16 Inti o rupay jeqëkaptinnam, nunakunaqa demoniuyoq kaqkunata Jesusman apayämurqan; y Jesusqa tsë mana alli espïritukunatam nunakunapita qarqurqan, y llapan sufrikaqkunatam alliyätsirqan. 17 Tsënöqa karqan Teyta Diospa willakoqnin Isaïas kënö willakunqan cumplikänampaqmi: “Pëmi qeshyantsikta y nanënintsikta apakurqan”.+

32 Tsëpitanam, inti o rupay jeqashqana këkaptin, llapan qeshyëkaqkunata y demoniuyoqkunata pëman apayämurqan.+ 33 Y tsë markapita llapan nunakunam wayi punkuchö juntarëkäyarqan. 34 Tsëmi imëka qeshyawan qeshyëkaq mëtsika nunakunata alliyätsirqan,+ y mëtsika demoniukunatam qarqurqan, peru pë Cristu kanqanta demoniukuna musyayaptinmi* parlayänantaqa dejarqantsu.