Isaïas
25 Teyta Jehovä qammi Diosnï kanki.
Imanö kanqëkipitam jutikita alabä.
Tsëta rurarmi parlanqëkita cumplirqunki, y confiakuypaq kanqëkita rikätsikurqunki.+
2 Qamqa juk markatam rumillatana dejarqunki,
y alli murallashqa markatapis allpallatanam dejarqunki.
Juk nacion nunakunapa markankunapis manam markanatsu kanqa,
tsë markataqa manam yapë rurayanqanatsu.
3 Tsëmi puëdeq nacionpita nunakunapis alabayäshunki
y nunakunata sufritseq nacionkunapita nunakunapis mantsayäshunkim.+
Tsënöllam qamqa tamyapita tsapakoq sitiunö
y achachëpita tsapakoq wäninö o llantunö kanki.+
Wakinkunata sufritseqkuna rurayanqanqa, fuerti tamya murällaman chaqnömi.
Tsënöqa kanki wakinkunata sufritseqkuna fuerti tamya murällaman chaqnö kayaptin,
5 y tsaki patsaman achachë chaqnö kayaptinmi.
Awmi, juk nacion nunakuna büllayanqantam upällatsinki,
y achachëta pukutë tsaparkoqnömi
wakinkunata sufritseqkuna cantayanqantapis upällatsinki.
6 Kë jirkachömi+ angelkunata mandaq Teyta Jehoväqa,
mëtsë nacion nunakunapaq atska mikuyta ruratsinqa
y alli kaq vïnuta alistatsinqa.
Tsë mikuyqa alli ëtsayoqmi kanqa,+
tsë vïnuqa mas alli kaq vïnum kanqa.
7 Kë jirkachömi Teyta Diosqa mëtsë marka nunakunata wankoq aqshunata*
y mëtsë nacion nunakunapa cäranta tsapaq tëlata ushakätsinqa.
8 Llapanta gobernaq Señor Jehovämi llapan nunakunapa weqinta limpianqa,+
y wanuytam o wañuytam ushakätsinqa.+
Y entëru patsachö sirweqninkunapis manam penqakatsishqanatsu kayanqa.
Tsënö kanampaqmi kikin Teyta Jehovä nishqa.
9 Tsë junaqmi pëkuna niyanqa:
“¡Rikäyë! ¡Pëmi Diosnintsik!+
Pëmanmi confiakurquntsik,+ y pëmi salvamäshun.+
¡Pëmi Teytantsik Jehovä!
Pëmanmi confiakurquntsik.
Teyta Diosnintsik salvamänantsikpaq kaqman yarpar
llapan shonquntsikwan kushikushun”.+
10 Kë jirkachömi+ Teyta Jehoväpa poderninqa rikakunqa
y Moabpita nunakunaqa këkäyanqan sitiuchömi
wanu jananchö jaruyanqan päjanö jarushqa kayanqa.+
11 Juk nuna nadarnin yakuta laqyaqnömi
Moabpita nunakunata makinwan laqyanqa.
Y makinta yachëwan kuyutsirmi
allish tukoq kayanqanta ushakätsinqa.+
12 Y alli murallashqa markapa murällankunatam ushakätsinqa.
Awmi, patsachö jitarëkaqtam dejarinqa.