Isaïas
57 Alli kaqta ruraqkunaqa ushakäyashqanam,
peru nunakunataqa manam imapis qokuyantsu.
Mana dejakoq nunakunata wanutsiyaptimpis,+
imëka mana allikuna kaptinmi ni pï cuentata qokuntsu,
allita ruraq nunakunata wanutsiyanqanta.
2 Allita ruraq nunakunaqa yamë këtam tariyan,
y llapankunam sepultürachö ushayan.
3 “Qamkuna, brüja warmipa wamrankuna
y warminta engañaq nunapa
y qellëpaqrëkur jukwan jukwan kakoq* warmipa wamrankuna, noqaman witiyämuy.
4 ¿Pipitataq tsënö burlakuyanki?
¿Pipita burlakuyänëkipaqtan shimikikunata alli kichayanki y qalluykikunata aqtupäyanki?
5 Qamkunaqa jatusaq plantakunapa
y mëtsika rämayoq montikunapa o qerukunapa chakinchömi
oqllanakuyta munar kakuyanki.+
Tsënöllam pampakunachö y qaqakunapa uchkunkunachöpis wamrëkikunata wanutsiyanki.+
6 Kananqa rumipita santukunatam akrayanki,+
tsëkunam qamkunapa herenciëkikuna kanqa.
Tsë rumipita santukunapaqmi qarëkunata apayanki,+
tsëkunapa jananmanmi vïnuta jichayanki.
¿Tsëta rurëkäyaptikitsuraq noqaqa kushishqa këkäman?*
7 Jatusaq jirkakuna jananchömi cämëkikunata alistayarqëki,+
tsëmanmi santukunapaq qarëkunata apayarqëki.+
8 Wayikikuna rurinmanmi* juk santuta churayarqëki.
Dejaramarmi röpëkikunata jipikuyarqëki
y cämëkikunaman yëkurmi juk kuchuman churakäyarqëki.
Oqllanakuyta gustayanqëki wënëkikunawanmi acuerduta rurayarqëki,+
y ollqukunapa ishpakunankunatam* rikäyarqëki.
9 Aceitita y mëtsika perfümikunata aparkurmi Mëlecman* ëwayarqëki,
y willakoqnikikunata karuman mandashqa karmi Sepultüraman* uräyarqëki.
10 Wakpa këpa ëwarmi kallpannaq ushayarqëki,
peru manam ‘¡këtaqa ardëllam* rurëkä!’ niyarqëkitsu.
Yapë kallpëkikuna kariptinqa,
tsëta rurarmi sïguiyarqëki.
11 ¿Pita alläpa mantsartan ulikoq o llullakoq tikrayarqëki?+
Noqata qonqaramarpis+ manam imapis qokuyarqëkitsu.+
Upälla kakur imatapis mana ruraptïmi+
qamkunaqa ni ichikllapis respetayämarqunkitsu.
12 Allita ruraq tukuyanqëkita+ y wakin rurayanqëkita+ nunakuna rikäyänantam permitishaq.
Tsë llapan rurayanqëkiqa manam imachöpis yanapayäshunkitsu.+
13 Yanapayäshunëkipaq qayakuyaptikipis
juntayanqëki santuykikunaqa manam salvayäshunkitsu.+
Tsë llapan santuykikunataqa ichik vientullam apakunqa,
peru noqaman confiakoqkunaqa
kë markakunapa duëñunkunam kayanqa,
y akranqä sagrädu jirkachömi kawayanqa.+
14 Juk nunam kënö ninqa: ‘¡Nänita rurayë! Awmi, ¡nänita alistayë!+
Sirwimaqnïkuna puriyänan nänipita imëkata limpiayë’”.
“Humildi kaqkunata y alläpa llakishqa këkaqkunata
kallpayoqta tikratsinäpaqmi+
altu y sagrädu sitiuchö kawëkarpis+
llakishqa këkaqkunawan y humildi kaqkunawan këkä.
16 Manam imëyaqpis pëkunapa contranllatsu këkäshaq,
y manam imëyaqpis pëkunawan cölerashqallatsu këkäshaq.+
Pëkunawan cölerashqalla kaptïqa llapan nunakunachi kallpannaq ushayanman.+
Awmi, llapan kawëkaqkuna y llapan kamanqäkunachi kallpannaq ushayanman.
17 Wakinkunata engañar imëkata tariyanqëkipita+ y jutsata* rurayanqëkipitam qamkunawan cölerakurqä.
Tsëmi qamkunata castigarqä* y cölerakurmi qamkunata rikëtapis munarqätsu.*
Peru qamkunaqa shonquykikuna ninqanta rurarmi munayanqëkita rurar sïguiyarqëki.+
Yapëmi qamkunata y qamkunawan juntu llakikoqkunata shoqayashqëki”.+
19 “Nunakuna alabayämänantam permitishaq.
Karuchö kaqkunapis y amänuchö kaqkunapis imëpis yamëmi kayanqa.+
Y noqam pëkunata alliyäyänampaq yanapashaq” ninmi Teyta Jehovä.
20 “Peru mana allita ruraqkunaqa lamar yaku laqcheqyëkaqnömi yamë këta puëdiyantsu.
Tsë laqcheqyëkaq yakuqa, allpata y leqitallatam imëpis jitëkämun.
21 Awmi, mana allita ruraqkunaqa, manam yamë këta tariyantsu” ninmi Teyta Diosnï.+