LLAPAN LEYINA KAQ Watchtower

LLAPAN LEYINA KAQ Watchtower

LLAPAN LEYINA KAQ

Quechua (Ancash)

Isaïas 60:18

Mushoq Patsachö Kawaqkunapaq Biblia
- 18 Markëkikunachöqa manam maqanakuypaq
  o imatapis ushakätsiyanqampaqqa wiyayanqanatsu,+
  Murällëkikunatam Salvacion nir reqiyanqa+ y punkuykikunatanam Alabashqa nir reqiyanqa.

Isaïas 65:22

Mushoq Patsachö Kawaqkunapaq Biblia
- 22 Rurayanqan wayikunaqa manam jukkunapaqtsu kanqa,
  y plantayanqan üvaskunapis manam jukkunapaqtsu kanqa.
  
  Juk planta* mëtsika watakuna kawanqannömi,
  sirwimaqnï nunakunaqa mëtsika wata kawayanqa.+
  
  Y trabajarnin llapan tariyanqankunaqa kikinkunapaqmi kanqa.

Jeremïas 23:6

Mushoq Patsachö Kawaqkunapaq Biblia
- 6 Pë kawanqan witsanqa Judäpita nunakunam salvashqa kayanqa+ y Israelpita nunakunapis segürum kawakuyanqa.+ Noqantsikpaqqa, ‘Jehovämi justiciata ruran’ nirmi reqishqa kanqa”.+

Ezequiel 34:25

Mushoq Patsachö Kawaqkunapaq Biblia
- 25 Y pëkunawanmi alli kawakuyänampaq juk acuerduta rurashaq.+ Jirkakunachöpis següru kawayänampaq y monti kuchunkunachöpis següru punuyänampaqmi+ tsë nacionchö këkaq chukaru animalkunata ushakätsishaq.+

Osëas 2:18

Mushoq Patsachö Kawaqkunapaq Biblia
- 18 Tsë junaqmi sirwimaqnïkuna yamë
  y tranquïlu kawakuyänampaq,+ chukaru animalkunawan,+
  ciëlupa volaq* pishqukunawan y lätëpa pureq animalkunawan+ acuerduta rurashaq.
  
  Entëru nacionpitam flëchakunata, espädakunata y guërrakunata ushakätsishaq.+