28 Jesusnam kënö nirqan: “Noqam qamkunata nï,* Teyta Dios llapantapis mushoqta tikratsiptin* y Nunapa Tsurin chipapëkaq gobernar täkunanman jamariptinmi, qamkuna, qatimaqnï kaqkunapis, döci gobernar täkunakunaman jamakuyanki, y Israelpa döci kastankunatam juzgayanki.+

28 Qamkunaqa imëkata pasanqächömi noqawan këkäyarqunki.+ 29 Tsëmi Teytä noqawan acuerduta ruranqannölla, juk gobiernuchö mandakuyänëkipaq noqapis qamkunawan acuerduta rurä,+ 30 Gobiernüchö noqawan juntu mësächö mikur y upur kayänëkipaq,+ y gobernar täkunaman jamëkur,+ Israelpa döci kastankunata juzgayänëkipaq.+

21 Venceq kaqtaqa,+ gobernar täkunächö noqawan jamakunantam permitishaq,+ noqapis vencir Teytäpa gobernar täkunanchö pëwan jamakunqänölla.+

4 Gobernar täkuyänantam rikarqä, y tsëkunachö jamakoqkunaqa juzgayänampaqmi autoridäta chaskiyarqan. Awmi, Jesuspita willakuyanqanrëkur y Diospita parlayanqanrëkur wanutsiyanqan* nunakunapa yawarnintam* rikarqä. Pëkunaqa manam mantsëpaq chukaru animalta ni tsë animal niraq santuta adorashqatsu kayarqan, y manam urkunkunachö ni makinkunachöpis marcata chaskishqatsu kayarqan.+ Pëkunaqa yapëmi kawayämurqan, y mil watapam Cristuwan gobernayarqan.+