2 Corintius
3 ¿Yapëku kikïkunapaq allita parlar qallayänä? ¿O wakin nunakunanöku noqakunapita allita parlaq cartata qamkunapaq o qamkunapita wanayä?* 2 Kikikikunam shonqükunachö qellqarëkaq, y llapan nunakuna reqiyanqan y leyiyanqan cartäkuna kayanki.+ 3 Qamkunaqa Teyta Diospa sirweqnin kar qellqayanqä Cristupita cartam kayanki.+ Tsëqa manam tintawantsu qellqarëkan, sinöqa kawëkaq Diospa espïritunwanmi, y manam palta rumichötsu qellqarëkan, sinöqa ëtsapita palta+ ruminö shonqukunachömi.+
4 Cristurëkurmi tsëchöqa Teyta Diosman confiakuntsik. 5 Manam kikintsikpitatsu imatapis ruranapaq listu këkantsik, tsënöpa imallapis noqantsikpita shamunqanta pensanapaq, sinöqa Diosrëkurmi listu këkantsik.+ 6 Pëmi mushoq acuerdupa sirweqnin kanapaq alistamarquntsik,+ manam qellqarëkaq Leypa sirweqnin kanapaqtsu,+ sinöqa santu espïritupa sirweqnin kanapaqmi. Tsë qellqarëkaq Leyqa wanunampaqmi nunata condenan,+ peru santu espïrituqa kawanampaqmi yanapan.+
7 Wanuyman chätsikoq y rumichö qellqarëkaq Ley alläpa chipapäkur shamushqa kaptinmi,+ Israelpa tsurinkunaqa alläpa chipapaptin Moisespa cäranta rikëta puëdiyarqantsu,+ peru tsë chipapanqanqa ushakänanmi karqan. 8 Tsëqa, ¿imanir-raq santu espïritu rurëta puëdinqanqa masraq chipapanmantsu?+ 9 Nunakunata wanuyman chätseq Ley chipapäkoq këkaptinqa,+ allita ruraq këman nunakuna imanö chäyanqannäqa+ mas chipapäkoqran kanqa.+ 10 Awmi, juk tiempuchö chipapäkoq kaqpis, mas chipapäkoq kaqrëkurmi chipapäkoqnatsu karqan.+ 11 Ushakänanllapaq kaq chipapäkoq kashqa kaptinqa,+ ¡masraqchi imëyaqpis kanampaq kaqnäqa chipapanqa!+
12 Tsëta shuyararmi+ mana mantsakushpa parlantsik, 13 y manam Moisesnötsu rurantsik. Ushakänanllapaq kaq imaman chätsikunqanta Israelpa tsurinkuna mana rikäyänampaqmi, Moisesqa tëlawan cäranta tsapakoq.+ 14 Peru peqankunaqa o umankunaqa manam entiendita puëdirqantsu.+ Y Cristuman markäkurlla o yärakurlla tsë vëluta jipikuyta puëdiyaptinmi,+ kanan junaqyaqpis unë kaq conträtuta leyiyaptin tsë vëluta këkätsiyan.+ 15 Awmi, kanan junaqyaqmi Moises qellqanqanta leyiyaptinqa,+ shonqunkunata vëlu tsaparëkan.+ 16 Peru pï nunapis Jehoväman* kutiptinqa, tsë vëluqa ushakärinmi.+ 17 Teyta Jehovämi* Espïrituqa,+ y Jehovä* Diospa santu espïritun këkanqanchöqa, nunakuna librim kayan.+ 18 Llapantsikmi, Teyta Jehovä* chipapäkoq kanqanta cärantsikta mana tsapakur espëju cuenta rikätsikunqantsikyaq, Espïritu* Jehovä* munanqannö, Teyta Diosnö kanapaq y chipapäkoq kanqanta cada vez mas rikätsikunapaq jukläya tikrëkantsik.+