25 Tsë kutim Jesusqa kënö nirqan: “Ciëluta y patsata Gobernaq Teytallä, llapankunapa jananchömi alabaq. Qamqa manam yachaq ni musyaq nunakunatatsu këkunata musyatsirqunki, sinöqa pishi wamranö kaqkunatam.+

26 Wawqikuna y panikuna, qamkunaman, awmi, qayashqa kaqkunaman pensariyë: nunakunapa rikënimpaq yachaqkunaqa manam atskaqtsu kayan+ ni alläpa puëdeqkunapis manam atskaqtsu kayan ni reqishqa familiachö yureqkunapis manam atskaqtsu kayan.+ 27 Sinöqa nunakuna imapaqpis mana sirweqtanö churayanqantam, Teyta Diosqa yachaq kaqkunata penqakatsinampaq akrashqa, y nunakunapa rikënimpaq kallpannaq kaqkunatam, Teyta Diosqa fuerti kaqkunata penqakatsinampaq akrashqa.+