Nabʼe taq tzij re ri sección 7

Wajun sección riʼ kchʼaw chrij ri ukʼaslemal ri ajawinel Saúl xuqujeʼ ri ajawinel David, kchʼaw chrij 80 junabʼ. Nabʼe, Saúl xubʼan ta nim che ribʼ xuqujeʼ xunimaj ri Dios. Are kʼu chiʼ xqʼax jubʼiqʼ tiempo xukʼex ri ubʼantajik xuqujeʼ xraj ta chik xkʼam ubʼe rumal ri Jehová. Kʼisbʼal re, xuqujeʼ areʼ xutux rumal ri Jehová, xuqujeʼ Jehová xubʼij che Samuel che kuchaʼ ri David rech kux ri kʼakʼ ajawinel rech Israel. Saúl kʼax xunaʼ che David xuqujeʼ kʼi taq mul xraj xukamisaj. Pa neʼ xbʼan wariʼ che, are xutzalij ta ukʼaxel. Jonatán, ri ukʼojol ri Saúl, retaʼm che are Jehová ri xchaʼow ri David, rumal laʼ xux sukʼ che. Pa neʼ chiʼ xqʼax ri tiempo David xubʼan jastaq che sibʼalaj e utz taj, amaqʼel xukʼam ri pixbʼenik che xuya ri Jehová che. We at e kʼo awalkʼwal, cheʼatoʼ rech kkilo che rajawaxik kqabʼan ronojel ri kubʼij ri Dios.