Tïtu
3 Yarpätsir sïgui gobiernukunata y autoridäkunata+ respetakur cäsukuyänampaq, y imëka allikunata rurayänampaq listu këkäyänampaq, 2 pipaqpis mana allita mana parlayänampaq y pleytuta mana ashiyänampaq, sinöqa pensayanqanllachö mana tsarakuyänampaq+ y llapan nunakunawan yachanëpaq kayänampaq.+ 3 Juk tiempuqa noqantsikpis, juiciunnaq y mana cäsukoqmi karqantsik, engañashqa y imëka mana alli munëkunapa y munanqantsikpa esclävunmi karqantsik, imëka mana allikunata rurar y envidianakurmi kawarqantsik, melanëpaqmi karqantsik y juknintsik juknintsikmi chikinakurqantsik.
4 Tsënö kaptimpis, Salvamaqnintsik Dios+ alli kanqan y llapan nunakunata kuyanqan musyakäriptinmi, 5 kawëman chätsimänapaq limpiuyätsimarnintsik+ y jukläya nunana kanapaq santu espïritunwan yanapamarnintsik salvamarqantsik.+ Manam noqantsik alli kaqta ruranqantsikpitatsu,+ sinöqa llakipäkoq* karmi.+ 6 Pëqa Salvamaqnintsik Jesucristuwanmi, mëtsika* santu espïrituyoq kanantsikta permitishqa,+ 7 tsënöpa pë alläpa alli kaptin allita ruraqnö rikashqa karnin,+ imëyaqpis kawëta shuyaraq herenciata+ chaskeqkuna kanapaq.+
8 Tsë ninqaqkunaqa confiakuypaqmi, y Teyta Diosman creikoqkuna imëpis alli kaqta rurar këkäyänampaqmi, tsëkunata kutin kutin yarpätsinëkita munä. Tsëkunaqa alläpa allim y nunakunatam yanapan.
9 Peru mana cäbeqkunapaq discutiyanqanman, unë kastakunapa jutinkunapaq parlayanqanman, y Ley asuntupaq pleytuyanqanman y pelyayanqanmanqa ama mëtikuytsu. Tsëkunaqa manam imachöpis yanapakuntsu y manam imamampis chätsikuntsu.+ 10 Juk nuna mana rasumpa kaqta yachatsikur puriptinqa,+ y punta kutipa y ishkë kutipa cläru consejaptikipis mana cäsukuptinqa,+ amana pëwan juntakuynatsu.+ 11 Qamqa musyankim tsë nunaqa creikunqanta dejëkur jutsata* rurëkanqanta, y kikinlla condenakuykanqanta.
12 Artemasta o Tïquicuta+ qamman mandamuptïqa, llapan puëdinqëkita rurë Nicöpolis markaman rikämaq shamunëkipaq. Noqaqa tamya witsan tsëchö pasanäpaqmi decidirqö. 13 Imankunapis mana faltanampaq, Leyta alli reqeq Zënasta y Apölusta viäjinkunapaq llapan wanayanqanwan* yanapë.+ 14 Peru creikoq mayintsikkunapis allikuna rurëta yachakuyätsun, tsënöpa imapis illaqpita pasakuptin wanaqkunata* yanapayänampaq,+ y alli rurëkunayoq kayänampaq.+
15 Noqawan këkaqkunam salüdunkunata apatsikayämun. Kuyayämaq creikoq mayintsikkunata saludëkuy.
Teyta Dios llapëkiwan alläpa alli këkutsun.