Amos
7 Llapanta Gobernaq Jehovä Diosmi revelamar rikätsimarqan mëtsika chukllushkunata.* Tsë chukllushkunataqa apamurqan qepa muruy mikuykunata* ushayänampaqmi. Tsëtaqa muruyarqan Israelchö gobernantipa qewankunata segarmi. 2 Entëru markakunachö muruyanqankunata chukllushkuna* ushaptinmi, “¡Llapanta Gobernaq Teyta Jehovä, Jacobpa kastankunata perdonëkullë!+ ¿Kananqa imanöraq kayanqa? ¡Kallpannaqnam këkäyan!” nirqä.+
3 Tsëmi Teyta Jehoväqa llakiparqan.*+ Tsëpitanam Jehovä Diosqa, “rikanqëkiqa manam pasanqatsu” nimarqan.
4 Llapanta Gobernaq Jehovä Diosmi revelamar rikätsimarqan ninawan castiguëkanqanta. Llapanta Gobernaq Jehovä Dios mandamunqan ninam, mëtsika yakuta tsakitsirqan y pullan naciontam usharqan. 5 Tsënam nirqä: “¡Llapanta Gobernaq Teyta Jehovä, Jacobpa kastankunata amana castiguëkullënatsu!+ ¿Kananqa imanöraq kayanqa? ¡Kallpannaqmi këkäyan!”.+
6 Tsënam Teyta Jehoväqa llakiparqan.*+ Llapanta Gobernaq Jehovä Diosqa, “rikanqëkiqa manam pasanqatsu” nimarqan.
7 Tsëpitanam Jehovä Diosta revelacionchö rikarqä wiksukashqa murällata plomädawan medikaqta. 8 Tsënam Jehovä Diosqa nimarqan: “Amos, ¿imatataq rikëkanki?”. Noqanam, “plomädatam” nirqä. Tsëmi Jehovä Diosqa nimarqan: “Sirwimaqnï israelïtakunataqa mananam perdonashaqnatsu, tsëmi kananqa juk plomädawan medishaq.+ 9 Isaacpa sagrädu+ altu sitiunkunachöqa manam imapis kanqanatsu. Israelïtakunapa sagrädu sitiunkunatapis ushakätsishaqmi.+ Y Jeroboanpa familiantanam espädawan wanutsishaq”.+
10 Tsënam Betel+ markachö sacerdöti Amasïasqa Israelpa gobernantin Jeroboanman+ kënö willakatsirqan: “Israel markantsikman shamuykurmi qampa contrëki imëkata+ Amos parlëkan, këchö nunakunaqa wiyëtapis mantsayannam.+ 11 Amosqa, ‘Jeroboantam espädawan wanutsiyanqa y israelïtakunatam prësu apakuyanqa’” nikanmi.+
12 Amasïasqa Amostam kënö nirqan: “Dios rikätsishunqëkikunata willakoq nuna, qeshpir ëwakuy Judä markëkita. Tsëchömi willakunqëkipita imallatapis tarinki.+ 13 Peru Betel+ markachöqa amana willakuynatsu, tsëmanqa gobernantim+ adoraq ëwan y tsë templuchömi entëru nacionpita nunakunapis juntakäyan”.
14 Tsënö niptinmi Amosqa Amasïasta nirqan: “Noqaqa manam Diospa willakoqnintsu karqä,+ nï papänïpis manam Diospa willakoqnintsu karqan. Noqaqa üsha mitseqlla y sicömoru hïgus plantakunata cuidaqllam* karqä. 15 Peru üshata mitsir këkaptïmi Jehovä Dios qayamarqan. Jehovä Diosmi, ‘ëwar sirwimaq israelïtakunata willë’+ nimarqan. 16 Kananqa Jehovä Dios nimanqanta wiyamë: ‘Qamqa nikämanki Israelpa contran mana willakunäpaqmi+ y Isaacpa familiampa contran mana parlanäpaqmi’. 17 Jehovä Diosmi nin: “Markëkichömi warmiki qellëpaqrëkur jukwan jukwan kakunqa,* tsurikikunatam warmitapis ollqutapis espädawan wanutsiyanqa o wañutsiyanqa, chakrëkitam medir medir rakipänakuyanqa, israelïtakunatam prësu apakuyanqa y qamtaqa juk nacion nunakunapa markanchömi* wanutsiyäshunki”’”.+