4 Säba markachö gobernaq warmiqa Salomon yachaq kanqanta+ y palaciu wayita ruratsishqa kanqanta+ rikarmi alläpa espantakurqan. 5 Tsënöllam espantakurqan alli allita mikuyanqanta,+ sirweqninkuna imanö jamakuyanqanta, mikuy sirwikoqkunata, vistikuyanqanta, vïnu sirwikoqkunata y animalkunata pishtëkur Jehovä Diospaq templuchö seguïdu rupatsiyanqanta rikarnin. 6 Tsëmi gobernanti Salomonta kënö nirqan: “Imëka ruranqëkikunata* y yachaq kanqëkita nacionnïchö willayämanqanqa rasumpam kanaq. 7 Tsënö willëkäyämaptimpis kikï rikarninran creirqö. Kananmi musyarï willayämanqampitapis mas yachaq y mas kapoqyoq kanqëkita.