Habacuc
Imata willakunäpaq nimanqanta
y corregimaptin imanö contestanäpaqmi alkäbu këkäshaq.
2 Tsënam Teyta Jehoväqa nimarqan:
“Revelacionchö rikätsinqaqta qellqë,
fuertipa leyir mana pantayänampaq y fäcil-lla leyiyänampaq,+ tablakunaman cläru churë.+
3 Revelacionchö qamta rikätsinqäqa tiempunchömi cumplikanqa,
tsë tiempu chämunampaqqa ichikllanam pishin, y rasumpam cumplikanqa.
Demoramoqnö kaptimpis, ¡alkäbulla këkë!*+
Tsëkunaqa rasumpam cumplikanqa.
¡Tiempunchömi cumplikanqa!
4 Orgullösu nunakuna imanö kayanqanta rikë.
Pëkunaqa mana allikunallamanmi shonqunkunachö yarparäyan,
peru allita ruraq nunaqa, mana dejakoq kanqampitam* kawanqa.+
5 Nunakuna vïnuta upurqa upanömi portakuyan.
Tsëmi allish tukoq nunapaqqa ima ruranqampis allitsu yarqun.
Pëqa imëkatam munan y Sepultüranöpis* manam kapunqanwan conformakuntsu, tsënö karpis manam munanqanta lograntsu.
Pëqa wanuynömi o wañuynömi tarinqanwan conformakuntsu,
mas y mas nacionkunatam juntan,
y mëtsë markakunatam duëñutsakun.+
6 Tsëqa, ¿manatsuraq contran tikrar pëpita llapankuna burlakuyanqa,
pantatsikuypa y mana entiendipaqkunata parlayanqa?+
Kënö nirmi parlayanqa:
‘¿Imëyaqraq mana pëpa kaqwan quedakunqa?
¡Allaw tsë nuna! Kikinllam mas jaqayoq* tikrëkan.
7 Tsëqa, ¿manatsuraq qellëta prestashoqnikikuna illaqpita shayämunqa?
Pëkunaqa lluta tapsikacharkuyäshurnikim
imëkëkikunata apakuyanqa.+
8 Mëtsika nacionkunapa imëkankunata apakushqa kayaptikim,
tsë nacionkunachö quedaqkunaqa imëkëkikunata apakuyanqa.+
Qamkunaqa mëtsika nunakunatam wanutsiyarqunki o wañutsiyarqunki,
y chakrakunata, markakunata
9 ¡Allaw nuna mayinkunata engañarnin wayinman* imëkata apaq!
Pëqa altuchö qeshun ruraq pishqunömi,
imëka mana allikunapita salvakunampaq kaqta pensan.
10 Imëkata ruranëkipaq patsätsinqëkiwanqa wayikichö kaqkunatam penqakatsirqunki.
Mëtsika markakunata ushakätsirqa jutsatam* rurarqunki.+
11 Murällachö ëwaq rumi qapariptinqa,
wayipa tëchunchö vïgam contestanqa.
12 ¡Allaw nuna mayinta wanutsir markata ruraq
y nunakunata mana alli tratar markata patsätseq nuna!
13 ¿Manaku angelkunata mandaq Teyta Jehoväqa permitishqa, ninachö ushakaqllapaq nunakuna trabajayänanta,
14 Lamarchö yaku junta kanqannömi,
patsachö nunakunaqa Teyta Jehovä alläpa puëdeq kanqanta musyayanqa.+
15 ¡Allaw cöleranchö amïgunkunata
qalapächuta rikänampaq
ima machatsikoqtapis qaraq nuna!
16 Respetashqa kanëkipa rantinmi penqakuychö ushanki.
Ishpakunëkipa puntanchö mana señalashqa kanqëkita rikäyänampaq,* kikikipis upuy.
Kananqa qamnam Teyta Jehoväpa derëcha kaq makinchö cöpapita upunki,+
y reqishqa këkarpis penqakuychömi ushanki.
17 Qamqa mëtsika nunakunatam wanutsirqunki,
chakrakunata, markakunata
y tsëchö llapan nunakunatam ushakätsirqunki.
Tsëmi Lïbanuta ushakätsinqëkinölla,
y mantsakashqa animalkunata ushakätsinqëkinölla qampis ushakanki.+
18 Nunakunaqa metalpita,* rumipita
y qerupita rurayanqan santukunamanmi confiakuyan.
Tsë santukuna yanapayänanta pensar adoraqkunaqa engañashqam kayashqa.
Tsë santukuna mana parlëkarninqa,
¿ruraqnin nunakunata imallachöpis yanapayanmantsuraq?+
19 ¡Allaw qerupita santukunata “yanapëkamë” neqkuna
o mana parlaq rumipita santukunata “yachatsiyämänëkipaq riyakuy o rikchakuy” neqkuna!
20 Teyta Jehoväqa sagrädu templunchömi këkan.+
¡Pëpa puntanchö llapan nunakuna upälla kayätsun!’”.+