2 Corintius
4 Tsëmi noqakunawan llakipäkoq* kanqanrëkur kë carguta chaskishqa kar, tsë carguta dejayätsu. 2 Tsëpa rantinqa, pakëllapa rurayanqan penqakuypaq rurëkunatam dejayarqö, y manam jukkunata engañartsu ni Teyta Diospa palabranta cambiartsu puriyä,+ sinöqa rasun kaqllata willakurmi, Diospa rikëninchö llapan nunakunapa concienciampaq alli ejemplu tikrayarqö.+ 3 Willakunqantsik alli noticiakuna vëluwan tsapashqa këkarqa, tsënö tsapashqa këkäyan ushakëman ëwëkaqkunapaqmi,* 4 awmi, mana creikoqkunapaqmi.+ Kë munduchö diosmi pëkunapa pensëninkunata tsapashqa,+ tsënöpa Dios niraq Cristupita alläpa alli noticiakuna chipapanqanta+ mana rikäyänampaq.+ 5 Noqakunaqa manam kikïkunapitatsu willakuyä, sinöqa Jesucristu Señor kanqanta y Jesusrëkur sirwishoqnikikuna kayanqätam willakuyä. 6 Teyta Diosmi, “ampirëkaqchö o tsakëkaqchö* aktsi atsikyätsun” nirqan.+ Teyta Diosmi shonqükunachö atsikyänampaq,+ Cristupa cäranrëkur pëpita imëkata musyanqantsikwan shonqükunaman atsikyämushqa.
7 Tsënö kaptimpis, tsë alläpa väleqtaqa mitupita mankachömi katsiyä,+ tsënöpa nunakuna mana katsiyanqan poderqa, Diospita kanampaq y mana noqakunapitatsu.+ 8 Wakpa këpam imëka problëmakuna pasayäman, peru manam tsëpita mana yarquyänäpaqnötsu* këkäyä; manam ima rurëta puëdiyätsu, peru musyayämi imëkapis alliyänampaq kaqta;+ 9 imëkata rurayämarmi sufritsiyäman, peru manam japalläkunatsu këkäyä;+ ishkitsiyämanmi, peru manam ushakätsiyämantsu.+ 10 Jesus aguantanqan imëka mana allikunallatam noqakunapis seguïdu aguantëkäyä, tsënöpa Jesus pasanqanta noqakunapis pasayänäpaq.*+ 11 Kawëkäyanqäyaqmi noqakunaqa Jesusrëkur wanutsiyämänampita imëpis peligruchö këkäyä,+ tsënöpa Jesus imëkapa pasanqankuna, wanoqlla cuerpükunachö rikakunampaq. 12 Tsëmi wanuyqa o wañuyqa noqakunapa janäkunachö këkan, peru kawëqa qamkunachömi këkan.
13 Kënö nirmi pëpaq qellqarëkan: “Teyta Diosman markäkurmi o yärakurmi parlarqä”.+ Tsëmi noqakunapis markäkoq kar parlayä. 14 Tsëtaqa rurayä, Jesuswan juntu kayänäpaq y qamkunatawan juntu puntanman pushayämänampaq, Jesusta kawatsimoq noqakunatapis kawaritsiyämänampaq kaqta musyarmi.+ 15 Tsë llapanqa qamkunapa biennikikunapaqmi, tsënöpa Dios alabashqa kanampaq mëtsika nunakuna agradecikur mañakuyaptin, Teyta Dios masraq alläpa alli kanampaq.+
16 Tsëmi alli tsarakuyta dejantsiktsu. Cuerpuntsik ushakëkaptimpis, shonquntsikqa waran waranmi alliyan. 17 Sufrimientukuna* ichik tiempullapa y ankashlla kaptimpis, mas alli* y mana ushakaq bendicionkunata chaskinapaqmi yanapamantsik.+ 18 Tsëyaqqa rikakoq kaqkunaman rikaränantsikpa rantinmi, mana rikakoq kaqkunaman rikaränantsik.+ Rikakoq kaqkunaqa pasareqllam, peru mana rikakoq kaqkunaqa manam ushakantsu.