Amos
1 Këchömi qellqarëkan israelïtakunata ima pasanampaq kaqta Amos* willakunqan. Pëqa Tecöa+ markachö üsha wätaq nunam karqan. Amostaqa Teyta Dios revelarqan Judächö Uzïas+ gobernanqan witsan y Israelchö Joaspa+ tsurin Jeroboan+ gobernanqan witsanmi. Tsëpita ishkë wata pasanqanchömi patsaqa fuertipa kuyurqan.+ 2 Kënö nirmi Amos willakurqan:
“Teyta Jehovämi Sion jirkapita leonnöraq qaparimunqa* Jerusalen markapitam fuertipa parlamunqa.
Mitsikoqkuna mitsikuyanqan qewakunapis tsakirmi ushakanqa
Carmëlu jirkachö qewakunapis ushakanqam”.+
3 “Jehovä Diosmi kënö nin:
‘“Damascu markachö nunakunataqa, mana cäsukur jutsata* rurayanqampitam castigashaq, manam castïgunnaqtaqa dejashaqtsu.
Pëkunaqa ërachö fiërru tablakunawan trïguta jarutseqnömi Galaad nunakunata ushakätsiyashqa.+
4 Tsënö kayanqampitam, Hazaelpa+ wayintaqa imëka ninawannö ushakätsishaq
y Ben-Hadadpa+ alli murallashqa törrinkunapis ushakanqam.
5 Damascu+ markachö punkunkunapa trancanankunatam pakir ushashaq,
Bicat-Avenchö nunakunatam ushakätsishaq.
Bet-Eden markachö gobernantitapis ushakätsishaqmi
y Siriachö kawaqkunatam Quir+ läduman prësu apayanqa” ninmi Teyta Jehovä’.
6 Jehovä Diosmi kënö nin:
‘“Gäza+ markachö nunakunataqa, mana cäsukur jutsata* rurayanqampitam castigashaq, manam castïgunnaqtaqa dejashaqtsu.
Pëkunam nunakunata prësur,+ Edom nunakunaman apayarqan.
7 Tsënö kayanqampitam, Gäza+ markapa murällankunataqa imëka ninawannö ushakätsishaq,
tsëmi alli murallashqa törrinkunapis ushakanqa.
Tsënöllam Ecron+ markachö nunakunata castigashaq.
Y quedaq filisteukunatapis ushakätsishaqmi”+ ninmi Llapanta Gobernaq Teyta Jehovä’.
9 Jehovä Diosmi kënö nin:
‘Tïru+ markachö nunakunataqa, mana cäsukur jutsata* rurayanqampitam castigashaq, manam castïgunnaqtaqa dejashaqtsu.
Pëkunam nunakunata prësur, Edom nunakunaman apayarqan
y manam yarpäyarqantsu+ wawqi kayänampaq unë rurayanqan acuerduta.
10 Tsënö kayanqampitam, Tïru markapa murällankunataqa imëka ninawannö ushakätsishaq,
tsëmi alli murallashqa törrinkunapis ushakanqa’.+
11 Jehovä Diosmi kënö nin:
‘Edom+ markachö nunakunataqa, mana cäsukur jutsata* rurayanqampitam castigashaq, manam castïgunnaqtaqa dejashaqtsu.
Alläpa cölerashqam, mana llakipëpa rachir ushayarqan
y pëkunawanqa cölerashqallam imëpis këkäyan.+
12 Tsënö kayanqampitam, Teman+ sitiutaqa imëka ninawannö ushakätsishaq,
tsëmi Bozrä markapa alli murallashqa törrinkunapis ushakanqa’.+
13 Jehovä Diosmi kënö nin:
‘“Ammonïta+ nunakunataqa, mana cäsukur jutsata* rurayanqampitam castigashaq, manam castïgunnaqtaqa dejashaqtsu.
Pëkunaqa markankunata duëñu tukuyta munarmi Galaadchö qeshyaq warmikunapa pachankunata pishtar ushayarqan.+
14 Guërra kanqan junaqmi Rabä+ markapa murällankunata ninawan ushakätsishaq.
Qayëkacharnin guërrachö këkäyanqan sitiupitam,
fuerti vientuwan nina yarqamur
alli murallashqa törrinkunatapis ushakätsinqa.
15 Gobernantitaqa dirigentikunatawan juntum prësu apayanqa”+ ninmi Teyta Jehovä’.