• 2 Samuel 22:8-16
    Mushoq Patsachö Kawaqkunapaq Biblia

    •  8 Teyta Dios cöleraptinmi,

      Patsapis wakman këman kuyurqan,+

      ciëlupa cimientumpis mana parëpam karkaryar kuyurqan.+

       9 Kikin Diosmi shanshëkaq o shankëkaq carbonta aqtumurqan,

      shimimpitam ushakätsikoq nina yarqamurqan,+

      y senqampitanam qoyëpis o qoshnipis yarqamurqan.

      10 Teyta Dios urämuptinmi ciëlupis patsaman doblakämurqan,+

      chakin jawanchömi* yana pukutëpis këkarqan.+

      11 Juk querubinnin montashqam volëpa shamurqan.+

      Juk angelpa älanchönömi yurirkamurqan.+

      12 Y carpa* wayinö entëru lädumpa tsapänampaqmi,+

      putka* yakuta y yana pukutëta churarqan.

      13 Entërumpa tillapyaptinmi shanshëkaq o shankëkaq carbonpis tamyanöraq shikwamurqan.

      14 Llapanta Gobernaq Poderösu Jehovä Diosmi ciëluchö räyukunata bunrurütsimurqan,+

      y fuertipa parlamunqantam nunakuna wiyayarqan.+

      15 Flëchamuptinmi,+ chikeqninkunaqa mëtsëpa ëwakuyarqan;

      y räyuta bunrurütsimuptinmi nunakunaqa alläpa mantsakäyarqan.+

      16 Teyta Jehovä cöleraptinmi lamar rurimpis rikakäramurqan,+

      y senqanwan pükamuptinmi

      patsapa cimientumpis rikakäramurqan.+