33 Tsëkunataqa qamkunata nirqö,* noqarëkur yamë këta tariyänëkipaqmi.+ Kë munduchöqa imëkatam sufriyanki, peru ¡valienti kayë! Noqaqa vencishqämi kë munduchö imëka mana allikunata”.+

14 Cristum noqantsikpaq yamë këta apamushqa.+ Pëmi ishkan grüputa jukllëllaman tikratsishqa,+ y ishkëman rakeq perqatam ushakätsishqa.+

6 Ama imapaqpis yarpachakuyëtsu.+ Tsëpa rantinqa, imapa pasarpis, mañakur, rogakur y agradecikur Teyta Diosta yanapëkuyäshunëkipaq rogakuyë,+ 7 tsëqa nunakuna mana entiendita puëdiyanqan, Teyta Diospita chaskiyanqëki yamë këmi,+ shonquykikunata+ y pensënikikunata* Cristu Jesusrëkur cuidanqa.*

15 Qamkunaqa juk cuerpulla kayänëkipaq y yamë kayänëkipaqmi qayashqa kayarqunki, tsëmi Cristupita shamoq yamë kë shonquykikunata controlatsun.*+ Tsënölla agradecikoq kayanqëkitapis rikätsikuyë.

16 Yamë kë kananta permiteq Señor, imëkachöpis yamë këkäyänëkipaq yanapëkuyäshuy.+ Señor llapëkiwan këkätsun.