25 Kananqa Jehovä Diosllä, noqata y familiäta äniyämanqëkitaqa ama imëpis qonqëkullëtsu y cumplïkullë.+ 26 Jutikiqa reqishqa katsun+ y nunakunapis niyätsun: ‘Israelpa Diosninqa ciëluchö angelkunata mandaq Jehovämi’. Y familiäkuna puntëkichö imëyaqpis gobernanti kayätsun.+ 27 Angelkunata mandaq Israelpa Diosnin Jehovä, qammi nimarqunki familiäkunalla gobernanti kayänampaq.+ Tsëmi mana mantsakuypa qamta parlapärillaq. 28 Llapanta Gobernaq Teyta Jehovä, qamllam rasumpa kaq Diosqa kanki y parlanqëkikunataqa cumplinkim.+ Tsëmi llapan änimanqëkikunata cumplinki y imëpis rasumpa kaqllatam parlanki. 29 Llapanta Gobernaq Teyta Jehovä qammi änimarqunki, y kananqa familiäkunata bendicïkullë puntëkichö imëyaqpis gobernanti kayänampaq.+ Qam bendiciptikim, familiä imëpis bendicishqa kanqa”.+