoj che upatanixik rukʼ nimalaj loqʼoqʼebʼal. Kkikot che ukʼamik ri más utz kojkun che uyaʼik che.
Jeʼlalaj taq pixabʼ
w12-S 15/5 22 párrs. 1-3
Kipreguntas ri sikʼinelabʼ
Ri Jehová nim kril wi ri kikʼaslemal konojel ri upatanelabʼ. Are kʼu ri e tzij che kʼo pa Salmo 116:15 kchʼaw chrij nikʼaj chi jastaq, xaq xiw ta chrij ri ukamikal jun winaq.
Utz taj che kkoj wajun versículo riʼ pa ri chʼabʼal che kyaʼik are chiʼ kkam jun qachalal, paneʼ wajun qachalal riʼ amaqʼel xunimaj ri Jehová. ¿Jasche? Rumal che kʼo kʼi kraj kubʼij. Waral, ri xtzʼibʼan wajun salmo riʼ xraj xubʼij che ri Jehová kraj taj che e juntir ri upatanelabʼ kekamik, rumal laʼ kuya ta bʼe che kkʼulmataj wariʼ (chawilaʼ Salmo 72:14 y 116:8).
Qastzij kukʼutu che ri Dios kuya ta bʼe che nijun winaq kukʼis tzij pa kiwiʼ e juntir ri upatanelabʼ. Are laʼ ri kqil kamik che tajin kkikʼulmaj jujun qachalal. Juntir ri kʼax che tajin kqachʼijo, kukʼutu che ri Dios kuya taj che ksachisax qawach.
9-15 RE DICIEMBRE
QʼINOMAL RE RI UTZIJ RI DIOS SALMO 119:1-56
¿Jas kkibʼan ri alabʼom alitomabʼ rech chʼajchʼoj ri kikʼaslemal?
w87-S 1/11 18 párr. 10
¿La at chʼajchʼoj pa ronojel?
10 Pa Efesios 5:5 ri Pablo xubʼij: «Iwetaʼm chik chi konojel ri kemakun kukʼ ixoqibʼ achijabʼ, o kkibʼan tzʼilalaj taq jastaq, o kkirayij kʼiʼalaj taq jastaq (xa junam waʼ rukʼ ri kiqʼijilaxik taq diosibʼ), konojel waʼ man kʼo ta kechbʼal pa ri rajawibʼal ri Cristo ri xuqujeʼ rech ri Dios». Are kʼu ronojel taq junabʼ e kʼi winaq kebʼan censurar o keʼesax pa ri congregación rumal ri inmoralidad sexual (1 Corintios 6:18). Kʼi taq mul are rumal che kkichajij ta kibʼ y kkinimaj ta ri kubʼij ri Diosʼ (Salmo 119:9). Jun kʼutbʼal, e kʼi qachalal kkichajij ta kibʼ are chiʼ kebʼe pa vacaciones. Kkiya kan kachilaxik ri e qachalal y kkibʼan achilanik kukʼ ri winaq che kkipatanij ta ri Jehová. Jujun cristianos, kkichomaj che e utz taq winaq ri kekachilaj, rumal laʼ kkibʼan jastaq kukʼ che weneʼ qas ta utz. Jun chke weneʼ are che kkibʼan kamigos chke ri kachiʼl pa ri chak. ¡Jun kʼamal bʼe xumaj uchʼabʼexik jun ixoq che are rachiʼl pa ri chak, rumal wariʼ xeʼuya kan ri u familia y xbʼe rukʼ ri ixoq! Rumal laʼ xesax bʼi pa ri congregación. ¡Qastzij ri kubʼij ri Biblia: «Ri e itzel taq achilanik kketzelaj ri e utzalaj taq naqʼatisabʼal»! (1 Corintios 15:33).
w06-S 15/6 25 párr. 1
«Ri in kinkikot kukʼ taq ri e taqanik la»
RI Jehová amaqʼel kubʼij chqe ri rajawaxik kqabʼano rech kqachʼij ri e kʼax che kqariq pa ri qakʼaslemal. Kqariq jujun chke ri rajawaxik kqabʼano are chiʼ kqasikʼij ri Biblia, pa ri ki comentarios ri qachalal y ri e chʼabʼal che keya pa ri e riqbʼal ibʼ. Kʼi che ri kqasikʼij o ri kqato ya qetaʼm chik. Rumal che jujun taq mul ksach chqe, rajawaxik knaʼtasax chqe ri e utaqanik y ri e upixabʼ ri Jehová che e kʼo pa ri Biblia. Kqamaltyoxij che amaqʼel knaʼtasax chqe, rumal che kojutoʼo rech kqaya ta kan upatanexik ri Jehová. Rumal laʼ ri salmista xubʼixoj wariʼ che ri Jehová: «Ri e taqanik la; e areʼ taq ri e yaʼl nunoʼj» (Salmo 119:24).
w10-S 15/4 20 párr. 2
Chqaxutuj ri kʼo ta upatan
2 Rajawaxik kqaxutuj ri kqil kukʼ ri qabʼaqʼwach rumal che kʼo kubʼan pa ri qachomanik. Je kkʼulmatajik chiʼ kqil jastaq che kubʼan kʼax che ri qachomanik y kubʼano che kqarayij ri utz taj. Pa wajun uwach Ulew riʼ, ri Satanás kukoj itzel taq wachbʼal che kubʼan kʼax chqe paneʼ xa jubʼiqʼ kqilo (1 Juan 5:19). Kqamay taj che ri salmista xutaʼ che ri Dios: «Mayaʼ la chi kbʼe nuwach chke taq ri diosibʼ ri e subʼunelabʼ; chayaʼ la nukʼaslemal che utaqexik ri bʼe la» (Sal. 119:37).
Jeʼlalaj taq pixabʼ
w05-S 15/4 10 párr. 2
Chqakubʼsaj qakʼuʼx chrij ri Biblia
2 Ri Salmo 119 kuya ubʼixik ri kubʼan ri Utzij ri Dios che qatoʼik. Ri poeta xukoj ri alfabeto hebreo che utzʼibʼaxik ri poema rech ksach ta pa kijolom ri winaq che kkisikʼij. Xukoj 176 versos pa 22 estrofas, chkijujunal ri estrofas kʼo 8 versos chupam che kmajtaj pa ri nabʼe letra hebrea. Xkoj jalajoj taq tzij che kejunamatajik, junam rukʼ Utzij ri Dios, taqanik, ubʼe, pixabʼ, taqomal y nikʼaj chi tzij pa hebreo. Are chiʼ kojchoman chrij ri xkikʼulmaj ri upatanelabʼ ri Jehová re ojer y re kamik, más kqachʼobʼ wajun poema riʼ che petinaq rukʼ ri Dios y más nim kqil ri kubʼij ri Biblia.
16-22 RE DICIEMBRE
QʼINOMAL RE RI UTZIJ RI DIOS SALMO 119:57-120
¿Jas kqabʼan che uchʼijik ri e kʼax?
w06-S 15/6 20 párr. 2
«¡Sibʼalaj kinloqʼoqʼej ri tijonik la!»
2 ¿Jas xubʼan ri utaqanik ri Dios che ukubʼsaxik ukʼuʼx ri salmista? Ri xtoʼwik are che qas retaʼm che nim kil wi rumal ri Jehová. Paneʼ kuriq kʼax kumal ri ukʼulel, are kʼu sibʼalaj kkikotik are taq chiʼ kril ri utzilal che kuya ri utijonik ri Dios. Qas kuchʼobʼo che ri Jehová ubʼanom utzil che; xuqujeʼ, ri utijonik ri Dios ubʼanom che kʼo más unoʼj chkiwach ri ukʼulel y xuchajij rech xkam taj. Rumal che xunimaj ri utijonik ri Dios, wariʼ xuya jamaril che y xkʼojiʼ jun utz retaʼmabʼal ukʼuʼx (Salmo 119:1, 9, 65, 93, 98, 165).
w00-S 1/12 14 párr. 3
¿La kqaloqʼoqʼej ri upixabʼ ri Jehová?
3 Ri salmista xuloqʼoqʼej ri upixabʼ ri Jehová y xubʼixoj wariʼ: «Wanextam kʼut, man xinbʼey ta wibʼ che kinimaxik taq ri e taqomal la. Ri bʼanal taq etzelal kisutim wij kukʼ taq kʼamibʼal, man elinaq ta kʼu ri tijonik la pa nujolom» (Salmo 119:60, 61). Kuya qachuqʼabʼ che uchʼijik ri kʼax che kbʼan chqe, rumal che qetaʼm che Jehová kojutoʼ chuwach ri kkibʼan ri qakʼulel chqe. Ri areʼ kojutoʼo rech kqaxiʼj ta qibʼ are chiʼ kqatzijoj ri Uqʼatbʼal tzij chke ri winaq (Marcos 13:10).
w06-S 1/9 14 párr. 4
Pixabʼ nim kibʼanik keʼesax pa ri wuj quinto de los Salmos
119:71. ¿Jas utzilal kqariqo are chiʼ kqachʼij ri e kʼax che kqariqo? Ri kʼaxkʼolil kubʼano che más kqakubʼsaj qakʼuʼx chrij ri Jehová, kqabʼan orar che rukʼ ronojel qanimaʼ, amaqʼel kqasikʼij ri Biblia y kqabʼan pa ri qakʼaslemal ri kqetaʼmaj. Ri kqabʼan chuwach ri kʼax che kqakʼulmaj weneʼ are kukʼut chqawach ri rajawaxik kqasukʼumaj. Kojbʼison ta riʼ we kqetaʼmaj che ri e kʼax che kqakʼulmaj kuya utzilal chqe.
w17.07-S 13 párrs. 3, 5
«Chixoqʼ kukʼ ri keʼoqʼik»
3 Rukʼ ri Jehová kqariq ri qas kubʼsal kʼuʼx (chasikʼij 2 Corintios 1:3, 4). Xaq xiw ri areʼ qas retaʼm ri kunaʼ jun winaq. Ri Dios kuya ubʼixik wariʼ chqe: «In, qas in, kinyoʼw uchuqʼabʼ ri awanimaʼ» (Is. 51:12; Sal. 119:50, 52, 76).
5 Kqakubʼsaj qakʼuʼx chrij ri Jehová rumal che kojutoʼo. Rukʼ ronojel qanimaʼ chqabʼij che ri kqanaʼo. Xaq xiw ri areʼ kuchʼobʼ ri kqanaʼo y wariʼ kuya kubʼsal kʼuʼx chqe. Pero ¿jas kubʼan che ukubʼsaxik qakʼuʼx?
Jeʼlalaj taq pixabʼ
w00-S 1/10 14, 15 párr. 8
Ri utzilal y kikotemal kuya usikʼixik uwach ri Biblia
8 Qastzij, ri loqʼoqʼebʼal che kqanaʼ che ri Utzij ri Jehová rajawaxik qas pa qanimaʼ kel wi uloq. Qas utz che kojchoman chrij ri kʼateʼ xqasikʼij pa ri Biblia. Y rajawaxik kqatzukuj más información chrij ri kqachʼobʼ ta más. Rajawaxik kqatas qa tiempo y kqabʼan rukʼ oración. Rumal laʼ rajawaxik kqasukʼumaj ri qachomanik y ri qanimaʼ chiʼ kqasikʼij ri Biblia, junam rukʼ ri xubʼan ri Esdras. Ri Biblia kubʼij: «Ri Esdras kʼo ri chomanik rukʼ che uchʼobʼik xuqujeʼ che ubʼanik ri kubʼij ri upixabʼ ri Ajawaxel, xuqujeʼ che ukʼutik chkiwach ri aj israelitas ri e upixabʼ xuqujeʼ taq ri e utaqanik» (Esdras 7:10). Chqabʼanaʼ ri xubʼan Esdras che xusikʼij ri Biblia, xubʼan pa ri ukʼaslemal ri xretaʼmaj y xukʼut chkiwach nikʼaj chik. Qas jun utz kʼutbʼal xuya kanoq.
23-29 RE DICIEMBRE
QʼINOMAL RE RI UTZIJ RI DIOS SALMO 119:121-176
¿Jas kojkunik kqabʼano rech kqariq ta kʼax?
w18.06-S 17 párrs. 5, 6
Chqatijoj ri retaʼmabʼal qakʼuʼx rukʼ ri utaqanik y ri upixabʼ ri Dios
5 Rech ri utaqanik ri Dios kuya utzilal chqe, xaq xiw ta kqasikʼij o kqachʼobʼo. Rajawaxik che keqaloqʼoqʼej y nim keqil wi. Ri Utzij ri Dios kubʼij: «¡Chiwetzelaj uwach ri lawaloyil! ¡Are chiloqʼoqʼej ri ubʼanik ri utzil!» (Amós 5:15). Rech kojkun che ubʼanik wariʼ rajawaxik keqil ri jastaq junam rukʼ ri kubʼan ri Jehová che rilik. Chqachomajampeʼ che kʼi mul chik kok ta qawaram. Ri doctor kubʼij chqe ri kqatijo y ri kqatij taj, kqabʼan ejercicio y kqakʼex jujun jastaq che kubʼano che kok ta qawaram. Y we kqilo che ri xubʼij chqe ktobʼanik rech kok chi qawaram, ¿la mat qastzij che nim kqil wajun doctor riʼ rumal che xojutoʼ ri xubʼij chqe?
6 Xa junam rukʼ wariʼ, ri Jehová uyaʼom taqanik che kojuchajij chuwach ri makaj y rech más utz kojel pa ri qakʼaslemal. Ri utzilal che kuya unimaxik ri kubʼij ri Biblia are che kojuchajij chuwach ri molom taq tzij, ri engaño, ri elaqʼ, ri inmoralidad sexual, ri chʼoj y ri itzinik (chasikʼij Proverbios 6:16-19; Apoc. 21:8). Ri utzilal che kqariqo are chiʼ kqanimaj ri Jehová, are che más kqaloqʼoqʼej ri areʼ y ri e utaqanik.
w93-S 15/4 17 párr. 12
Alabʼom alitomabʼ, ¿jas kiwaj kibʼano?
12 Rajawaxik kiwetzalaj ri utz taj (Salmo 97:10). ¿Jasche katkunik kawetzalaj uwach ri utz xawil nabʼe kanoq? Ri Biblia kubʼij ri kukʼulmaj na ri winaq we kubʼan ri itzelal. «Misubʼ iwibʼ, ri Dios man kuyaʼ taj ketzʼbʼex uwach. Jas ri utikoʼn ri winaq, are je uwachinik kuyak na. Ri jun kutik ri kraj ri urayibʼal aj winaq re mak, kuyak na che ri rayibʼal re mak ri kamikal. Are kʼu ri jun ri kutik ri kraj ri uxlabʼaxel, kuyak na che ri uxlabʼaxel ri junalik kʼaslemal» (Gálatas 6:7, 8). Are chiʼ at kʼo chuwach jun tentación che kʼo ubʼanik rukʼ ri relaciones sexuales, chatchoman chrij ri bʼis che kaya che ri Jehová Dios (Chajunamisaj rukʼ Salmo 78:41). Chatchoman chrij ri kakʼulmaj na, ri ixoq weneʼ kkanaj yawabʼ winaq o weneʼ kiriq jun yabʼil junam rukʼ ri sida. Chatchoman chrij ri bʼis che kanaʼ na y che kachomaj che kʼo ta chi apatan. Y weneʼ kubʼano che kariq na kʼax pa ri petinaq. Jun qachalal ixoq kubʼij: «Ri wachajil y ri in xqabʼan relaciones sexuales kukʼ nikʼaj winaq chik are chiʼ majaʼ kqetaʼmaj qawach. Kamik, paneʼ kqapatanij chi ri Jehová, ri xqabʼan kan ojer kubʼano che kʼo chʼoj pa ri qakʼulanem». Masach pa ajolom che kesax ri eqeleʼn che yaʼom chawe pa ri congregación o katesax bʼik (1 Corintios 5:9-13).
Jeʼlalaj taq pixabʼ
w23.01 2 párr. 2
Qas qetaʼm che qastzij wi ri kubʼij ri uTzij ri Dios
2 Ri kqapatanij ri Jehová qas qetaʼm che ri areʼ are ri «Dios aj qastzij» y amaqʼel kraj kqariq utzilal (Sal. 31:5; Is. 48:17). Qas kojkunik kqakubʼsaj qakʼuʼx chrij ri kubʼij ri Biblia rumal che «chupam [...] kʼo wi ri qastzij» (chasikʼij uwach Salmo 119:160). Junam kqachomaj rukʼ ri xuchomaj jun nikʼol rech ri Biblia che xubʼij: «Qastzij wi ronojel ri ubʼim ri Dios, amaqʼel qas kbʼantajik. Ri utinamit ri Dios kkikubʼsaj kikʼuʼx chrij ri kubʼij ri Biblia, rumal che kkikubʼsaj kikʼuʼx chrij ri ajchaqʼe».
30 RE DICIEMBRE KOPAN 5 RE ENERO
QʼINOMAL RE RI UTZIJ RI DIOS SALMOS 120-126
Rukʼ oqʼej xkitik ri kitikoʼn pero rukʼ kikotemal xkiyak uwach
w04-S 1/6 16 párr. 10
Utz ke ri kkiya uqʼij ri Dios
10 Are chiʼ kqachaʼ upatanexik ri Jehová, tajin kqaqʼatej uwach ri Satanás. «Chiqʼatij uwach ri Itzel, kanimaj kʼu na chiwach», kcha Santiago 4:7. Qastzij, wariʼ kraj ta kubʼij che kʼax ta ubʼanik. Rajawaxik chuqʼabʼ che upatanexik ri Dios (Lucas 13:24). Ri Biblia kubʼij pa Salmo 126:5: «Ri ketikonij rukʼ uwaʼl wachaj, kkiyak na ri uwachinik ri ulew rukʼ raqoj taq chiʼaj re kikotemal». Ri Dios kkikotik rumal che kqaqʼijilaj. Ri areʼ «kuyaʼ tojbʼal ke ri winaq ri kkitzukuj ri areʼ» y kuya tewchibʼal chke ri kkiqʼijilaj (Hebreos 11:6).
w21.11 24 párr. 17
¿La kakʼut na pa ri petinaq che kʼo nim akojonik?
17 ¿La kaminaq jun awachalal o awachiʼl? Chakojoʼ atiempo che usikʼixik uwach kʼutbʼal re ri Biblia kech winaq che xekʼastajisaxik rech kakowirisaj ri akojonik chrij ri kʼastajibʼal. ¿La sibʼalaj katbʼisonik rumal che xelesax bʼi jun awachalaxik pa ri congregación? Chakojoʼ achuqʼabʼ che unikʼoxik más ri Biblia rech qas kakojo che ri kʼajisabʼal wachaj kuya ri Dios, are ri más utz na. Apastaneʼ ubʼanik ri kʼaxkʼolil tajin kariqo chakowirisaj ri akojonik. Chabʼij che ri Jehová ronojel ri kʼo pa awanimaʼ. Katas ta awibʼ, xaneʼ cheʼawachilaj ri qachalal (Prov. 18:1). Paneʼ rukʼ oqʼej, chabʼanaʼ ri jastaq che kʼo ubʼanik rukʼ ri akojonik rech kachʼij ri kʼax (Sal. 126:5, 6). Chatkʼol pa ronojel ri e riqbʼal ibʼ, chatzijoj ri utzij ri Dios y chasikʼij uwach ri Biblia. Y amaqʼel chatchoman chrij ri utz taq jastaq utzujum ri Jehová chawe. We katchoman chrij ri kubʼan ri Jehová che atoʼik, sibʼalaj kkowir ri akojonik.
w01-S 15/7 18, 19 párrs. 13, 14
Kqaya ta kan uyakik uwach ri qatikoʼn
13 Ri upatanelabʼ ri Dios, kkiriq kʼax, pero ri kuya kubʼsal kʼuʼx chke are ri kubʼij Salmo 126:5, 6: «Ri ketikonij rukʼ uwaʼl wachaj, kakiyak na ri uwachinik ri ulew rukʼ raqoj taq chiʼaj re kikotemal. Puneʼ keʼoqʼ che ukʼamik bʼik ri ijaʼ, are taq ketzelej uloq kebʼixon chi rukʼ kikotemal, e kiqʼalum uloq jujun taq yataj triko». Ri e tzij utikik y uyakik tikoʼn che xubʼij ri salmista kukʼut ri xubʼan ri Jehová che utoʼik y che uchajixik ri utinamit che xel lo pa Babilonia. Ri israelitas sibʼalaj xekikotik are chiʼ xetzalij pa ri kitinamit, pero weneʼ xeʼoqʼik are chiʼ xkitik uwach ri kulew che setenta junabʼ tikom ta uwach. Are kʼu, ri xkiya ta kan ubʼanik ri kitikoʼn y ri uyakik chi jumul ri tinamit xekikot che ubʼanik ri kichak.
14 Weneʼ kojoqʼik rumal ri taq kʼax che kkiriq ri qachalal o ri kqariq oj pa ri qakojonik rumal che kqaya ta kan ubʼanik ri qachak (1 Pedro 3:14). Weneʼ kojbʼisonik are chiʼ kqil ta uwach ri qachak. Pero we kqakoj qachuqʼabʼ che ubʼanik, ri Dios kubʼano che kkʼiyik y kojutewchij na (1 Corintios 3:6). Wajun kʼutbʼal riʼ kukʼut ri tajin kbʼan che ujachik ri Biblias y ri e qawuj.
Jeʼlalaj taq pixabʼ
cl-S 73 párr. 15
Ri Dios are toʼl qech
15 Ri oj upatanelabʼ ri Jehová qetaʼm che kojuchajij. Wet mat kojuchajij ri Jehová, ri Satanás kkun che qachʼakik. Ri Satanás, «ri kʼo utaqanik puwiʼ we uwach ulew riʼ», utz krilo che kusach uwach ri qastzij (Juan 12:31; Apocalipsis 12:17). Paneʼ jujun chke ri qʼatal taq tzij che nim kibʼanik kiqʼatem ri qachak y kkaj kkisach qawach, are kʼu oj sukʼ che ri Jehová y qayaʼom ta kan utzijoxik ri utzij. Kilitajik che oj kʼi taj y che kʼo ta kojchajinik, ¿jasche ri qʼatal taq tzij e kunaq ta che uqʼatexik ri utzijoxik ri utzij ri Dios? Rumal che ri Jehová kojuchajij (Salmo 17:7, 8).