4 Tsë warmikunawan ollqu tsurikikunata casatsiyaptikiqa, santukunata adorëmanmi chätsiyanqa.+ Tsëqa Teyta Jehovämi qamkunawan cölerakur ushakätsiyäshunki.+

16 Tsëpitanam Teyta Jehoväqa Moisesta kënö nirqan: “Qamqa ichikllachönam wanukunki. Y wanuriptikiqa, traicionamarmi* israelïta mayikikunaqa yëkuyanqan markakunapa amänunchö adorayanqan santukunata adorayanqa.+ Tsënö qonqamarmi+ pëkunawan ruranqä acuerdutapis cumpliyanqatsu.+

17 Peru pëkunaqa manam juezkunatapis cäsuyarqantsu, sinöqa jukwan jukwan kakoq* cuentam santukunata adorayaq. Unë kastankuna cäsukuyanqan mandamientukunatam qonqariyarqan. Pëkunaqa manam unë kastankunanötsu Jehovä Dios mandakunqankunata wiyakuyarqan.+

33 Gedeon wanuriptinqa, israelïtakunaqa yapëmi, jukwan jukwan kakoq* cuenta, Baal santukunata adorayarqan*+ y Baal-Berit santutam diosninkuna+ kanampaq akrayarqan.

2 Tsë nacionkunachö nunakunapaqmi Jehovä Diosqa israelïtakunata kënö nishqa karqan: “Ama imanöpapis pëkunawanqa casakuyankitsu, ni pëkuna shayämunantapis permitiyankitsu. Juntakarninqa pëkunanöllam santunkunata adorar qallëkuyanki”.+ Tsënö nishqa këkaptimpis, Salomonqa manam cäsukurqantsu y pëkunatam* kuyakurkurqan.

26 ¿Manaku yarpäyanki tsënö ruranqanrëkur Israelpa gobernaqnin Salomon jutsaman* ishkinqanta? Manam mëqan nacionchöpis pënö gobernaqqa karqantsu.+ Pëta kuyarmi israelïta mayintsikkunata gobernanampaq Teyta Dios churarqan.+ Tsënö kaptimpis, juk nacion warmikunawan casakunqanmi, pëtapis mana alliman chätsirqan.+