Referencias rech ri wuj Qachak xuqujeʼ Qakʼaslemal ri oj Cristianos
© 2025 Watch Tower Bible and Tract Society of Pennsylvania
1-7 RE SEPTIEMBRE
QʼINOMAL RE RI UTZIJ RI DIOS PROVERBIOS 29
Chaxutuj ri costumbres y ri kekojon ri winaq chrij che utz ta kril ri Dios
wp16.6-S 6, recuadro
Visiones che kchʼaw chkij ri e kʼo pa ri kaj
Ri xibʼin ibʼ chkiwach ri demonios, ri superstición o ri kekojon ri winaq chrij che qastzij taj e ubʼanom engañar kʼi winaq. Y rumal laʼ ri winaq kekikoj etzʼabʼaʼl o jastaq che kbʼix talismanes y amuletos chke pero nijun chke wariʼ kkunik keʼuchajij. Rumal laʼ ri Biblia kubʼij wariʼ: «Ri Ajawaxel karil ronojel ri kkʼulmataj cho ronojel ri uwach ulew, rech kuyaʼ kichuqʼabʼ ri qas kakikuʼbʼaʼ kikʼuʼx chrij areʼ» (2 Crónicas 16:9). Ri Jehová are ri qastzij Dios y xaq xiw ri areʼ kkunik kojuchajij rumal che kʼo más uchuqʼabʼ chuwach ri Satanás.
Rech kojuchajij ri Jehová rajawaxik kqanimaj ri kubʼij chqe, junam rukʼ ri xkibʼan ri cristianos re Éfeso che xkinimaj ri Dios y xekiporoj ri ki libros rech magia (Hechos 19:19, 20). Rumal laʼ we kawaj che katchajix rumal ri Jehová, rajawaxik kawesaj bʼik o kaporoj ronojel jastaq che kʼo ubʼanik rukʼ ri magia o kichak ajqʼijabʼ, junam rukʼ cadenas, libros, pulseras rech bʼoqʼoch o awawnaq y ri chachales.
w19.04-S 17 párr. 13
Amaqʼel chqakʼutuʼ ri qastzij chrij ri kamikal
13 We kʼo jun costumbre tajin kqabʼano y qetaʼm taj we utz kril ri Jehová chqataʼ ri utobʼanik (chasikʼij Santiago 1:5). Tekʼuriʼ chqabʼanaʼ investigar pa ri qawuj ri kubʼij chrij wariʼ. Y chqata tobʼanik chke ri kʼamal taq bʼe, ri e areʼ kkibʼij ta chqe ri rajawaxik kqabʼano pero kkikʼut jujun textos chqawach che kojkitoʼo. Rech jeriʼ kojkun «che uchʼobʼik jas ri utz xuqujeʼ jas ri man utz taj» (Heb. 5:14).
w18.11-S 11 párr. 12
Qas kinbʼan ri kabʼij chwe
12 Costumbres che kubʼij ri Biblia che utz taj kqabʼano. Weneʼ ri qa familia, ri qachiʼl pa ri escuela o qachak kojkibʼan invitar pa jun nimaqʼij che kkibʼano. Rech kojbʼe ta pa nimaqʼij che utz ta kril ri Jehová rajawaxik kqetaʼmaj jasche ri Dios utz ta kril jujun nimaqʼij. Rumal laʼ chqabʼanaʼ investigar pa ri e qawuj rech kqabʼan ta jastaq che utz ta kril ri Jehová (Efes. 5:10). We kqakubʼsaj qakʼuʼx chrij ri Jehová y ri Biblia kqaxiʼj ta qibʼ chrij ri kkibʼij ri winaq chqij (Prov. 29:25).
Jeʼlalaj taq pixabʼ
w23.12 25 párr. 5
¿Jas kkibʼan ri alabʼom rech keʼux ko pa ri kikojonik?
5 Chariqaʼ y chachajij «ri utzalaj chomanik» (Prov. 3:21). Ri achijabʼ che kʼo jun utz kichomanik qas kechoman chrij are chiʼ kkichaʼ ubʼanik jun jastaq pa ri kikʼaslemal. Rumal laʼ chakojoʼ achuqʼabʼ rech kkʼojiʼ wajun utzalaj chomanik awukʼ. ¿Jasche? Rumal che pa wajun uwach Ulew riʼ e kʼi alabʼom are kkaj kkibʼan ri kkichomaj y ri kkinaʼo (Prov. 7:7; 29:11). Xuqujeʼ ri televisión, ri películas, ri música, ri internet y ri redes sociales kʼo kubʼan pa ri akʼaslemal. Rumal laʼ, ¿jas rajawaxik kabʼano rech qas kakoj ri anojibʼal? Nabʼe, rajawaxik kawetaʼmaj ri kubʼij ri Biblia tekʼuriʼ katchoman chrij jas katutoʼ wi pa ri akʼaslemal ri kubʼij ri Jehová chawe. Chatchoman chrij ronojel ri awetaʼmam pa ri Biblia rech are kachaʼ ubʼanik pa ri akʼaslemal ri utz kril ri Jehová (chasikʼij uwach Salmo 119:9). Jun cristiano rajawaxik kukoj ri unojibʼal rech kukʼutu che tajin knimar ri ukojonik (Prov. 2:11, 12; Heb. 5:14). Chanim riʼ, chqilaʼ jas katutoʼ wi are chiʼ kakoj ri utz achomanik 1) ri kabʼan che kilik ri qachalal ixoqibʼ y 2) ri kachaʼ ubʼanik are chiʼ kasukʼumaj awibʼ y chrij ri awatzʼyaq.
8-14 RE SEPTIEMBRE
QʼINOMAL RE RI UTZIJ RI DIOS PROVERBIOS 30
«Mabʼan la qʼinom chwe mawi mebʼaʼ»
w18.01-S 24, 25 párrs. 10-12
¿Jas uwach loqʼoqʼebʼal kuya kikotemal chqe?
10 Oj juntir rajawaxik ri pwaq chqe (Ecl. 7:12). Pero ¿la kojkikot riʼ we xaq xiw kqariq ri kajwataj chqe ronojel taq qʼij? Jeʼ, kojkikotik (chasikʼij Eclesiastés 5:12). Ri Agur xubʼij wariʼ che ri Dios: «Mabʼan la qʼinom chwe mawi mebʼaʼ; xuwi yaʼ la ri nuwa ri kajwatajik». Ri areʼ kraj taj kux pobre rech kubʼan ta elaqʼ jeriʼ kutzʼilobʼisaj ta ri ubʼiʼ ri Dios. Pero ¿jasche xutaʼ ta qʼinomal o bʼiʼomal che? Ri areʼ xubʼij: «Kuyaʼ riʼ ksach la pa nujolom, kinbʼij ta kʼut chi man wetaʼm ta wach la» (Prov. 30:8, 9). Pero weneʼ kqachʼobʼ kiwach winaq che más kkikubʼsaj kikʼuʼx chrij ri pwaq y chrij ta ri Dios.
11 Ri winaq che más bʼenaq kikʼuʼx chrij ri pwaq kekun taj kkikubʼsaj kikʼuʼx chrij ri Dios. Ri Jesús xubʼij: «Kʼo ta jun winaq kkowinik kchakun chke e kebʼ patrón, rumal che itzel kril riʼ ri jun y loqʼ kril wi riʼ ri jun chik, o más kbʼe ukʼuʼx rukʼ ri jun y nim ta kril wi ri jun chik. Ix kixkowin taj kibʼan rajchakibʼ ri Dios we tajin kixchakun rukʼ ri Qʼinomal». Rumal che kʼateʼ xubʼij wariʼ: «Chitanabʼaʼ umulixik iqʼinomal cho ri uwach ulew, rumal che xa kchikopirik, kubʼan chʼuluj y keʼok ri elaqʼomabʼ che relaqʼaxik. Xaneʼ, are chimulij iqʼinomal pa ri kaj, chilaʼ kchikopir taj, kubʼan ta chʼuluj y keʼok ta ri elaqʼomabʼ che relaqʼaxik» (Mat. 6:19, 20, 24).
12 E kʼi qachalal kilom che are chiʼ kkitzukuj ta más qʼinomal kʼo más ki tiempo che upatanexik ri Jehová y más kekikotik. Jun qachalal ubʼiʼ Jack che kel pa Estados Unidos, kʼo u negocio y jun nimalaj rachoch, pero xuya kan ri u negocio y xukʼayij ri rachoch rech kubʼan ri precursorado rukʼ ri rixoqil. Ri areʼ kubʼij: «Xojbʼisonik are chiʼ xqakʼayij kan ri qulew y ri jeʼlalaj qachoch. Pero pa kʼi taq junabʼ inkosinaq kinopan pa ri wachoch rumal ri chak. Are kʼu ri wixoqil che precursora amaqʼel kkikotik. Ri areʼ kubʼij: ‹Kʼo jun utzalaj nu jefe›. Kamik riʼ oj kebʼ chik oj precursores».
w87-S 15/5 30 párr. 8
Chanimaj ri Jehová y katkikot riʼ
◆ 30:15, 16—¿Qué enseñan estos ejemplos?
Ilustran que la avidez es insaciable. Las sanguijuelas se llenan de sangre, tal como las personas ávidas, codiciosas, siempre desean más dinero o poder. De igual modo, el Seol nunca queda satisfecho, sino que permanece abierto para recibir más víctimas de la muerte. Una matriz estéril ‘clamaʼ por hijos. (Génesis 30:1). La tierra azotada por la sequía embebe el agua de la lluvia y pronto da la apariencia de estar seca de nuevo. Y el fuego que ha consumido las cosas que se han arrojado en él envía llamas que lamen otra materia combustible que se halle cerca. Así sucede con los ávidos y avaros. Pero los que tienen como guía la sabiduría piadosa no son impulsados incesantemente por tal egoísmo.
w11-S 1/6 10 párr. 3
¿Jas kqabʼano rech kubʼanaʼ ri pwaq chqawach?
Nabʼe chamulij ri apwaq tekʼuriʼ chaloqʼo ri kawaj kaloqʼo. Sibʼalaj utz wajun consejo riʼ, rumal che kojutoʼo rech kqanim ta qibʼ pa kʼasaj. Ri Biblia kubʼij che ri e sanik e jun utz ejemplo rumal che kkikʼol kan ri kkitijo (Proverbios 6:6-8; 30:24, 25).
w24.06 13 párr. 18
Amaqʼel chojkʼol pa ri rachoch ri Jehová
18 Utz che kojchoman chrij ri kqabʼan che rilik ri pwaq. Chojchoman chrij wariʼ: «¿La amaqʼel kinchoman chrij ri pwaq y ri kwaj kinloqʼo? We kʼo jun kuya pwaq chwe pa qajik, ¿la aninaq kintoj che o kinchomaj rumal che kʼo upwaq rajawaxik taj kintojolaʼ che? ¿La kinnaʼo che nim nubʼanik xa rumal che kʼo nupwaq? ¿La kʼax kinbʼan che uyaʼik sipanik? ¿La kinchomaj che juntir ri qachalal che kʼo kipwaq are más nim kkil ri qʼinomal? ¿La are más kewachilaj ri kʼo kipwaq y kinkʼojiʼ ta kukʼ ri e mebʼaʼ?». Are jun tewchibʼal che oj kʼo pa ri rachoch ri Jehová o che oj rachiʼl. ¡Maqayaʼo che urayixik ri pwaq kukoj pa kʼax wajun tewchibʼal riʼ! We kqarayij ta más pwaq, amaqʼel kojux rachiʼl ri Jehová (chasikʼij Hebreos 13:5).
Jeʼlalaj taq pixabʼ
w09-S 15/4 17 párrs. 11-13
Kqil ri unojibʼal ri Jehová pa ri jastaq che ubʼanom
11 Ri damán are jun nitzʼ chikop y kʼo kʼi kqetaʼmaj chrij (chasikʼij Proverbios 30:26). Wajun chikop riʼ kajunamataj rukʼ jun imul pero más e nitzʼaq ri alaj taq raqan, e nitzʼaq ri alaj taq uxikin y e ketekik. Aninaq kekunik kkikʼuʼ kibʼ o kkowaj kibʼ chkiwach nikʼaj chi chikop rumal che kʼo jun utzalaj kibʼaqʼwach y chkixoʼl taq abʼaj kekʼojiʼ wi. Ri damanes e kʼi kkimulij kibʼ y wariʼ keʼutoʼ chkiwach e nikʼaj chi chikop che kkaj kkibʼan kʼax chke y rech kkinaʼ ta tew.
12 ¿Jas kqetaʼmaj chrij ri damán? Ri alaj chikop riʼ amaqʼel kukʼuʼ ribʼ chkiwach ri e nikʼaj chi chikop che kkaj kkibʼan kʼax che. Y rumal che e kʼo utzalaj taq ubʼaqʼwach kkunik keril apan ri e nikʼaj chi chikop paneʼ naj e kʼo wi y aninaq kukʼuʼ ribʼ chkixoʼl taq ri abʼaj. Junam rukʼ wajun alaj chikop riʼ, oj rajawaxik kqetaʼmaj ri kubʼij ri Biblia rech kojkunik kqilo jas kuya pa kʼax ri qakojonik y kqaxutuj. Rumal laʼ ri apóstol Pedro xubʼij wariʼ chke ri cristianos: «Chichomaj jas ri kibʼano, chixkʼaskʼatoq. Ri ikʼulel, ri itzel, kusutij iwij je jas jun koj kuraq uchiʼ kutzukuj jachin kubʼiqʼo» (1 Ped. 5:8). Y ri Jesús xuya jun utz ejemplo chqawach are chiʼ xkʼojiʼ cho ri uwach Ulew rumal che amaqʼel xuchajij ribʼ chuwach ri tentaciones che xuya ri Satanás (Mat. 4:1-11).
13 Ri kojtoʼwik are che amaqʼel kqasikʼij ri Biblia y kojbʼe pa ri e riqbʼal ibʼ (Luc. 4:4; Heb. 10:24, 25). Junam kukʼ ri damanes che kkimulij kibʼ rech kekʼojiʼ pa junamam, oj rajawaxik jeʼ kqabʼan kukʼ ri qachalal rech «kqaya qachuqʼabʼ chbʼil taq qibʼ pa ri qakojonik» (Rom. 1:12). We kqatzukuj ri utobʼanik ri Jehová kojkun riʼ kqabʼij ri xubʼij ri David che ri Jehová: «Lal ri chʼuqubʼal wech, ri nukʼolbʼal che panem, lal torol wech, nuDios, ri nimalaj abʼaj kinuchʼuqu» (Sal. 18:2).
15-21 RE SEPTIEMBRE
QʼINOMAL RE RI UTZIJ RI DIOS PROVERBIOS 31
Kʼo kʼi kqetaʼmaj chrij ri consejos che kkiya ri e nan
w11-S 1/2 19 párrs. 7, 8
Cheʼitoʼo ri iwalkʼwal rech kkiriq ta kʼax
Utz ubʼixik chibʼanaʼ chke. Rajawaxik kbʼix chke ri akʼalabʼ ri kʼax che kkiriq ri winaq we kkibʼan relaciones sexuales are chiʼ e kʼulan taj (1 Corintios 6:18; Santiago 1:14, 15). Pero chnaʼtaj chiwe che ri relaciones sexuales are jun sipanik che ri Jehová uyaʼom chke ri e kʼulanik (Proverbios 5:18, 19; El Cantar de los Cantares 1:2). We utz ta kibʼan che ubʼixik chke ri iwalkʼwal chrij ri relaciones sexuales weneʼ utz ta chi kkichomaj chrij, junam rukʼ ri xuriq Corrina, jun ali che kel pa Francia, ri areʼ kubʼij: «Rumal che ri nunan nutat utz ta ri xkibʼan che ubʼixik chwe chrij ri relaciones sexuales, xinchomaj che awas ri relaciones sexuales».
Rumal laʼ utz chibʼanaʼ che ubʼixik chke ri iwalkʼwal chrij ri relaciones sexuales. Jun qachalal ixoq ubʼiʼ Nadia che kel pa México kubʼij: «Amaqʼel kwaj che ri e wal kkichʼobʼo che ri relaciones sexuales are jun sipanik che uyaʼom ri Jehová chke ri e kʼulanik. Y rajawaxik utz kkibʼan che ukojik wajun sipanik riʼ rech kkiriq ta kʼax».
ijwhf-S kʼutunem 4 párrs. 11-13
Ri rajawaxik kketaʼmaj ri akʼalabʼ chrij ri tzam
Chixtzijon kukʼ ri akʼalabʼ chrij ri tzam. «Weneʼ ri akʼalabʼ kkichʼobʼ ta ri kubʼij ri Biblia chrij ri tzam», xcha jun tat ubʼiʼ Mark che kel pa Gran Bretaña. «Rumal laʼ xintaʼ che ri nukʼojol che 8 ujunabʼ jas kuchomaj chrij ri utijik tzam. Rukʼ ta oyowal xintaʼ wariʼ che y je wariʼ xkunik xubʼij chwe ri kuchomaj».
Más kkichʼobʼ riʼ we kʼi mul kixtzijon kuk ri iwalkʼwal chrij ri tzam. Are chiʼ kekʼiy ri akʼalabʼ utz che kixtzijon chi chrij nikʼaj chi temas junam rukʼ ri relaciones sexuales o nikʼaj chik.
Chiyaʼ jun utz ejemplo. Juntir ri kkil ri akʼalabʼ kkibʼan ke. Kbʼixik che ri kkibʼan ri akʼalabʼ are ri kilom che kibʼan ri kinan kitat. Rumal laʼ ri ix nan tat we kibʼij che rajawaxik tzam chiwe are chiʼ ix kosinaq, ri iwalkʼwal kkichomaj riʼ che rajawaxik kkitij tzam are chiʼ e kosinaq. Rumal laʼ chiyaʼ jun utz ejemplo chkiwach y kibʼij taj che are ri tzam kixtoʼwik.
g17.6-S 9 párr. 5
Chakʼutuʼ chkiwach ri awalkʼwal che kkibʼan ta nim che kibʼ
Chakʼutuʼ chkiwach ri awalkʼwal che kesipanik. Chakʼutuʼ chkiwach che «areʼ sibʼalaj utz na re ri kyanik chuwach ri kkʼamowik» (Hechos 20:35). Rukʼ ri awalkʼwal chitzʼibʼaj ri kibʼiʼ ri qachalal che rajawaxik tobʼanik chke rech kekʼam bʼi pa ri e riqbʼal ibʼ, pa loqʼomanik y nikʼaj chik. Y chakʼama bʼi ri awalkʼwal are chiʼ keʼatoʼ ri qachalal, je wariʼ krilo che katkikot che kitoʼik ri nikʼaj chik. Y rukʼ ri a ejemplo kakʼut chuwach che utz taj kubʼan nim che ribʼ (Lucas 6:38).
Jeʼlalaj taq pixabʼ
w23 12 21 párr. 12
¿Jas kkibʼan ri alitomabʼ rech keʼux ko pa ri kikojonik?
12 Rukʼ utzilal cheʼachʼabʼej ri nikʼaj chik y cheʼatatabʼej. Are jun bʼantajik che sibʼalaj nim ubʼanik chke ri cristianos. Ri Santiago xuya ubʼixik chrij wariʼ: «Chanim chitatabʼej ri utzij ri jun chik, chixbʼeytaj che tzijonik» (Sant. 1:19). Are chiʼ katas atiempo che utatabʼexik jun winaq kakʼutu che katok il che (1 Ped. 3:8). We man kachʼobʼ ri kubʼij chawe o ri kunaʼo, chabʼanaʼ preguntas che. Tekʼuriʼ chachomaj na ri kawaj kabʼij che (Prov. 15:28). Chataʼ wariʼ chbʼil awibʼ: «¿La qastzij ri kinbʼij? ¿La kuya uchuqʼabʼ? ¿La kukʼutu che nim kinwil wi?». Chatchoman chkij ri qachalal che kʼo nim kikojonik, che ketaʼm kekitatabʼej nikʼaj chik y kʼo chawetaʼmaj chkij (chasikʼij uwach Proverbios 31:26). Chatchoman chrij ri kkibʼij y ri kkibʼan che ubʼixik. Amaqʼel chatijoj awibʼ chrij wajun bʼantajik riʼ y kawil na che katutoʼo rech kkʼojiʼ jun utz awachilanik kukʼ ri nikʼaj chik.
22-28 RE SEPTIEMBRE
QʼINOMAL RE RI UTZIJ RI DIOS ECLESIASTÉS 1, 2
Cheqatijoj ri kʼa e majaʼ na chqawach
w21.09 12, 13 párrs. 15, 16
Nim chqilaʼ wi ri kichuqʼabʼ ri kʼa e majaʼ na
15 Ri apóstol Pablo xuqujeʼ are jun utz kʼutbʼal che sibʼalaj xsipanik. Xusikʼij bʼi ri ala Timoteo che utzijoxik utzij ri Dios pa jalajoj taq tinamit y xukʼut chuwach jas kbʼan che ubʼanik (Hech. 16:1-3). Ri Timoteo xux jun utzalaj ajtij rumal ri tijonik xyaʼ che rumal ri Pablo (1 Cor. 4:17). Y, ri Timoteo xukʼut chkiwach nikʼaj chik ri xkʼut chuwach rumal ri Pablo.
16 Ri e qachalal nim chi kijunabʼ kkichomaj taj che kʼo ta chi kipatan rumal che kekitijoj ri kʼa e majaʼ na che ubʼanik ri chak che xkibʼan ojer. Jun kʼutbʼal, ri qachalal Shigeo che xojchʼaw chrij pa ri párrafo 9 xeʼutijoj pa kʼi junabʼ ri e qachalal kʼa e majaʼ na re ri Comité re Sucursal. Xubʼan wariʼ rumal che xraj knimar más ri chak re ri Jehová pa ri tinamit jawiʼ xpatanin wi. Wariʼ xuya utzilal che. ¿Jasche? Rumal che are chiʼ xuriq ri qʼij che kkun ta chi che ubʼanik ri chak re coordinador, kʼo chi jun qachalal ri kkun che ubʼanik ri xok kan pa ukʼexwach. Ri qachalal Shigeo uyaʼom ta kan ukʼutik ri xretaʼmaj pa más che 45 junabʼ chkiwach ri e qachalal ri kʼa e majaʼ na re ri Comité re Sucursal. Waʼ taq qachalal e jun nimalaj tewchibʼal pa ri utinamit ri Dios.
Jeʼlalaj taq pixabʼ
lff kʼutunem 37 punto 1
Ri kubʼij ri Biblia chrij ri chak y ri pwaq
Ri Dios kraj che kojkikot rukʼ ri qachak. Ri Biblia kubʼij che are más utz na che ri winaq kkikot rukʼ ri chak che kubʼano (Eclesiastés 2:24). Ri Jehová sibʼalaj kchakunik. Are chiʼ kqesaj uwach y sibʼalaj kojchakunik, tajin kqabʼan riʼ ri utz kril ri areʼ y kojkikotik.
29 RE SEPTIEMBRE KOPAN 5 RE OCTUBRE
QʼINOMAL RE RI UTZIJ RI DIOS ECLESIASTÉS 3, 4
Chiloqʼoqʼej más iwibʼ
hf kʼutunem 2 parte 1
Chikojoʼ ichuqʼabʼ rech ix sukʼ chbʼil iwibʼ
RI KUBʼIJ RI BIBLIA: «[Qas chiwilaʼ] ri qas utz na ubʼanik» (Filipenses 1:10). Ri akʼulanem are jun chke ri jastaq che sibʼalaj nim ubʼanik pa ri akʼaslemal. Rumal laʼ rajawaxik che katok il che.
Jehová kraj che xaq xiw ri akʼulaj karayij uwach xuqujeʼ che kixkikot pa ri ikʼaslemal (Eclesiastés 9:9). Dios kubʼij che qas kawilij ri akʼulaj, xuqujeʼ kachomaj ri kuya kikotemal che (1 Corintios 10:24). Rajawaxik che ri akʼulaj kunaʼo che kajwataj chawe xuqujeʼ che nim kawilo.
RI KATKUNIK KABʼANO:
● Amaqʼel chatasaʼ aqʼij rech katkʼojiʼ rukʼ ri akʼulaj, chatok il che ri kajwataj che
● Chachomaj ri kajwataj chiwe, xaq xiw ta ri kajwataj chawe at
w23.05 23 párrs. 12-14
Masach ri «qʼaqʼ aj Dios» chixoʼl
12 ¿Jas kkibʼan ri kʼulaj che resaxik kiwach ri Áquila y ri Priscila? Chixchoman chrij ri tajin kibʼan kimik chijujunal. We itukel tajin kibʼan jun jastaq utz we kitoʼlaʼ iwibʼ che ubʼanik, junam kukʼ ri Áquila y ri Priscila che amaqʼel xkachilaj kibʼ che utzijoxik ri utzij ri Dios. Y we junam ta ri ichak, utz che kitoʼlaʼ iwibʼ che ujosqʼixik ri upaja junam kukʼ ri Áquila y ri Priscila che junam xechakunik (Ecl. 4:9). We kibʼan wariʼ, kixutoʼ rech kixtzijonik. Chqilampeʼ jas kkibʼan ri e qachalal Robert y Linda che más che 50 junabʼ chik e kʼulanik. Ri qachalal Robert kubʼij: «Amaqʼel latzʼ qawach. Are kʼu utz kwilo y sibʼalaj kinkikotik are chiʼ tajin kinchʼaj ri laq kpe ri wixoqil che nutoʼik y are chiʼ kinutoʼ che ujosqʼixik ri uwo ja. Ubʼanik wariʼ oj utoʼm rech más kqaj qibʼ».
13 Chnaʼtaj chqe che paneʼ junam ja oj kʼo wi kraj ta kubʼij che rajawaxik ta chik kqatas qatiempo che ri qakʼulaj. Rech kqachʼobʼ wariʼ chqilaʼ ri ukʼutbʼal jun qachalal ixoq re Brasil che kubʼij: «Rumal che kʼo kʼi kqabʼano weneʼ kqachomaj che rajawaxik taj kqatas tiempo chbʼil qibʼ rumal che junam ja oj kʼo wi. Are kʼu xwilo che rajawaxik kintas tiempo che ri wachajil». Chqilachimpeʼ ri kibʼanom ri qachalal Bruno y ri rixoqil, Tays ubʼiʼ, rech ketzijonik. Ri qachalal Bruno kubʼij: «Kqakʼol ri qateléfonos rech kojkunik kojtzijonik».
14 ¿E kʼu we utz ta kiwilo kiwachilaj iwibʼ rumal che junam ta ri utz kiwilo o kinaʼo che xaq kiyak iwoyowal? ¿Jas kixkunik kibʼano? Chixchoman chrij ri qʼaqʼ che xqabʼij nabʼe kanoq. Are chiʼ knukʼ ri qʼaqʼ are nabʼe kyaʼ ri uxer siʼ tekʼuriʼ are chiʼ kkʼat más kyaʼ chi ri chomaʼq taq siʼ chupam. Xaq junam rukʼ, chikojoʼ ichuqʼabʼ rech kitas jubʼiqʼ itiempo ronojel taq qʼij rech kixkʼojiʼ junam. Chibʼanaʼ jun jastaq che utz kiwil ri ix kebʼ y che kuyak ta chʼoj chixoʼl (Sant. 3:18). We kimaj ubʼanik wariʼ nojimal chi nojimal kkʼiy chi ri loqʼoqʼenik chixoʼl.
w23.05 20 párr. 3
Masach ri «qʼaqʼ aj Dios» chixoʼl
3 Rech amaqʼel kʼo ri «qʼaqʼ aj Dios» pa jun kʼulanem, rajawaxik che ri achi y ri ixoq kkikoj kichuqʼabʼ rech kʼo jun utz kachilanik rukʼ ri Jehová. ¿Jasche kqabʼij wariʼ? Rumal che we nim kkil wi ri kachilanik rukʼ ri Jehová kʼax ta kkibʼan che unimaxik ri utaqanik y qas kekun riʼ kkichʼij apachike kʼax che kkiriqo (chasikʼij uwach Eclesiastés 4:12). Xuqujeʼ ri kʼo jun utz kachilanik rukʼ ri Jehová kkikoj kichuqʼabʼ che resaxik uwach. Jun kʼutbʼal, keʼux e utz taq winaq, aninaq taj kpe koyowal y kekuyunik (Efes. 4:32–5:1). ¡Más kkʼojiʼ loqʼoqʼenik riʼ chkixoʼl we kkibʼan wariʼ! Jun qachalal Lena ubʼiʼ che 25 junabʼ chik kʼulanik, kubʼij wariʼ: «¡Kʼax ta uloqʼoqʼexik y unimaxik jun achajil che kʼo nim ukojonik!».
Jeʼlalaj taq pixabʼ
it-1-S 124 párr. 8
«Loqʼoqʼebʼal»
¿Jachin ri taqal ta chke keloqʼoqʼexik? Kqakʼut ta loqʼoqʼebʼal chke ri winaq che kkaj taj keniman che ri Jehová y che itzel kkilo. Pero kqakʼut loqʼoqʼebʼal chke ri winaq che itzel ta kkil ri Dios. Ri Jehová y ri Jesús utz kkilo che jun winaq kubʼan ri utzilal pero itzel kekil ri winaq che keniman taj (Sl 45:7; Heb 1:9). Taqal ta kiloqʼoqʼexik ri itzel kkil ri Jehová. Y paneʼ kqaj keqaloqʼoqʼej wariʼ kubʼan taj che kkaj kkikʼex ri ki kʼaslemal y ri Jehová keʼuloqʼoqʼej ta ri winaq riʼ (Sl 139:21, 22; Isa 26:10). Rumal laʼ ri Jehová itzel keril wi y kusachisaj na kiwach (Sl 21:8, 9; Ec 3:1, 8).
6-12 RE OCTUBRE
QʼINOMAL RE RI UTZIJ RI DIOS ECLESIASTÉS 5, 6
¿Jas kqabʼan che ukʼutik che kʼo qa respeto che ri Dios?
lff kʼutunem 52 punto 1
¿Jasche nim ubʼanik ri qatzʼyaq che kqakojo?
Ri cristianos rajawaxik «utz katzʼyaqixik kibʼ kkibʼano, rukʼ jikomal, xuqujeʼ kukʼ atzʼyaq ri man nimaʼq ta kajil». Xuqujeʼ, rajawaxik che ri kibʼantajik chʼajchʼoj che kukʼutu che «kkiqʼijilaj ri Dios» (1 Timoteo 2:9, 10). Chatchoman chkij ri kajibʼ pixabʼ che kqariq pa ri texto riʼ. 1) Rajawaxik «utz» kkaʼy ri qatzʼyaq. Weneʼ awilom pa taq ri riqbʼal ibʼ che ri utinamit ri Jehová jalajoj atzʼyaq kqakojo, are kʼu ri qatzʼyaq y ri kqabʼan che uxiyik ri qawiʼ kukʼutu che nim kqil wi ri Dios. 2) Ukojik atzʼyaq «rukʼ jikomal» kraj kubʼij che kqakoj ta atzʼyaq che utz ta kkaʼyik, y che kubʼano che ri winaq xaq kekaʼy chqe. 3) Kqakʼutu che kqakoj ta atzʼyaq ri «nimaʼq [...] kajil» chiʼ are ta kqakoj ri kʼateʼ xel loq. 4) Ri qabʼanik rajawaxik kukʼut chkiwach ri nikʼaj chik che are tajin kqaqʼijilaj ri qastzij Dios (1 Corintios 10:31).
w22.07 24, 25 párr. 18
Nim chqilaʼ wi ri ubʼanik qachʼawem che ri Jehová
18 ¿Y we kbʼix che jun qachalal che kubʼan jun chʼawem chiʼ majaʼ keʼel che utzijoxik ri utzij ri Dios o pa jun riqbʼal ibʼ re congregación? Ri e qachalal che kyaʼ wajun eqeleʼn chke rajawaxik kechoman chrij ri rumal che kbʼan wajun riqbʼal ibʼ. Kbʼan ta ri e chʼawem rech kyaʼ pixabʼ chke ri qachalal o che uyaʼik anuncios. Pa kʼi chke ri e qariqbʼal ibʼ riʼ xa cinco minutos kyaʼik rech kbʼixox ri bʼixonem y kbʼan ri chʼawem. Rumal laʼ ri qachalal che kbʼanow ri chʼawem rajawaxik taj kukoj «kʼiʼalaj taq tzij», más na are chiʼ kumajij ri riqbʼal ibʼ (Mat. 6:7).
w24.03 4 párrs. 5
¿La rukʼ ronojel awanimaʼ kawaj kajach ri akʼaslemal che ri Jehová?
5 ¿Jas kubʼan jun winaq are chiʼ kujach ri ukʼaslemal che ri Jehová? Kubʼan uchʼawem y kubʼij che che xaq xiw ri areʼ kupatanij pa ronojel ri ukʼaslemal. Pa nikʼaj chi tzij, jetaneʼ kubʼij che ri Jehová che amaqʼel kuloqʼoqʼej rukʼ ronojel ranimaʼ, rukʼ ronojel ri uchomanik y rukʼ ronojel uchuqʼabʼ (Mar. 12:30). Are chiʼ jun winaq kujach ri ukʼaslemal che ri Jehová, xaq xiw ri areʼ etaʼmanaq y ri Jehová. Are kʼu ri qasanjaʼ, kbʼan chkiwach konojel; je wariʼ ri winaq kukʼut chkiwach konojel che ujachom chi ri ukʼaslemal che ri Jehová. Ri ujachik ri kʼaslemal che ri Jehová sibʼalaj nim ubʼanik. Qastzij riʼ che qas kawaj kabʼan ri xabʼij che ri Jehová y ri areʼ xuqujeʼ kraj che qas kabʼano (Ecl. 5:4, 5).
Jeʼlalaj taq pixabʼ
w20.09 31 párrs. 3-5
Pregunta ke ri kesikʼin uwach ri qawuj
Eclesiastés 5:8 kchʼaw chrij jun qʼatal tzij che kubʼan kʼax chke ri e mebʼaʼ y kukʼut ta sukʼilal chke. Ri achi rajawaxik knaʼtaj che, che weneʼ tajin kil rumal jun achi che más nim ubʼanik o kʼo más utaqanik chuwach. Are kʼu weneʼ e kʼo nikʼaj chik che más nim na ri keqelen chuwach. Sibʼalaj bʼisobʼal che ri e qʼatal taq tzij jujun taq mul keʼux elaqʼomabʼ rumal laʼ ri winaq kkiriq kʼax umak kech.
Are kʼu chiʼ kʼo nimalaj kʼax, kukubʼsaj qakʼuʼx retaʼmaxik che Jehová kril ri kkibʼan ri qʼatal taq tzij. Kojkunik kqataʼ che ri Dios che kojutoʼ y kqabʼij che ri kqabʼisoj (Sal. 55:22; Filip. 4:6, 7). Qetaʼm che «ri Ajawaxel kril ronojel ri kkʼulmataj cho ronojel ri uwach Ulew, rech kuya kichuqʼabʼ ri qas kkikubʼaʼ kikʼuʼx chrij areʼ» (2 Crón. 16:9).
Eclesiastés 5:8 kunaʼtasaj jun jastaq chqe: che chkiwach ri qʼatal taq tzij kʼo jun más nim na ubʼanik chkiwach. Ri más nim ubʼanik che kunaʼtasaj chqe pa wajun versículo riʼ, are che Jehová are ri kʼo más nim utaqanik pa uwiʼ ri kajulew. Kimik are ukojom ri uKʼojol, Jesucristo, che uqʼatik tzij. Ri Dios che kʼo nimalaj uchuqʼabʼ y ri uKʼojol kkil ronojel y sibʼalaj e sukʼ.
13-19 RE OCTUBRE
QʼINOMAL RE RI UTZIJ RI DIOS ECLESIASTÉS 7, 8
Chojkʼol kukʼ ri xkam jun ki familia
w22.01 16 párr. 9
¿Jas kqetaʼmaj chrij ri roqʼej ri Jesús?
Katkunik kaya kichuqʼabʼ ri kebʼisonik rumal che xkam jun kachalaxik. Ri Jesús xaq xiw ta xoqʼ kukʼ ri Marta y ri María, xaneʼ xuqujeʼ xeʼutatabʼej y xukubʼsaj kikʼuʼx. Oj xuqujeʼ kojkunik keqatoʼo y kqakubʼsaj kikʼuʼx ri kaminaq jun kachalaxik. Ri qachalal Dan, jun kʼamal bʼe pa Australia, kubʼij: «Are chiʼ xkam ri wixoqil, xajwataj tobʼanik chwe. E kebʼ oxibʼ kʼulaj xkiya tobʼanik chwe rumal che xekʼojiʼ wukʼ are chiʼ xinbʼisonik y xinoqʼik. Y are chiʼ xinnaʼo che kʼo ta nuchuqʼabʼ xuqujeʼ xinkitoʼ che ubʼanik jujun taq nuchak, junam rukʼ uchʼajik ri nuchʼichʼ, bʼenam pa loqʼoj y ubʼanik ri nurikil. Y amaqʼel xkibʼan kichʼawem wukʼ. Xwilo che qastzij e wachiʼl y e wachalal pa taq ri ‹qʼijol re riqoj kʼax›» (Prov. 17:17).
w19.06-S 23 párr. 15
Cheqatoʼo ri qachalal che tajin kkiriq kʼax
15 Ri qachalal William, che xkam ri rixoqil, kubʼij wariʼ: «Kinkikotik are chiʼ ri qachalal kkinaʼtaj ri utz taq ubʼantajik ri wixoqil. Nim ktobʼan wi wariʼ chwe rumal che kukʼutu che qas xkiloqʼoqʼej ri wixoqil. Sibʼalaj loqʼ ri wixoqil chnuwach are chiʼ kʼaslik». Ri qachalal Bianca kubʼij: «Sibʼalaj kukubʼsaj nukʼuʼx are chiʼ ri nikʼaj chik kkibʼan orar wukʼ y kkisikʼij jujun textos re ri Biblia chnuwach. Nim ktobʼan wi chwe are chiʼ kinchʼaw chrij ri wachajil kukʼ y che kinkitatabʼej».
w17.07-S 16 párr. 16
«Chixoqʼ kukʼ ri keʼoqʼik»
16 Xuqujeʼ nim ktobʼan wi che kqabʼan orar pa kiwiʼ ri tajin kkiriq kʼax y kqabʼan orar kukʼ are chiʼ kojbʼe che kichʼabʼexik. Weneʼ kojoqʼik are chiʼ kqabʼan orar kukʼ pero we rukʼ ronojel qanimaʼ kqabʼano wariʼ kubʼano che kebʼison ta chi más. Ri qachalal Dalene, che xojchʼaw kan chrij pa ri párrafo 12, kubʼij: «Jujun taq mul kinbʼij chke ri qachalal we kekunik kkibʼan orar wukʼ. Are chiʼ kkimaj ubʼanik orar, kel ta chi ri kichʼabʼal. Pero are chiʼ kekunik kkibʼan orar kkibʼan rukʼ ronojel kanimaʼ. Nim kinutoʼ wi rilik che qas kkikubʼsaj kikʼuʼx chrij ri Jehová y che qas kel kikʼuʼx chwe».
w17.07-S 16 párrs. 17-19
«Chixoqʼ kukʼ ri keʼoqʼik»
17 Jujun winaq kebʼison más tiempo chkiwach nikʼaj chik are chiʼ kkam jun ki familia. Rumal laʼ xaq xiw ta keqatoʼo are chiʼ kʼateʼ xkam ri ki familia, xaneʼ kqaya ta kan kitoʼik paneʼ qʼaxinaq chi kʼi tiempo. Proverbios 17:17 kubʼij: «Jun achiʼl amaqʼel kel ukʼuʼx, pa taq kʼu ri qʼijol re riqoj kʼax jachaʼ jun achalalaxik». Rumal laʼ chqatoʼo ri qachalal ronojel ri tiempo che kajwataj che (chasikʼij 1 Tesalonicenses 3:7).
18 Jujun taq mul ri qachalal kqʼutut ranimaʼ che bʼis are chiʼ kuta jun canción, kril jun foto, kunaʼ jun perfume, are chiʼ kopan ri ki aniversario o jun chik che kubʼano che kunaʼtasaj ri u familia che xkamik. Ri qachalal che xkam ri ukʼulaj weneʼ kunaʼ nimalaj bʼis are chiʼ utukel kbʼe pa ri nim riqbʼal ibʼ o pa ri Unaʼtabʼalil ri ukamikal ri Jesús. Jun qachalal che xkam ri rixoqil kubʼij: «Wetaʼm che are chiʼ kopan ri fecha re ri qa aniversario sibʼalaj kinbʼison riʼ, pero ri qachalal re ri congregación xkimulij ri wamigos rech xkibʼan jun alaj nimaqʼij pa ri fecha riʼ rech kinbʼison ta más».
19 Xaq xiw ta keqatoʼ ri qachalal pa fechas che kqachomaj che kebʼisonik. Jun qachalal ixoq ubʼiʼ Junia kubʼij: «Kukubʼsaj nukʼuʼx are chiʼ ri qachalal amaqʼel kepe che wilik y xaq xiw ta kepetik are chiʼ are jun fecha che kkichomaj che kuya bʼis chwe». Paneʼ kqesaj ta ri bʼis chke ri qachalal pero kqakubʼsaj kikʼuʼx are chiʼ kojkʼojiʼ kukʼ (1 Juan 3:18). Ri qachalal Gaby kubʼij: «Kinmaltyoxij che ri Jehová y chke ri kʼamal taq bʼe che xinkitoʼo are chiʼ xajwataj chwe. Xinnaʼo che jetaneʼ ri Jehová kʼo wukʼ y xinumatzej».
Jeʼlalaj taq pixabʼ
w23.03 31 párr. 18
«Rumal kʼu waʼ konojel kketaʼmaj na chi ix nutijoxelabʼ»
18 Weneʼ jujun taq mul rajawaxik kojchʼaw rukʼ jun qachalal che xubʼan jun kʼax chqe. Are kʼu, are chiʼ majaʼ kojchʼaw rukʼ, utz che kojchoman chrij wariʼ: «¿La qas wetaʼm ronojel ri xkʼulmatajik?» (Prov. 18:13). «¿La xa ta chubʼanik xubʼano?» (Ecl. 7:20). «¿La kʼo jumul jeʼ wariʼ xinbʼan in ojer kanoq?» (Ecl. 7:21, 22). «¿La ksukʼumataj ri kʼax we kinchʼaw rukʼ o xa knimataj más?» (chasikʼij uwach Proverbios 26:20). We kojchoman chrij ri preguntas riʼ are chiʼ majaʼ kojchʼawik, weneʼ kojutoʼo rech kqasach kan ri xkʼulmatajik y kqakʼut loqʼoqʼenik.
20-26 RE OCTUBRE
QʼINOMAL RE RI UTZIJ RI DIOS ECLESIASTÉS 9, 10
Xaq ta are kojchoman chrij ri tajin kqakʼulmaj
w23.01 15 párr. 4
Ri Jehová kojutoʼ chuwach ri kʼax
4 Ri Biblia kubʼij che konojel «xaq kʼatetal kkitaqlebʼej» jun kʼax (Ecl. 9:11). Jujun taq mul kqariq kʼax junam rukʼ ri kkiriq konojel ri winaq (1 Cor. 10:13). O weneʼ ktzeʼx qawach, itzel kojilik o kbʼan chi jun kʼax chqe xa rumal che oj cristianos (2 Tim. 3:12). Apastaneʼ ri kʼax kqariqo, ri Jehová kojutoʼ rech utz kel ronojel chqawach. Chqilampeʼ ri xubʼan che utoʼik ri José.
w19.09 4 párr. 10
Jehová nim keril ri e upatanelabʼ che kemachʼachʼik
10 Ri machʼachʼem xuqujeʼ kojutoʼ chuwach ri kʼax kqariq pa ri qakʼaslemal. Qonojel kʼo jastaq che utz ta kqilo. Rumal laʼ, ri ajawinel Salomón xuchʼobʼo: «E wilom taq loqʼom pataninelabʼ ri kebʼin chkij taq kej, xuqujeʼ ri e kikʼojol taq ajawinelabʼ ri kebʼin chkaqan ri e jachaʼ ta ne loqʼom taq pataninelabʼ» (Ecl. 10:7). Amaqʼel taj nim keʼil wi ri winaq che qas kekun che ubʼanik ri jastaq, are kʼu ri kʼo ta más kekun che ubʼanik más nim keʼilik. Are kʼu ri Salomón xuchʼobʼo che ri más utz are che kojchoman chrij ri jastaq qariqom are ta chrij ri qariqom taj (Ecl. 6:9). We qas kojmachʼachʼik, kojchoman chrij ri qakʼaslemal kimik, are ta ri jastaq che kʼo ta qukʼ.
w11-S 15/10 8 párrs. 1, 2
Ri tiempo
Ri Jehová kraj che kqabʼan jastaq che kuya kikotemal pa ri qakʼaslemal. Jun ejemplo che wariʼ, are ri kubʼij Salmo 104:14, 15 che ri Jehová kukʼiyisaj «ri tikoʼn ri keʼutik ri winaq ri kresaj wi ri uwa pa ri ulew [...] xuqujeʼ ri uwaʼl uva, ri kuya kikotemal che ri ukʼaslemal» ri winaq. Ri Dios kubʼano che kkʼiy ri qatikoʼn rech kʼo ri kqatijo y vino. Y ri Biblia kubʼij che ri vino kukikotisaj ri qakʼaslemal (Ecl. 9:7; 10:19). Wariʼ kukʼutu che ri Jehová kraj che kojkikotik (Hech. 14:16, 17).
2 Rumal laʼ awas taj che kojuxlanik, kojetzʼanik, kqil jun qa película o kojbʼe pa waʼkatem. Ri Biblia kubʼij: «Cheʼiwilampeʼ ri e chikop cho ri kaj» y «ri kotzʼiʼj ri e kʼo pa taq ri ulew cho taq ri saq» y wariʼ kubʼano che kojkikotik (Mat. 6:26, 28; Sal. 8:3, 4). Y ri kikotemal che kqariq pa ri qakʼaslemal «are ri Dios» kyaʼowik (Ecl. 3:12, 13). Ri tiempo che kqakoj che etzʼanem, uxlanem o che nikʼaj chik are jun sipanik re ri Dios.
Jeʼlalaj taq pixabʼ
lv 137 párrs. 11, 12
Qas chqabʼij utz täq tzij
Ri uyaʼik uwiʼ ri tzij xuqujeʼ ri umolik tzij. Ri utzijoxik ri kkibʼan ri nikʼaj chik winaq are utz we are kqatzijoj ri utz jastaq chikij, junam rukʼ chiʼ kojchʼaw chirij ri kkibʼan kiqasanjaʼ o ri kajwataj jun kubʼsal kʼuʼx chike. Ri cristianos ojer sibʼalaj xeʼok il chike ri e achalal xuqujeʼ xetzijon chikij rukʼ utz täq tzij (Efesios 6:21, 22; Colosenses 4:8, 9). Ri utz täj kqabʼano are che kqabʼij tzij che are ta ri qastzij o kqabʼij jastaq che qas kech nikʼaj chik. We kqanaqʼtisaj qibʼ che ubʼanik wariʼ kubʼan chaqe che kqabʼan jun jastaq che sibʼalaj utz täj: ri umolik tzij, wariʼ are kraj kubʼij «ri tzij che xa knukʼik rech kubʼan kʼäx che jun winaq o kutzʼiloj ri ubʼiʼ». Jun kʼutbʼal re ri molom täq tzij, are ri xkibʼan ri fariseos chirij ri Jesús rech kkaj che utz ta kil kumal ri winaq (Mateo 9:32-34; 12:22-24). Ri molom täq tzij kuya kʼi chʼoj (Proverbios 26:20).
¿La utz kril ri Jehová ri kkibʼan jastaq che kuya chʼoj? Utz täj. Areʼ itzel kril ri kkiyak «chʼoj chkixoʼl achalaxik» (Proverbios 6:16-19). Chnaʼtaj chaqe che ri tzij pa griego che xkoj che ubʼixik «kumol tzij» are diábolos, are xbʼix che ri Satanás ri «Itzel», rumal che areʼ xubʼan molom tzij chirij ri Ajawaxel (Apocalipsis 12:9, 10). Qastzij wi, kʼot jun chaqe che kraj kubʼan «itzel» (o ajmolom tzij). Qastzij wi, ri e qastzij cristianos utz täj che kkibʼan molom täq tzij xuqujeʼ ri itzel rayinik che kuya wariʼ, jujun chike are chʼoj xuqujeʼ che «kakitas kibʼ» (Gálatas 5:19-21). Rumal laʼ, chiʼ kqaj kqatzijoj jun jastaq chirij ri jun chik winaq, rajawaxik kqachomaj wariʼ: «¿La wetaʼm che qastzij ri xbʼixik? ¿La tajin kinkʼut loqʼoqʼenik we kinbʼij? ¿La utz o rajawaxik che nikʼaj chik kketaʼmaj?» (chasikʼij uwach 1 Tesalonicenses 4:11).
27 RE OCTUBRE KOPAN 2 RE NOVIEMBRE
QʼINOMAL RE RI UTZIJ RI DIOS ECLESIASTÉS 11, 12
Chachajij ri akʼaslemal rech katyawaj taj y katkikotik
w23.03 25 párr. 16
¿Jas kabʼan che ukojik ri ubʼanom ri Jehová rech ri e awalkʼwal kʼo kketaʼmaj chrij?
Ronojel ri jastaq che ubʼanom ri Jehová ktobʼan chke ri familias rech kekikotik y kʼo utz achilanik chkixoʼl. Ri Biblia kubʼij che kʼo «jun joqʼotaj chik [re] tzeʼn» y «jun joqʼotaj chik che kʼolem pa nimaqʼij» (Ecl. 3:1, 4). Ri Jehová ubʼanom jeʼlalaj taq jastaq rech kojkikotik. E kʼi familias utz kkilo kebʼe pa taq ri juyubʼ, cho jun uwo saq o chuchiʼ ri mar. E kʼi akʼalabʼ utz kkilo keʼetzʼan pa ri parque, kekil ri awaj, kemuxan pa ri jaʼ, lago o mar. Qastzij che kʼo kʼi jastaq ubʼanom ri Jehová che kuya kikotemal chqe.
w23.02 21 párrs. 6, 7
Nim chqilaʼ wi ri qakʼaslemal che uyaʼom ri Dios
6 Ri Biblia are ta jun wuj che kubʼij chqe jas kunabʼal kqatijo y jas rikil utz kqatijo, xaneʼ kubʼij chqe jas ri kuchomaj ri Jehová chrij wariʼ. Jun kʼutbʼal, kuya wajun pixabʼ chqe: «Xaq mayaʼ ri abʼaqil pa ri kʼax» (Ecl. 11:10, Ri Tyoxlaj Wuj). Ri Biblia kubʼij che utz taj kqatijijej kʼi taq jastaq o kojqʼabʼarik rumal che kubʼan kʼax chqe o kojukamisaj (Prov. 23:20). Rumal laʼ, ri Jehová kraj che kqachajij qibʼ chuwach ri kqatijo (1 Cor. 6:12; 9:25).
7 We kqaj kqakʼutu che nim kqil wi ri qakʼaslemal, rajawaxik kqakoj ri qachomanik are chiʼ kqachaʼ jun jastaq (Sal. 119:99, 100; chasikʼij uwach Proverbios 2:11). Jun kʼutbʼal, rajawaxik kojchoman chrij ri kqatijo. We kubʼan kʼax jun jastaq chqe, kqatij taj. Rajawaxik kojwarik, kqabʼan ejercicio, kqajosqʼij qibʼ y kqajosqʼij ri qachoch.
w24.09 2 párrs. 2, 3
Chqabʼanaʼ jas kubʼij ri Biblia
2 Ri kojpatanin che ri Jehová qas kojkikotik. ¿Jasche? Rumal che kqasikʼij ri Utzij ri Dios ronojel taq qʼij xuqujeʼ kqakoj qachuqʼabʼ rech kqabʼan pa ri qakʼaslemal ri xqetaʼmaj chupam (chasikʼij Santiago 1:22-25).
3 ¿Jas utzilal kqariqo rumal che kqabʼan ri kubʼij ri Utzij ri Dios? Are taq chiʼ kqakoj qachuqʼabʼ kqakikotemaj ri Jehová, wariʼ kubʼano che qas kqanaʼ kikotemal (Ecl. 12:13). Are kʼu chiʼ kqabʼan ri kubʼij ri Utzij ri Dios ktobʼanik rech kqariq utzilal kukʼ ri qa familia y kqabʼan más utz amigos kukʼ ri qachalal pa ri congregación. Weneʼ ri at awilom chi wariʼ. Xuqujeʼ kqariq ta kʼax pa ri qakʼaslemal jachaʼ ri kkiriq ri kkinimaj ta ri Jehová. Junam rukʼ ri xubʼixoj ri David, che ri e utaqanik ri Jehová, ri kraj xuqujeʼ ri qʼatoj tzij che kubʼano, ri winaq che kunimaj «kʼo karechbʼej che ri kinimaxik» (Sal. 19:7-11).
Jeʼlalaj taq pixabʼ
lff kʼutunem 3 punto 1
¿La kojkunik kqakubʼsaj qakʼuʼx chrij ri Biblia?
Ri Biblia kubʼij che kʼo «jikalaj taq tzij» chupam (Eclesiastés 12:10). Kchʼaw chrij jastaq che qastzij xebʼantajik y winaq che qastzij xekʼojiʼk (chasikʼij Lucas 1:3 y 3:1, 2). E kʼi winaq che kechʼaw chrij ri xebʼantaj ojer kiqʼalajisam che qastzij ri kubʼij ri Biblia are chiʼ kchʼaw chrij ri fechas, ri winaq y ri lugares.