14 Jövin mayinkunata cäsurmi kënö nirqan: “Papänïqa alläpam trabajatsiyäshurqëki, peru noqaqa pëpitapis masran trabajatsiyashqëki. Papänïqa chikutiwanmi astayäshurqëki, peru noqaqa fiërru puntayoq chikutiwanmi astayashqëki”.

16 Rogakuyanqanta Rehoboam mana cäsuptinmi israelïtakunaqa kënö niyarqan: “¿Acäsu Davidpitaku kawantsik pëpa kastankunata sirwinantsikpaq? ¡Por ultimu manam Davidpa kastantsu kantsik tsurinta qatiränantsikpaq! Davidqa kikimpa kastankunata mandakutsun. Israel kaqkunaqa, diosninkunaman kutikuyätsun”. Tsënö nirmi Israel nunakuna wayinkunata kutikuyarqan.+