29 ¡Allaw allish tukoq fariseukuna+ y Ley qellqaqkuna! Qamkunaqa Diospa willakoqninkunapaqmi sepultürakunata rurayanki, y allita ruraqkunapa sepultürankunatam adornayanki,+ 30 y kënömi niyanki: ‘Unë kastantsikkunapa tiempunchö kawarqa, manam Diospa willakoqninkunata wanutsiyaptin yanapakushwantsu karqan’. 31 Tsënö niyanqëkiwanmi musyatsikuyanki Diospa willakoqninkunata wanutseqkunapa tsurinkuna kayanqëkita.+