• Joel 3:4
    Mushoq Patsachö Kawaqkunapaq Biblia

    •  4 Tïruchö, Sidonchö y Filistëa markakunachö nunakuna,

      ¿imanirtan conträ këkäyanki?

      ¿Qamkunata ima mana allitapis ruranqäpitaku vengakuykäyanki?

      Noqapita vengakuykäyaptikiqa,

      noqaqa jinan höram rurëta munëkäyanqëkinö qamkunata rurayashqëki.+

  • Amos 1:6-8
    Mushoq Patsachö Kawaqkunapaq Biblia

    •  6 Jehovä Diosmi kënö nin:

      ‘“Gäza+ markachö nunakunataqa, mana cäsukur jutsata* rurayanqampitam castigashaq, manam castïgunnaqtaqa dejashaqtsu.

      Pëkunam nunakunata prësur,+ Edom nunakunaman apayarqan.

       7 Tsënö kayanqampitam, Gäza+ markapa murällankunataqa imëka ninawannö ushakätsishaq,

      tsëmi alli murallashqa törrinkunapis ushakanqa.

       8 Asdod+ markachö nunakunata y

      Asquelon+ markachö gobernaqtapis ushakätsishaqmi.

      Tsënöllam Ecron+ markachö nunakunata castigashaq.

      Y quedaq filisteukunatapis ushakätsishaqmi”+ ninmi Llapanta Gobernaq Teyta Jehovä’.

  • Zacarïas 9:5
    Mushoq Patsachö Kawaqkunapaq Biblia

    •  5 Tsëta rikarmi Asquelon markapita nunakunaqa alläpa mantsakäyanqa,

      y Gäza markapita nunakunapis alläpam yarpachakuyanqa.

      Confiakuyanqan marka penqakuychö ushaptinmi, Ecron markapita nunakunapis llakikuyanqa.

      Gäza markapita nunakunapaqa manam gobernaqninkuna kanqanatsu,

      y Asquelon markapis tsunyaqmi quedanqa.+