16 ‘Jehovämi kënö nin: “Leyipäyäshunqëki+ libru ninqannöllam kë markata y kë markachö täkoqkunatapis* ushakätsishaq. 17 Tsëtaqa rurashaq mana cäsumar animalkunata pishtëkur rupatsir santukunata adorayanqampitam.+ Tsëmi alläpa cölerakur kë markata pasëpa* ushakätsishaq’”.+

5 Peru qamkunaqa manam wiyakuyarqëkitsu ni cäsukuyarqëkitsu, y manam mana alli rurëkunata dejayarqëkitsu, sinöqa santukunapaqmi qarëkunata rupatsir sïguiyarqëki.+ 6 Tsëmi qamkunawan alläpa cölerakur, Judä kinrë markakunaman y Jerusalenpa cällinkunaman, imëka mana allikunata chätsimurqä. Tsëmi kanan rikäyanqëkinöpis, ushakashqa y tsunyaq sitiu këkan’.+