Isaïas
53 ¿Pitan markäkushqa o yärakushqa noqantsik willakunqantsikman?*+
¿Y pitataq Teyta Jehoväqa puëdeq kanqanta musyatsishqa?+
Pëpa rikëninqa manam shumaqtsu ni espantëpaqtsu,+ y rikashqapis manam kuyanëllapaqtsu.*
3 Nunakunaqa despreciarmi pëwan juntakuyta munayarqantsu.+
Nunakuna nanapäkur y qeshyapäkur imanö sientikuyanqantam pëqa alli musyarqan.*
Pëtaqa manam noqantsikpis* rikëta munarqantsiktsu.
Pïmëmi despreciarqan y mana väleqpaqmi churarqantsik.+
4 Pëmi qeshyantsikta+ y nanënintsikta apakurqan,+
peru noqantsikqa Teyta Dios castiguëkanqanta,
maqëkanqanta y sufrikätsinqantam pensarqantsik.
5 Tsënö kaptimpis, jutsata* ruranqantsikpitam+ tuksir ushayarqan,+
y mana allikunata ruranqantsikpitam alläpa sufritsiyarqan.+
6 Llapantsikmi oqrakashqa üshanö mëtsëpa lluta purirquntsik,+
y Teyta Jehoväqa llapantsikpa jutsantsiktam*
pëpa jananman churashqa.+
7 Mana alli tratayänantam+ dejarqan, y imëkata rurarmi sufritsiyarqan.+
Peru pëqa manam imatapis nirqantsu.
Üshata pishtayänampaq apayanqannömi apayarqan+
y millwanta rutuyaptin üsha wiyaranqannömi wiyaräkurqan.
Manam imatapis nirqantsu.+
8 Imëkatam rurayarqan y mana alli juzgarmi apakuyarqan.
Tsëqa, ¿piraq pë imanö kawanqampita musyapakunqa?
Pëtaqa kawëkaq nunakunawan këkaptinmi wanutsiyarqan,+
9 Ima mana allitapis mana rurëkaptin+
y mana engañakushqa këkaptinmi,+
mana alli ruraqkunapa lädunchö sepultüran akrayarqan*
y rïcukunatawan juntu pampayarqan.+
10 Teyta Jehovä, qam permitiptikim qeshyapäkurqan y qam munaptikim alläpa sufritsiyarqan.
Culpayoq kayanqampita qarënö kananta permitiptikiqa,+
tsëpita yureq kastankunatam rikëta puëdinqa y atska watapam kawanqa.+
Pëwanmi, qam Teyta Jehovä llapan munanqëki cumplikanqa.*+
11 Alläpa sufrinqanwan logranqanta rikarmi alläpa kushikunqa.
Imëkata musyanqanwanmi allita ruraq sirwimaqnïqa,+
mëtsika nunakuna rikënïchö alli kayänanta logranqa.+
Y pëkuna rurayanqan jutsatam* apakunqa.+
12 Pëqa wanunqanyaqmi imëkata sufrirqan,+ y jutsa* ruraqkunatanömi reqiyarqan.
Tsëta ruranqampitam, mëtsika nunakunata entreganqänölla,+
pëtapis guërrata ganar apakuyanqanta entregashaq,
y llapan tariyanqantam puëdeq nunakunawan rakipänakuyanqa.