18 tsë llapanta tariyänëkipaq Teyta Jehovä kallpayoq kayänëkipaq yanapayäshunqëkita yarpäyanki.+ Tsëtaqa Teyta Dios ruranqa, unë kastëkikunata äninqanta cumplirmi.+

12 Imëkata churarätsinqan cuartuta kichapuyäshoqniki cuentam, Teyta Jehoväqa ciëluta kichar tiempunchö tamyatsimunqa,+ y llapan rurayanqëkichömi bendiciyäshunki. Wakin nacionchö nunakunatam imëkata prestayanki, peru qamkunaqa manam prestakur puriyankitsu.+

11 Tsënam Teyta Diosqa Salomonta nirqan: “Qamqa manam atska wata kawanëkipaqtsu, rïcu kanëkipaqtsu, respetashqa kanëkipaqtsu, ni contrëkikunata ushakätsinäpaqtsu mañakamarqunki. Sinöqa gobernanti kanëkipaq+ churashqa kapteqmi, alli yachaq kanëkipaq y imatapis alli entiendinëkipaq mañakamarqunki, tsënöpa imatapis allita ruranëkipaq. 12 Tsëmi alli yachaq kanëkipaq y imatapis alli entiendinëkipaq yanapashqëki. Tsënöllam mana mañakamashqa këkaptikipis, rïcu kanëkipaq y respetashqa kanëkipaq yanapashqëki. Qamnöqa manam puntëkiman ni qepëkimampis ni pï gobernanti kanqatsu”.+

12 Tsënömi Teyta Jehoväqa Jobta bendicirqan unë kapunqampitapis masraq kapunampaq.+ Tsënöpam Jobpaqa catorci mil üshankuna, seis mil camëllunkuna, dos mil wäkankuna y mil ashnunkuna kapurqan.+