Romänus
2 Tsëmi jukta juzgarqa, pï karpis tsapakuyta puëdinkitsu.+ Jukta juzgarqa, qampis tsëkunata rurëkar jukta juzgarmi kikikita condenakuykanki.+ 2 Musyantsikmi Teyta Diosqa rasumpa kaqwan juzganqanta y tsëkunata ruraqkunata condenanqanta.
3 Peru qampis ruranqëkita ruraqkunata juzgaq nuna, ¿Teyta Diospa juiciumpita salvakunëkipaq kaqtaku pensanki? 4 ¿O alli kar arrepentikunëkipaq Teyta Dios yanapëkäshunqëkita mana musyarku,+ alläpa alli kanqanta,+ llakipäkoq* shonquyoq kanqanta y pacienciayoq+ kanqanta desprecianki?+ 5 Peru chukru y mana arrepentikoq shonquyoq karmi, Teyta Dios cölerakunqan y allita rurar juzganan junaqpaq, qampa contrëki Diosta cölerëkätsinki.+ 6 Pëqa llapankunatam rurayanqanmannö paganqa:+ 7 alli kaqta rurëchö alli tsarakur, väleqpaq churashqa këta, respetashqa këta y ismur mana ushakaq cuerpuyoq këta asheqkunaqa, imëyaqpis kawëtam tariyanqa;+ 8 peru pleytuta asheqkunaman, y rasumpa kaqta cäsuyänampa rantin mana allita ruraqkunamanqa, Teyta Diosmi cöleranta+ y castïguta chätsimunqa. 9 Mana allita ruraqkunaqa, mana allikunapa y sufrimientupam pasayanqa, puntata judïu nunakuna, y tsëpitana griëgu nunakuna. 10 Peru allita ruraqkunaqa, väleqpaq churashqa, respetashqa y yamëmi kayanqa, puntata judïu nunakuna+ y tsëpitana griëgu nunakuna.+ 11 Tsënöqa kanqa, llapantapis Teyta Dios igualpa rikaptinmi.+
12 Tsëmi leykunata mana reqir jutsata* ruraqkunaqa, leykunata mana reqikar ushakäyanqa;+ peru leykunata reqikar jutsata ruraqkunaqa, leykuna ninqannömi juzgashqa kayanqa.+ 13 Manam leykunata wiyaqkunatsu Teyta Diospa rikëninchö allita ruraq kayan, sinöqa leykunata cumpleqkunam allita ruraqnö rikashqa kayanqa.+ 14 Diospa leyninkunata mana reqikarpis, juk nacion nunakuna kikinkunallapita tsë leykunata cumplirqa,+ Diospa leyninkunata mana reqikarpis, tsë leykuna shonqunkunachö këkanqantam rikätsikuyan. 15 Kikinkunam rikätsikuyan imanö portakunapaq leychö ninqankuna shonqunkunachö qellqashqa këkanqanta, y concienciankunawan juntum kikinkuna musyatsikuyan, y kikinkunapa pensëninkunachömi acusashqa o perdonashqapis kayan. 16 Tsëqa pasanqa willakunqä alli noticiakuna ninqannölla,+ nunakuna pakëllachö katsiyanqanta Cristu Jesuswan Dios juzganqan junaqmi.
17 Tsëmi judïu kanqëkita nir ley ninqanman confiakur+ y Diospa sirweqnin kanqëkipita kushikurqa, 18 Teyta Dios munanqanta musyar, y Leypita yachakushqa* kar ima mas väleq kanqanta tantiëta yacharqa,+ 19 y wiskunö o qapranö kaqkunapaq pushakoq kanqëkita y ampichö o tsakëchö* këkaqkunapaq aktsinö kanqëkita següru karqa, 20 juiciunnaq kaqkunapaq yachatsikoq kanqëkita y pishi wamranö kaqkunapaq maestru kanqëkita següru kar, y Teyta Diospita y Leychö këkaq rasumpa kaqpita wakin wakinta entiendinqëkita següru karqa..., 21 awmi, ¿jukkunata yachëkätsirku, kikikitaqa yachatsikunkitsu?+ ¿“Ama suwakuytsu”+ nir yachatsikuykarku, suwakunki? 22 ¿“Mana majëkiwanqa manam oqllanakunëkitsu” nikarku, mana majëkiwanku oqllanakunki? ¿Santukunata melanëkarku, templukunapita suwakunki?+ 23 ¿Leyta reqinqëkipita allish tukuykarku, Leyta mana cäsukur Teyta Diosta mana allitsu quedatsinki? 24 Qellqarëkanqannöpis, “qamkunarëkurmi juk nacionkunachö nunakunaqa Diospa jutimpaq mana allita parlëkäyan”.+
25 Rasumpa kaqchöqa, ishpakunëkipa puntanchö señalakunqëkiqa,+ ley ninqanta cäsukuptikillam yanapashunki.+ Peru ley ninqanta mana cäsukurqa, ishpakunëkipa puntanchö señalakushqa karpis mana señalakushqanömi kanki. 26 Tsëmi pï nunapis ishpakunampa puntanchö mana señalakushqa këkar,+ Leychö mandamientukunata cäsukurqa, ¿manaku ishpakunampa puntanchö mana señalakushqa këkarpis, señalakushqanö rikashqa kanqa?+ 27 Ley ninqanta cäsukurmi ishpakunampa puntanchö mana señalakushqa nunaqa, leyta këkätsir y ishpakunëkipa puntanchö señalashqa këkar, leyta mana cäsukunqëpita juzgashunki. 28 Rasumpa judïuqa manam janallapa kaqtsu,+ y ishpakunantsikpa puntanchö señalashqa këpis, manam qarachö señalashqa këllatsu.+ 29 Sinöqa rasumpa judïuqa ruripa kaq,+ y santu espïrituwan shonqunchö señalashqa kaqmi,+ y manam ley ninqannö señalashqa kaqtsu.+ Tsë nunataqa manam nuna mayinkunatsu alabayan, sinöqa Teyta Diosmi.+