Zacarïas
7 Darïu chusku watanöna gobernëkaptinmi, kislev* niyanqan isqun killa chusku kaq junaqchö, Teyta Jehoväqa Zacarïasta+ parlaparqan. 2 Tsë tiempupaqmi Betelpita nunakunaqa Sarëzer, Rëguem-Mëlec y pëkunawan pureq nunakunata mandashqa kayarqan, pëkunata bendicïkunampaq Teyta Jehoväta rogakuyänampaq 3 y angelkunata mandaq Teyta Jehoväpa templunchö sacerdötikunata y willakoqkunata kënö tapuyänampaq: “¿Mëtsika watapa rurayanqänöku kë pitsqa kaq killapis+ waqar y mana mikur kayäshaq?”.
4 Angelkunata mandaq Teyta Jehoväqa yapë parlapämarmi kënö nimarqan: 5 “Patsachö llapan nunakunata y sacerdötikunata këta nï: ‘Setenta watapa,+ pitsqa killachö+ y qanchis killachö ayunar y llakikurqa, ¿rasumpaku noqaman pensëkur ayunayarqunki? 6 Mikur y upurqa, ¿manaku qamkunaman pensëkurlla rurayarqunki? 7 ¿Manaku qamkunaqa Jerusalenchö y amänun markakunachö nunakuna yamë kawëkäyaptinraq, y Nëguebchö y Sefelächö nunakuna këkäyaptinraq, unë willakoqnïkunawan noqa Jehovä willatsikunqäta cäsukuyänëki karqan?’”.+
8 Teyta Jehoväqa yapëmi Zacarïasta kënö parlaparqan: 9 “Angelkunata mandaq Teyta Jehovämi këta nin: ‘Pitapis juzgarqa imëpis alli kaqta rurayë,+ y jukniki juknikikuna rasumpa kuyanakuyë+ y llakipänakuyë.* 10 Ama viudakunata, papäninnaqkunata,+ forastërukunata+ ni waktsakunata+ engañayëtsu, y ama ni pita mana alli rurëta yarpäyëtsu’.+ 11 Peru pëkunaqa manam cäsukuyta munayarqantsu,+ y chukru shonqu karmi mana wiyayänampaq tumakuskirnin+ rinrinkunata tsapakurkuyarqan.+ 12 Pëkunaqa shonqunkunatam rumitanö* chukruyätsiyarqan,+ y manam angelkunata mandaq Teyta Jehovä mandakunqankunata* ni parlanqankunata cäsukuyarqantsu. Tsëkunataqa poderninwan yanaparmi unë willakoqninkunawan willatsikurqan.+ Tsëmi angelkunata mandaq Teyta Jehoväqa pëkunawan alläpa cölerarqan”.+
13 Angelkunata mandaq Teyta Jehovämi këta nin: “‘Parlapëkaptïpis mana wiyakushqa kayaptinmi,+ noqapis yanapëkunäpaq rogakayämuptin wiyarqätsu.+ 14 Tamyantin vientu apakoqnömi, mana reqiyanqan nacionkunaman apashqa kayänanta dejarqä.+ Markankunapis tsunyaqmi quedayarqan, y manam ni pï tsëpa pasantsu ni kutimuntsu.+ Shumaq markatam mantsanëpaq markaman tikratsiyashqa’”.