48 Mëqan forastërupis Teyta Jehoväta agradecikur tsë paqas pasakunqanta qamkunawan yarpëta munaptinqa, familianchö llapan ollqu kaqkunam ishpakuyänampa puntanchö señalakuyänan. Tsëta rurar-ran pëkunaqa marka mayikikuna tikrayanqa, y qamkunawan juntu tsë paqas pasakunqanta yarpäyanqa. Ishpakuyänampa puntanchö mana señalakushqa kaqkunaqa, manam tsë paqaspaq alistayanqëki ëtsata mikuyänantsu.+

2 Tsëmi Jerusalenman Pëdru witsaptinqa, ishpakuyänampa puntanchö señalakuyta väleqpaq churaqkuna,+ pëwan discutir qallëkuyarqan.* 3 Kënömi niyarqan: “Ishpakuyänampa puntanchö mana señalakushqa nunakunapa wayinman yëkurmi pëkunawan mikurqunki”.