Jupuq 4
Kmajtaj rukʼ ri nabʼe ajawinel rech Israel, kopan pa kitzʼapixik pa Babilonia
Saúl xubʼan ri nabʼe ajawinel (rey) rech Israel. Tekʼuriʼ Jehová xuxutuj, tekʼuriʼ xchaʼ ri David rech kubʼan ajawinel che ukʼexwach ri Saúl. Kqetaʼmaj na kʼi täq jastaq (kos) chirij ri David. Chiʼ ala na, xchʼojin rukʼ jun nim raqan achi ubʼiʼ Goliat. Qʼaxnäq chi kebʼ oxibʼ junabʼ, xanmaj che ri itzel Saúl. Tekʼuriʼ ri Abigail che kʼo unojibʼäl xuya ta che ri David che xukamsaj jun achi.
Tekʼuriʼ kqetaʼmaj na kʼi täq jastaq chirij Salomón, ri ukʼojol David, ri xkanaj kan pa ukʼexwach ri David rech kubʼan ajawinel rech Israel. Ri nabʼe täq oxibʼ ajawinel rech Israel xkebʼan ajawinel pa 40 junabʼ jujun chike. Chiʼ xkam Salomón, ri tinamit rech Israel xujach ribʼ pa kebʼ ajawbʼäl, jun ajawbʼäl rukʼ 10 tribus rech Israel, ri jun chik ajawbʼäl rukʼ 2 tribus rech Judá rukʼ Benjamín.
Ri ajawbʼäl rech 10 tribus xubʼan 257 junabʼ chiʼ majaʼ ksachisax kiwäch rumal ri asirios. Tekʼuriʼ, qʼaxnäq chi 133 junabʼ tekʼuriʼ ri ajawbʼäl rech ri 2 tribus xuqujeʼ xsachisax kiwäch. Kimik ri täq israelitas xekʼam bʼi pa Babilonia rech xetzʼapixik. Rumal laʼ ri UKAJ Jupuq kubʼan 510 junabʼ rech wa täq bʼantajik riʼ, chupam wa täq junabʼ xeqʼax kʼi täq nimalaj täq bʼantajik.