• Salmus 15:1-5
    Mushoq Patsachö Kawaqkunapaq Biblia

    • 15 Teyta Jehovä, ¿imanö nunatataq wayikiman chaskinki?

      ¿Imanö nunatan sagrädu jirkëkichö täkunqa?*+

       2 Tsëchöqa këta puëdiyan, ninqëkikunata cäsukoqkuna,+

      alli kaqllata imëpis ruraqkuna,+

      shonqunkunachö rasumpa kaqta parlaqkuna,+

       3 nuna mayinta mana calumniaqkuna,+

      nuna mayinta mana allikunata mana ruraqkuna,+

      amïgunkunapaq mana rimaqkuna,+

       4 mana allita ruraq nunakunata mana chaskeqkuna,+

      Teyta Jehoväta kuyaq* nunakunata respetaqkuna,

      perdinan kaptimpis änikunqanta cumpleqkuna,+

       5 qellëta prestakurpis wachëninta mana cobraqkuna,+

      y jutsannaq* nunata culpatsanampaq imatapis mana chaskipakoqkunam.+

      Tsënö allikunata ruraq nunakunaqa imëpis kushishqam kawakuyanqa.+

  • Salmus 84:1-4
    Mushoq Patsachö Kawaqkunapaq Biblia

    • 84 Angelkunata mandaq Teyta Jehovä,

      ¡carpa* wayikiqa alläpa shumaqmi!*+

       2 Teyta Jehovä, wayikipa patiunkunachö këtaqa alläpam munëkü.

      ¡Tsëchö këpaqqa alläpam löcuyäkü!+

      Imëyaqpis kawaq Dios, qamtaqa llapan shonqüwan y llapan kallpäwanmi alabaq

       3 Angelkunata mandaq Teyta Jehovä,

      wayikichöqa altarniki lädunmampam,

      pishqukunapis punuyan y wayanïtakunapis qeshunkuna rurëkur wawankunata cuidayan.

      ¡Qammi Diosnï y Gobernantï kanki!

       4 Wayikichö kaqkunaqa, ¡imanö kushishqaraq kayan!+

      Pëkunaqa imëpis alabëkäyäshunkim.+ (Sëlah).

  • Salmus 84:10
    Mushoq Patsachö Kawaqkunapaq Biblia

    • 10 Teyta Dios, juk junaqllapis patiuykichö kanqämi,

      juk lädukunachö mil junaq kanqäpitaqa mas alli.+

      Mana alli nunakunapa shumaq wayinkunachö kanäpa rantinqa,

      wayikiman yëkamoq punkuchö kanqämi mas alliqa.