9 Tsë llapankunata rurar ushariyaptïnam dirigentikunaqa shamuykur kënö niyämarqan: “Israelïtakuna, sacerdötikuna y levïtakunaqa kë amänun markakunachö nunakunawanmi juntakäyan y mana alli costumbrinkunatam rurëkäyan.+ Cananeu, hitïta, perizïta, jebuseu, ammonïta, moabïta, egipciu+ y amorreu+ nunakunapa mana alli costumbrinkunata rurarmi këkäyan. 2 Pëkuna y tsurinkunapis tsë markakunachö warmikunawanmi casakuyashqa.+ Tsënömi Teyta Dios akranqan nunakuna këkarpis,+ tsë markakunachö nunakunawan juntakäyashqa.+ Tsë jutsataqa* dirigentikuna y jukpa mandädunchö këkaq gobernadorkunam puntataqa rurayashqa”.

3 Tsënam israelïtakunaqa, Ley ninqanta wiyëkur juk nacion nunakunapita rakikäyarqan.+