32 Tsëpitanam Getsemanï niyanqan sitiuman chäyarqan, y tsëchömi qateqninkunata kënö nirqan: “Teyta Diosman mañakoq ëwanqäyaq këchö jamëkäyë”.+ 33 Tsënö nirmi Pëdruta, Santiäguta y Juanta+ pusharkur mas washaman ëwarqan, y alläpa llakikur y yarpachakurmi 34 pëkunata kënö nirqan: “Alläpa llakikurmi+ wanuykaqnöna sientikü. Këchö quedakur mana punukarlla këkäyë”.+ 35 Tsënö nirmi mas washaman ëwëkur urkumpis patsaman chanqanyaq qonqurikuykur, puëdikaptinqa mana allikunapa mana pasanampaq mañakurqan. 36 Kënö nirmi mañakoq: “Äbba,* Teytallä,+ qampaqqa llapampis puëdikanmi; noqalläpita kë cöpata pasëkatsillë. Peru ama noqa munanqänöqa katsuntsu, sinöqa qam munanqëkinö kallätsun”.+

40 Tsë sitiuman chäriyaptinnam, “tentacionman mana ishkiyänëkipaq këchö mañakur këkäyë”+ nirqan.