Isaïas
64 Ojalä ciëluta kichar
y jirkakunata kuyutsir urämunkiman karqan,
2 imëka tsaki rämakunata wëkayaptin yaku puwaqnö.*
Tsëqa chikishoqnikikunachi jutikita musyayanman
y mëtsë nacion nunakunachi puntëkichö mantsakar karkaryäyanman.
3 Mana pensayanqä imëka espantëpaqkunatam rurarqëki,+
y qam urämuptikiqa jirkakunapis mantsakarmi karkaryäyarqan.+
4 Unë witsampitam qamnö Teyta Diostaqa
ni pï wiyashqatsu ni rikashqatsu.
Qamman pacienciawan confiakamoqkunataqa yanapankim.+
5 Mandakunqëkinö kawaqkunawan, qamta imëpis yarpäshoqnikikunawan,+
y allita ruraqkunawanmi qamqa kushishqa kanki.
Jutsata* rurëta mana dejayaptïmi qamqa noqakunawan cölerakurqëki,+
tsëtaqa mëtsika watakunapam rurayarqö.
¿Tsëtsuraq kananqa salvashqa kayäman?
6 Llapäkunam rikënikichöqa limpiutsu kayä, y allita rurayanqäkunapis
imëka warmi killanwan kar utilizanqan ratashnömi yawarllana këkan.+
Llapäkunam plantakunapa rapran tsakeqnö ushakëkäyä, y mana allita rurayanqäkunam
imëka vientu imatapis apakoqnö mana alliman chätsiyäman.
7 Manam rikäyämëtapis munankinatsu,+
y mana allita rurayanqäkunam kallpannaqta sientikatsiyäman.
Manam ni pï jutikita alabantsu,
y manam yanapëkunëkipaq qamman mañakamuntsu.
8 Peru kananqa Jehovä Dios, qammi Teytäkuna kanki.+
Llapäkunatapis qammi kamayämarqunki.*
Noqakunam mitunö kayä, y qamnam Mituwan Trabajaq nunanö kanki.+
9 Teytalläkuna Jehovä, ama noqakunawan alläpa cölerakuytsu,+
ni mana alli rurayanqäkunata imëyaqpis yarpëkuytsu.
Llapäkuna sirwishoqnikikuna kayanqäta yarpëkullë.
10 Sagrädu markëkikunaqa tsunyaqllanam quedashqa.
Sionpis tsunyëkarmi quedashqa
y Jerusalenpis ushakashqam këkan.+
Awmi, llapan alläpa väleqpaq rikäyanqäkunam ushakäyashqa.
12 Tsë llapan pasanqanta rikëkarku Teyta Jehovä,
¿yanapayämëta munankitsu? ¿Upälla kartsuraq sufritsiyämänanta permitinki?+