17 Agradecikurnikim qarëkunata rupatsimushaq.+

Teyta Jehovä, jutikitam parlashaq.

10 “Teyta Jehovämi këta nin: ‘Qamkunaqa kë kinrë markakunapaqmi niyanki tsunyaq këkanqanta, y nunapis ni animalkunapis mana kanqanta. Awmi, Judächö markakuna y Jerusalenchö cällikuna tsunyaq këkanqanta, nunapis y animalninkunapis mana kanqantam niyanki. 11 Tsënö kaptimpis yapëmi wiyayanki, nunakuna alläpa kushikur+ büllayanqanta, noviuwan novian parlayanqanta y kënö niyanqanta: “¡Alläpa alli kanqampita,+ angelkunata mandaq Teyta Jehoväta agradecikuyë! ¡Teyta Jehoväqa alläpa kuyakoqmi imëpis këkan!”’.+

‘Unënö kayänampaqmi, juk nacionman apashqakunata kë kinrë markakunaman kutitsimushaq. Tsëmi noqata agradecikamar, noqa Jehoväpa wayïman+ qarëkunata apayämunqa’ ninmi Teyta Jehovä”.