3 Hebron markachömi+ Davidpa tsurinkuna yurikuyarqan. Mayor kaqmi karqan Amnon,+ mamäninqa Jezreelpita Ahinoam+ jutiyoq warmim karqan; tsëpitanam yurikurqan Daniel, mamäninqa Carmëlu markapita Abigailmi+ karqan; 2 tsëpitanam yurikurqan Absalon,+ mamäninqa Talmäipa tsurin Maacä jutiyoq warmim karqan, Talmäiqa Guesur markachö gobernantim karqan; tsëpitanam yurikurqan Adonïas,+ mamäninqa Haguit jutiyoq warmim karqan; 3 tsëpitanam yurikurqan Sefatïas, mamäninqa Abital jutiyoq warmim karqan; tsëpitanam yurikurqan Itream, mamäninqa Eglä jutiyoq warmim karqan. 4 Tsë joqta tsurinkunam Hebron markachö yurikuyarqan. Davidqa Hebron markachömi qanchis wata y joqta killa gobernarqan, y Jerusalen markachönam treinta y tres watapa gobernarqan.+

5 Jerusalen markachö+ Davidpa yureq tsurinkunam kayarqan Simeä, Sobab, Natan+ y Salomon,+ mamäninkunaqa karqan Amielpa tsurin Bat-Seba+ jutiyoq warmim. 6 Tsëpitanam isqun mas tsurinkuna yuriyarqan, jutinkunam karqan Ibhar, Elisamä, Elifëlet, 7 Noga, Nëfeg, Jafïa, 8 Elisamä, Eliadä y Elifëlet. 9 Pëkunam Davidpa lejïtimu warminkunachö yurikoq tsurinkuna kayarqan. Y sirweqnin warminkunachöpis* masmi tsurinkuna karqan. Tamarpis+ Davidpa warmi tsurinmi karqan.