2 Tesalonicensis
3 Usharinapaq wawqikuna y panikuna, noqakunapaq mañakur këkäyë,+ qamkunachö pasanqannölla Teyta Jehoväpa* palabran më tsëman charnin y respëtuwan chaskishqa karnin sïguinampaq,+ 2 y llapankuna markäkoq o yärakoq mana kayaptin,+ mana allita ruraq y alläpa mana alli nunakunapita salvëkayämänampaq.+ 3 Peru Señorqa confiakuypaq karmi, alli kayänëkipaq yanapayäshunki y Diablupita* cuidayäshunki. 4 Manam tsëllatsu, Señorpa qateqninkuna karmi noqakunaqa niyanqaqkunata cäsukuykäyanqëkita y cäsukur sïguiyänëkipaq kaqta següru këkäyä. 5 Teyta Diosta kuyayänëkipaq+ y Cristurëkur alli aguantayänëkipaq+ Señor imëpis yanapëkuyäshuy.
6 Kananqa wawqikuna y panikuna, Señornintsik Jesucristupa jutinchömi qamkunata niyaq, lluta portakoq+ y noqakuna niyanqaqta* mana ruraq wawqipita o panipita rakikäyänëkipaq.+ 7 Qamkunaqa imanö qatiyämänëkipaq kaqta musyayankim.+ Noqakunaqa manam llutatsu qamkunachö portakuyarqä 8 y manam ni qarayämaptin mana pagakurqa mikuyarqätsu.+ Tsëpa rantinqa, mëqëkitapis mana gastatsiyänaqpaqmi, mana jamashpa y alli kallpachakurnin paqasta junaqta trabajayarqä.+ 9 Imatapis chaskiyänäpaq mana derëchuyoq kartsu manam tsëtaqa rurayarqä,+ sinöqa noqakunapita yachakuyänëkita munarmi.+ 10 Awmi, qamkunawan këkarqa kënö nirmi mandayarqaq: “Pï nunapis mana trabajëta munarqa, ama mikutsuntsu”.+ 11 Qamkunachö wakinkuna lluta portakuykäyanqantam wiyayarqö.+ Pëkunaqa mana trabajarmi jukkunapa asuntunkunaman mëtikur këkäyan.+ 12 Señor Jesucristupa jutinchömi tsë nunakunata mandayä y rogayä,* trabajayänampaq y kikinkuna trabajar tariyanqanta mikuyänampaq.+
13 Qamkunaqa wawqikuna y panikuna, ama alli kaqta rurëta dejayëtsu. 14 Peru pillapis kë cartachö niyanqaqta mana wiyakuptinqa, penqakunampaq pëpita cuidakuyë* y pëwan juntakuyëtsu.+ 15 Tsënö kaptimpis, ama chikiyäshoqnikitanöqa rikäyëtsu, sinöqa wawqitanö o panitanö consejar sïguiyë.+
16 Yamë kë kananta permiteq Señor, imëkachöpis yamë këkäyänëkipaq yanapëkuyäshuy.+ Señor llapëkiwan këkätsun.
17 Noqa Pablum, kikïpa makïwan kë salüdüta qellqamü,+ tsëmi llapan cartäkunachö señal cuenta. Tsënömi qellqä.
18 Señornintsik Jesucristu llapëkikunawan alläpa alli këkutsun.