Sofonïas
2 Teyta Dios mandakunqan manaraq cumplikaptin,
päjata vientu apaqnö manaraq tiempu pasaptin,
Teyta Jehovä qamkunawan manaraq alläpa cöleraptin,+
Teyta Jehovä cölerar nunakunata juzganan tiempu qamkunaman manaraq chämuptin,
y juzgar decidinqankunata cäsukoqkuna Teyta Jehoväta ashiyë.+
Imëpis alli kaqta rurayë y humildi kayë.
Tsëta rurarqa, Teyta Jehovä nunakunata juzganqan tiempu capaz salvakuyankiman.+
4 Gäza markachöqa manam ni pï kanqatsu.
Asquelon markapis tsunyaqmi quedanqa.+
Asdod markachö nunakunataqa pullan junaqmi qarquyanqa,
y Ecron markatapis ushakätsiyanqam.+
5 “¡Allaw lamar kuchunchö kawaq keretïta nunakuna!+
Teyta Jehovämi qamkunapa contrëkikuna kënö nin:
‘Filisteu nunakuna kawayanqan Canaan, pasëpam* ushakätsishqëki,
y manam ni pï nuna salvakunqatsu’.
6 Lamar kuchunchöpis qewallanam kanqa.
Tsëchöqa mitsikoqkunapaq pözukuna y üshakunapaq rumi corralkunam kanqa.
7 Tsë sitiukunaqa Judäpita quedaq nunakunapaqmi kanqa.+
Tsëchömi mikuyninkuna tariyanqa.
Tardiyaptinnam Asquelon marka wayikunachö punuyanqa.
Tsënöqa pasanqa Jehovä Diosninkuna cuidaptin,
y juk nacionman apashqa kaqkunata kutitsimuptinmi”.+
8 “Moabpita+ nunakuna imanö burlakuyanqanta, Ammonpita+ nunakuna imanö insultayanqantam rikarqö.
Pëkunaqa sirwimaqnïkunapitam burlakuyashqa, y puëdeq tukurmi markankunawan quedakuyta munayashqa.+
9 Tsëmi noqa Israel nunakunapa Diosnin y angelkunata mandaq Jehovä nï,
‘noqa rasumpa kawanqänöllam,
Moabqa Sodöma+ markanö ushakanqa, y Ammonpis Gomörra+ markanö ushakanqa.
Tsë sitiukunaqa tsunyaqmi quedayanqa,+ y shinwa o ishanka y mëtsika kachillam kanqa.
Sirwimaqnïkunapita quedaqkunam imëkankunata apakuyanqa,
y markankunapis akranqä nacionpita quedaqkunapaqmi kanqa’.
10 Angelkunata mandaq noqa Jehoväpa sirwimaqnïkunapita allish tukur burlakushqa kayaptikim,+
y mana alli tratashqa kayaptikim, tsëkunaqa pasayäshunki.
11 Noqa Jehoväqa pëkunapaq alläpa mantsakëpaqmi kashaq.
Patsachö llapan santukunatam ushakätsishaq,
y islakunachö këkaq nunakunam
12 Etiopïapita nunakuna, qamkunatapis espädäwanmi wanutsiyashqëki o wañutsiyashqëki.+
13 Teyta Diosqa puëdeq kanqanta rikäyänampaqmi norti läduchö këkaq Asiria markata ushakätsinqa.
Nïnivi+ markatapis tsaki tsunyaq sitiutanömi dejanqa.
14 Tsë sitiuchöqa, tukuyläya chukaru animalkunam grüpuypa punuyanqa.
Columnankunapis pelïcanu y puercoespin animalkuna punuyänan sitium kanqa.
Ventänankunachöpis pishqukunam* cantayanqa.
Umbralninkunatapis mëtsika allpam tsaparkunqa.
Pëqa cedru tablakunachö adornukunatam ushakätsinqa.
15 Tsë markachö nunakunaqa orgullösum kayarqan, y manam ni ima mana allitapis mantsayaqtsu.
Pëkunaqa shonqunkunachömi niyaq: ‘Noqantsiknöqa manam ni pï kantsu’.
Tsënö kaptimpis, tsë markata kanan rikaqkunaqa alläpam mantsakäyanqa.
Tsë markaqa chukaru animalkuna pärayänan sitium tikrashqa,
y tsë markapa pasaqkunaqa mantsakarmi wichyayanqa y makinkunata tapsiyanqa”.+