9 Y mandakoqkunaqa ruri cuartuchömi shuyarëkäyarqan. Tsënam Dalïlaqa, “¡Sanson, filisteu nunakunam këchö këkäyan!” nir qayarqan. Pënam imëka lïnupita rurashqa hïluta nina ushareqnö, mushoq waskakunata rachiskirqan.+ Y imanir kallpasapa kanqanqa manam musyakarqantsu.

12 Tsënam Dalïlaqa mushoq waskakunawan watarkur, “¡Sanson, filisteu nunakunam këchö këkäyan!” nir qayarqan. (Tsëyaqqa, illaqpita yarquriyänampaqmi, filisteu nunakuna ruri cuartuchö këkäyarqan). Sansonqa jinan höram rikrankunata watarëkaq waskakunata imëka hïlutanölla rachiskirqan.+

14 Tsëmi Dalïlaqa piltankunata telarchö hïluman awarirqan, tsëpitanam kënö qayarqan: “¡Sanson, filisteu nunakunam këchö këkäyan!”. Tsënam pëqa pununqampita jinan höra sharkamur telarpa estäkantapis* y hïlunkunatapis sutarirqan.