12 y tsëtam ruramushaq.+ Tsëmi alli yachaq kanëkipaq y imatapis alli entiendinëkipaq yanapashqëki.+ Yachaq kanqëkinöqa manam ni pï kashqatsu, ni manam imëpis kanqatsu.+ 13 Tsënöllam mana mañakëkämaptikipis+ yanapashqëki rïcu kanëkipaq y reqishqa kanëkipaq.+ Qam kawanqëkiyaqqa, manam ni pï gobernantipis qamnöqa kanqatsu.+

29 Salomon alläpa yachaq y alli tantiyaq kanampaq y imëkatapis+ alli entiendinampaqqa Teyta Diosmi yanaparqan. Tsëmi lamar kuchunchö arëna mëtsika kanqannöraq Salomonpa yachëninqa alläpa karqan.

22 Salomonqa entëru patsachö gobernantikunapitapis mas kapoqyoq y mas yachaqmi karqan.+ 23 Tsëmi Teyta Dios yachaqta tikratsishqa kanqanta musyarir, parlanqanta wiyëta munar mëtsëpita gobernantikuna ëwayaq.+ 24 Tsënö ëwarmi örupita y pläta metalpita rurashqa cösaskunata qarayaq. Tsënöllam apayaq röpakunata,+ armakunata, pukutaq o mushkoq aceitita, cawallukunata y mulakunatapis. Salomonqa cada watam tsëkunata chaskeq.