1 Pëdru

4 Nuna kanqan witsan Cristu sufrishqa këkaptinqa,+ qamkunapis pënölla rurayänëkipaq listu këkäyë.* Sufrishqa nunaqa, jutsa* rurëtam dejashqa,+ 2 tsënöpa kawanqan* tiempuchö, nunakuna munayanqannö manana kawanampaq,+ sinöqa Teyta Dios munanqanta rurarna kawanampaq.+ 3 Qamkunaqa atska tiempunam kë munduchö nunakuna munayanqanta rurar kawayarqunki;+ mana penqakur mana allikunata rurar,* mana allita rurëpaq ërayar, mana controlakushpa* upur, lluta portakuyänan fiestakunachö* kar, machakur y melanëpaqkunata rurar santukunata adorar.+ 4 Pëkunawan lluta kawakur mana sïguiyaptikim, pëkunaqa espantakur qamkunapaq alläpa mana allita parlayan.+ 5 Peru tsë nunakunaqa, kawëkaqkunata y wanushqanö këkaqkunata juzganampaq listu këkaqtam cuentata qoyanqa.+ 6 Awmi, nunakuna juzgashqa kayanqannö juzgashqa këkarpis, Teyta Diospa rikënimpaq santu espïritu munanqannö kawayänampaqmi, wanushqanö këkaqkunatapis alli noticiakunata willayarqan.+

7 Peru imëka ushakänan tiempuqa këllachönam këkan. Tsëmi alli juiciuyoq kayë,+ y Teyta Diosman mañakuyta imëpis qonqayëtsu.*+ 8 Imapitapis masqa, jukniki juknikikuna alläpa kuyanakuyë.+ Kuyakoq nunaqa, wakinkunata perdonanampaqmi imëpis listu këkan.+ 9 Mana quejakur jukniki juknikikuna alli nuna kayë.+ 10 Alläpa alli kar Teyta Dios qarakunqan tukuyläya qarëkunata shumaq rikaq encargädu karnin, imatapis rurëta yachayänëkipaq chaskiyanqëki qarëwan, jukniki juknikikuna sirwinakuyë.+ 11 Jesucristurëkur Teyta Dios imëkachöpis alabashqa kanampaq, pï nunapis parlarqa, Dios musyatsikunqanta willakuykaqnö parlatsun, y pï nunapis jukkunata sirwirqa, Diospita chaskinqan kallpawan ruratsun.+ Teyta Diosmi imëyaqpis alabashqa kaq+ y puëdeq kaqqa. Tsënö kallätsun.*

12 Kuyë wawqikuna y panikuna, mana imëpis pasanqan qamkunata pasëkäyäshuptikinöpis, ama ninanö rupakoq pruëbakunapa pasëkäyanqëkipita espantakuyëtsu.+ 13 Tsëpa rantinqa, Cristunö imëkata pasar+ sufriyanqëkipita alläpa kushikuyë,+ tsënöpa puëdeq kanqan rikakunqan tiempuchö llapan shonquykikunawan kushikuyänëkipaq.+ 14 Cristupa jutinrëkur insultayäshuptikiqa* kushikuyë.+ Tsëkunata pasayaptikiqa, chipapëkaq santu espïritum, awmi, Diospa santu espïritunmi qamkunachö këkan.

15 Tsënö kaptimpis, ama mëqëkipis asesïnu, suwakoq, mana allita ruraq o jukpa asuntunman mëtikoq kayëtsu, tsënö kayanqëkipita mana sufriyänëkipaq.+ 16 Peru pï nunapis cristiänu kanqanrëkur sufrirqa, ama penqakutsuntsu.+ Tsëpa rantinqa, cristiänu kanqannö kawar Teyta Diosta alabatsun. 17 Teyta Diospa wayinchö kaqkunawan juiciu qallanampaq dispunishqa tiempuqa chämushqanam.+ Tsënö kaptimpis, noqantsikwan puntata qallëkaptinqa,+ ¿Diospa alli noticiankunata mana cäsukoqkunanäqa imachöraq ushayanqa?+ 18 “Y allita ruraq nuna ichikllapa salvakuykaptinqa, ¿Diosta mana respetaq y jutsata* ruraq nunawannäqa imaraq pasanqa?”.+ 19 Tsënö këkaptinqa, Teyta Dios munanqanta rurayanqëkipita sufrikaqkunaqa, confiakuypaq Kamakoqpa makinman churakar, imëpis alli kaqta rurar këkäyë.+