1 Crönicas

24 Aaronpa kastankunatapis cada familiapam rakiyarqan. Aaronpa tsurinkunam kayarqan Nadab, Abihü,+ Eleazar y Itamar.+ 2 Peru Nadabwan Abihüqa tsurinkuna manaraq kaptinmi, papäninkunapita mas puntata wanukuyarqan o wañukuyarqan.+ Y Eleazarwan+ Itamarqa sacerdötim sïguiyarqan. 3 Eleazarpa kastan* Sadocwan+ y Itamarpa kastan Ahimëlecwanmi Davidqa, Aaronpa kastankunata cada familiapa rakirqan yanapakuyänampaq. 4 Eleazarpa kastankunachömi mas dirigentikuna kayarqan, y Itamarpa kastankunachöqa wallkallam kayarqan. Tsëmi Eleazarpa kastankunachö ëka kayanqanta cuentaman churëkur rakiyarqan. Eleazarpa kastankunachömi dieciseis dirigentikuna kayarqan y Itamarpa kastankunachönam puwaq kayarqan.

5 Eleazarpa kastankunachö y Itamarpa kastankunachöpis kayarqanmi sagrädu sitiuchö dirigeqkuna y Diosta sirweq dirigentikunapis. Tsëmi Eleazarpita y Itamarpa kastankunataqa sortiarnin+ grüpu grüpu rakiyarqan. 6 Tsëpitanam gobernanti, dirigentikuna, sacerdöti Sadoc,+ Abiatarpa+ tsurin Ahimëlec,+ sacerdöti familiachö dirigentikuna y levïta kastachö mandakoqkuna rikëkäyaptin Netanelpa tsurin Semäya llapankunapa jutinkunata apuntarqan. Semäyaqa levïta kastachö secretarium karqan. Tsënömi Eleazarpa y Itamarpa grüpunchö kayänampaq akrayarqan.

7 Sortiariyaptinqa puntatam tocarqan Jehoiaribta, tsëpitanam Jedayäta, 8 tsëpitanam Harimta, tsëpitanam Seorimta, 9 tsëpitanam Malkïyata, tsëpitanam Mijaminta, 10 tsëpitanam Hacozta, tsëpitanam Abïasta,+ 11 tsëpitanam Jesüata, tsëpitanam Secanïasta, 12 tsëpitanam Eliasibta, tsëpitanam Jaquimta, 13 tsëpitanam Hupäta, tsëpitanam Jesebeabta, 14 tsëpitanam Bilgäta, tsëpitanam Imerta, 15 tsëpitanam Hezirta, tsëpitanam Hapizezta, 16 tsëpitanam Petahïasta, tsëpitanam Jehezquelta, 17 tsëpitanam Jakinta, tsëpitanam Gamulta, 18 tsëpitanam Delayäta y tsëpitanam Maazïasta.

19 Tsënömi Jehovä Diospa templunchö yanapakuyänampaq turnunkuna tocarqan.+ Tsënö kanampaqmi Israelpa Diosnin Jehovä unë awilunkuna Aaronta mandashqa karqan.

20 Levïta kastapitam kayarqan Amrampa+ kastan Subael;+ Subaelpa kastan Jehdeyä. 21 Tsënöllam Rehabïaspa+ kastankunapis kayarqan: Rehabïaspa kastan dirigenti Isïas; 22 Izharpa familiampita Selomot;+ Selomotpa kastan Jähat; 23 Hebronpa kastan dirigenti Jerïas;+ qepanmannam Amarïas, qepanmannam Jahaziel y qepanmannam Jecameam; 24 Uzielpa kastan Miquëas; Miquëaspa kastan Samir, 25 Miquëaspa wawqinqa Isïasmi karqan; y Isïaspa kastan Zacarïas.

26 Merarïpa tsurinkunam+ kayarqan Mahlïwan Musï; Jaazïaspa kastan Benu. 27 Tsënöllam Merarïpa kastankunapis kayarqan: Jaazïaspita, Benu, Soham, Zacur y Ibrï; 28 Mahlïpa kastan Eleazar, pëpaqa manam tsurin karqantsu.+ 29 Tsënöllam Quispa kastan Jerahmeelpis karqan; 30 y Musïpa kastankunam kayarqan Mahlï, Ëder y Jerimot.

Pëkunam Levïpa kastan familiankunachö mandakoqkuna kayarqan. 31 Pëkunapis Aaronpa kastankuna rurayanqannömi David, dirigentikuna, sacerdöti Sadoc, Ahimëlec, sacerdöti familiachö dirigentikuna y levïta kastachö mandakoqkuna rikëkäyaptin sortiayarqan.+ Familianchö dirigeq mayor kaqtanöllam menor kaqtapis rikäyarqan.